Bu səhifədə iş davam etməkdədir. |
Sahib Yusif oğlu İbrahimov (11 iyul 1970, Qazax rayonu, Daş Salahlı kəndi) — azərbaycanlı muğam ifaçısı və müğənni.[1][2]
| Sahib Yusif oğlu İbrahimov | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Daş Salahlı kəndi, Qazax rayonu, Azərbaycan SSR |
| Milliyyəti | azərbaycanlı |
| Musiqiçi məlumatları | |
| Janrlar | muğam, xalq musiqisi |
| Təhsili | Asəf Zeynallı adına Orta İxtisas Musiqi Məktəbi; Azərbaycan Dövlət Mədəniyyət və İncəsənət Universiteti |
Sahib İbrahimov 11 iyul 1970-ci il tarixində Qazax rayonunun Daş Salahlı kəndində anadan olub. Musiqiyə marağı erkən yaşlarından formalaşıb.[3] 1991-ci ildə Asəf Zeynallı adına Orta İxtisas Musiqi Məktəbində xanəndə Hacıbaba Hüseynovun muğam sinfində təhsil alıb. Daha sonra Azərbaycan Dövlət Mədəniyyət və İncəsənət Universitetində solo oxu ixtisası üzrə təhsilini davam etdirib.[4]
1996-cı ildən etibarən təhsilini Asəf Zeynallı adına Orta İxtisas Musiqi Məktəbində davam etdirib. Həmin dövrdə Rəşid Behbudov adına Dövlət Mahnı Teatrına solist kimi qəbul olunub.[5]
1998–2006-cı illərdə Azərbaycan Dövlət Muğam Teatrında solist kimi fəaliyyət göstərib.[6] 2002-ci ildə tarzən Möhlət Müslümov və kamançaçı Fəxrəddin Dadaşovun müşayiəti ilə ifa etdiyi “Sarı gəlin” Azərbaycan xalq mahnısı Almaniyada disk formatında buraxılıb.
2005-ci ildə Habil Əliyevin rəhbərliyi ilə hazırlanan “Rast” muğam dəsgahı layihəsində iştirak edib.
2006-cı ildən Bülbül adına Orta İxtisas Musiqi Məktəbində müəllim kimi fəaliyyət göstərir.
Oxuduğu Zabul segahı radionun Qızıl Fondunda saxlanıllr.[6]
Ailəlidir. 2 övladı, 3 nəvəsi var.
- ↑ "Müğənni Sahib İbrahimov şəxsi həyatı ilə bağlı açıqlama verib". Day.Az (az.).
- ↑ "Azərbaycanlı müğənni: "14 yaşımda borca görə toyda oxudum, səsim batdı"". Baku.ws. 09 dekabr 2021. İstifadə tarixi: 24 yanvar 2026.
- ↑ "Sahib İbrahimov ailə həyatı və yaradıcılığından danışıb". Milli.Az (az.).
- ↑ "Sahib İbrahimov Manaf Ağayevin sözlərinə cavab verib". Azxeber.com (az.).
- ↑ "Sinif yoldaşı ilə evlənən müğənni: İlk dəfə qatarda rastlaşdıq". Baku.ws (az.).
- 1 2 "İki dəfə kliniki ölüm keçirən azərbaycanlı müğənni – FOTO". Day.Az. 4 oktyabr 2015. İstifadə tarixi: 24 yanvar 2026.