Vikipediya ?

Sahibə Qafarova — Vikipediya

Sahibə Əli qızı Qafarova (19 mart 1955(1955-03-19)) — Azərbaycan Respublikasının Milli Məclisinin sədri (2020-ci ildən) və IV, V, VI çağırışdeputatı, filologiya elmləri doktoru, professor, Bakı Slavyan Universitetinin Beynəlxalq əlaqələr üzrə prorektoru (2004-2020).

Sahibə Qafarova
Sahibə Qafarova.jpg
bayraq Azərbaycan Respublikasının
Milli Məclisinin sədri
bayraq
10 mart 2020 — indiyə kimi
Sələfi Oqtay Əsədov
Şəxsi məlumatlar
Təhsili Azərbaycan Pedaqoji Rus dili və Ədəbiyyatı İnstitutu,
Azərbaycan Dövlət Dillər İnstitutu
Doğum tarixi 19 mart 1955(1955-03-19) (65 yaş)
Elmi fəaliyyəti
Elm sahəsi filologiya
Elmi dərəcəsi filologiya elmləri doktoru, professor

Həyatı

Sahibə Qafarova 19 mart 1955-ci ildə anadan olub. M.F.Axundov adına Azərbaycan Pedaqoji Rus dili və Ədəbiyyatı İnstitutunuAzərbaycan Dillər Universitetini (ingilis filologiyası üzrə) fərqlənmə diplomları ilə bitirən professor həmin müddətdə yüksək tədris göstəricilərinə görə, Lenin adına təqaüd alıb. O, 1981-1984-cü illərdə Bakı Slavyan Universitetində aspirantura pilləsində təhsilini davam etdirib. 1987-ci ildə elmlər namizədi alimlik dərəcəsi alan Sahibə Qafarova 1998-2000-ci illərdə doktoranturada elmi tədqiqatlarını davam etdirib. 2004-cü ildə elmlər doktoru alimlik dərəcəsi alıb.

Fəaliyyəti

1978-1980-ci illərdə Şəmkir şəhərində rus dili və ədəbiyyatı müəllimi kimi pedaqoji fəaliyyətə başlayıb. 1985-ci ildən Bakı Slavyan Universitetində müəllim, baş müəllim, dosent və professor kimi çalışır. 2000-2004-cü illərdə Qərb Universitetinin Qərbi Avropa Dilləri fakültəsinin dekanı və İngilis filologiyası kafedrasının müdiri vəzifələrində çalışmışdır. 2004-cü ildən Bakı Slavyan Universitetinin Beynəlxalq əlaqələr üzrə prorektoru kimi fəaliyyət göstərir. Ədəbiyyat nəzəriyyəsi, müasir rusAmerika ədəbiyyatları üzrə mütəxəssis olan Sahibə Qafarova 70-dən çox elmi və tədris-metodik işin, proqramların, dərs vəsaitlərinin müəllifidir.

2010-cu ildə Milli Məclisə seçkilərdə Şəmkir şəhərindən millət vəkili seçilən Sahibə Qafarova beşinci və altıncı çağırış Milli Məclisinin də üzvü olub. Beşinci çağırış Milli Məclisin Ailə, qadın və uşaq məsələləri komitəsinin sədr müavini kimi fəaliyyət göstərib. 2010-cu ildən Avropa Şurası Parlament Assambleyasında Azərbaycanın nümayəndə heyətinin üzvü kimi 10 il müddətində müvəffəqiyyətlə təmsil olunan Sahibə Qafarova AŞPA komitəsinə sədrlik edən ilk azərbaycanlı parlamentari olub. Belə ki, millət vəkili 2016-2017-ci illərdə AŞPA-nın Miqrasiya, qaçqınlar və məcburi köçkünlər üzrə Komitəsinin sədri seçilib.

Bununla yanaşı, 2015-2017-ci illərdə AŞPA-nın "Qadınlara qarşı zorakılıqla mübarizə" üzrə Baş məruzəçisi seçilən Sahibə Qafarova həmin qurumun "Qadınlara qarşı zorakılığa yox!" şəbəkəsinin siyasi koordinatoru və rəhbəri vəzifəsində də çalışıb. Eyni zamanda qurumun Büro üzvü vəzifəsinə seçilib. Martın 10-da keçirilən altıncı çağırış Azərbaycan Respublikası Milli Məclisinin iclasında Sədr vəzifəsinə seçilib.

Eyni zamanda çoxillik elmi və pedaqoji faliyyətin nəticəsi olaraq 80-ə qədər elmi və tədris-metodik işin, monoqrafiyanın, proqramların və dərs vəsaitlərinin müəllifi olan Sahibə Qafarova 2006-cı ildə ABŞ Dövlət Departamentinin Fulbright Scholarship proqramı çərçivəsində Miçiqan Universitetinin "Gender araşdırmaları" İnstitutunda tədqiqatlar aparıb, Birləşmiş Ştatların Prinston, Miçiqan, E.S.Tennessi Universitetlərində Azərbaycanda qadın mövzusunda mühazirələrlə və təqdimatlarla çıxış edib, bir sıra beynəlxalq elmi konfransların iştirakçısı olub:

İştirak etdiyi layihələr və təşkilatlar

  • 2002-ci ildə ABŞ Dövlət Departamentinin “International Visitor” proqramı;
  • 2006-cı ildə Azərbaycan nümayəndə heyətinin tərkibində ABŞ-ın Prinston şəhərində START/CAUCASUS Təlim proqramı çərçivəsində ETS treninqlərində iştirak edib;
  • 2006-cı ildə ABŞ Dövlət Departamentinin Fulbright Scholarship proqramı çərçivəsində Miçiqan Universitetinin “Gender araşdırmaları” İnstitutunda çalışıb;
  • ABŞ-ın Prinston, Miçiqan, Tennessi Universitetlərində mühazirələrlə çıxış edib;
  • 2004-cü ildən Yeni Azərbaycan Partiyasının üzvüdür;
  • Azərbaycan Respublikası Milli Məclisinin IV, V və VI çağırış deputatı;
  • Azərbaycanın AŞPA-dakı nümayəndə heyətinin üzvü;
  • 2015-2017-ci illərdə AŞPA-nın “Qadınlara qarşı zorakılıqla mübarizə” üzrə Baş məruzəçisi olub. Həmin gurumun “Qadınlara qarşı zorakılıqla yox!” şəbəkəsinin siyasi koordinatoru və rəhbəri vəzifəsində çalışıb;
  • 2016-2017-ci illərdə AŞPA-nın miqrasiya, qaçqınlar və məcburi köçkünlər üzrə Komitəsinin sədri olub. Həmin illərdə AŞPA-nın Büro üzvü olub;
  • 2018-ci ildən AVRONEST Parlament Assambleyasında Azərbaycan nümayəndə heyətinin rəhbəridir;
  • Azərbaycan Respublikasının Dini Qurumlarla İş üzrə Dövlət Komitəsinin tabeliyində olan Mənəvi Dəyərlərin Təbliği Fondun himayəçilik şurasının üzvüdür.

Üzv olduğu beynəlxalq elmi cəmiyyətlər

Mükafatı

2016-cı ildə Azərbaycan Respublikası Prezidentinin Sərəncamı ilə təhsil sahəsində xidmətlərinə görə, "Əməkdar müəllim" fəxri adına layiq görülüb.

İstinadlar

  1. . 12 Mar 2020 tarixində arxivləşdirilib. İstifadə tarixi: 2020-03-08.
  2. . 10 Mar 2020 tarixində arxivləşdirilib. İstifadə tarixi: 2020-03-08.
  3. . 12 Mar 2020 tarixində arxivləşdirilib. İstifadə tarixi: 2020-03-08.
  4. . 12 Mar 2020 tarixində arxivləşdirilib. İstifadə tarixi: 2020-03-08.
  5. . 12 Mar 2020 tarixində arxivləşdirilib. İstifadə tarixi: 2020-03-08.

Xarici Keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019