Şəkərov Saday Əsəd oğlu (Şəkərli) — şair, 1995-ci ildən Azərbaycan Yazıçılar Birliyinin üzvü.
| Saday Şəkərli | |
|---|---|
| Saday Əsəd oğlu Şəkərli | |
| Doğum tarixi | |
| Doğum yeri | Bəcirəvan, Cəlilabad rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Fəaliyyəti | şair |
Saday Şəkərli 1959-cu il sentyabrın 7-də Cəlilabad rayonunun Bəcirəvan kəndində anadan olmuşdur. Burada səkkizillik məktəbi bitirmişdir. Bakıda 18 saylı texniki-peşə məktəbində, Bakı sənaye-pedaqoji texnikumunda təhsil almışdır (1976-1980). Rusiyada Saratov Kənd Təsərrüfatı Mexanizasiyası İnstitutunda təhsilini davam etdirmişdir (1980-1985).
Bədii yaradıcılığa tələbəlik illərində başlamışdır. "Məhəbbət ağacı" adlı ilk şeirlər toplusu 1985-ci ildə Saratov şəhərində dərc edilmişdir. 1984-cü ildə Gənc yazıçıların Moskvada keçirilən 8-ci Ümumittifaq seminar-müşavirəsinin iştirakçısı olmuşdur. Əmək fəaliyyətinə 1988-ci ildən Cəlilabad rayonunun suvarma idarəsində başlamışdır. Sonra burada kiçik müəssisə təşkil etmişdir. 1993-cü ildən Bakıda yaşamışdır. "Təbriz" nəşriyyatının direktoru işləmişdir.
2016-cı ildə Bakı Ağır Cinayətlər Məhkəməsinin hökmü ilə 10 il müddətinə azadlıqdan məhrum edilsə də, Bakı Apelyasiya Məhkəməsi hökmü dəyişdirərək onun cəzasını 5 ilə endirmişdir. [1] 2018-ci ildə həbsdən çıxdıqdan sonra xaricə mühacirət etmişdir.
- Дерево любви. Саратов: ПКИ, 1985, 48 стр.
- Torpağa oğul sözü. Bakı: Yazıçı, 1986, 66 səh.
- Məni soruşan olsa. Bakı: Təbriz, 1995, 62 səh.
- Alça çiçəkləyib. Bakı: Təbriz, 1996, 16 səh.
- Gecədən çıxan kimi (şeir və poemalar). Bakı: Təbriz, 1996, 208 səh.
- Gümüş şamın şöləsi. (başqırd dilində). Ufa: 2000, 48 səh.
- Ömrün yorğun kölgəsi (şeirlər və poemalar). Bakı: Elm və təhsil, 2009, 328 səh.
- Birİnci kitab. Bakı: Araz 2010, 214 səh.
- Музыка дождя. Москва: Новый век, 2010, 82 стр.
- Haydı. Vaşinqton: 2011, 84 səh.
- Ölümdən qayıdan. Təbriz: 2011, 90 səh.
- Atamdan qalan payız. İstanbul: 2011, 104 səh.
- Qurd ürəyi. Bakı: Araz 2015, 232 səh.
- Qadağan olunmuş rəng. Bakı: Vektor Nəşrlər evi, 2014, 220 səh.
- Səni sevənlərin hamısı sənsən. Bakı: Elm və təhsil, 2014, 670 səh.
- Əsərləri. 1-ci cild. Bakı: Ziya, 2019, 304 səh.
- Əsərləri. 2-ci cild. Bakı: Ziya, 2019, 304 səh.
- Əsərləri. 3-cü cild. Bakı: Ziya, 2019, 304 səh.
- Əsərləri. 4-cü cild. Bakı: Ziya, 2019, 304 səh.
- Əsərləri. 5-ci cild. Bakı: Ziya, 2019, 304 səh.
- Произведения. 1-й том. Москва: Креатив Центр Глянец, 2019, 420 стр.
- ↑ "Saday Şəkərli cəzaçəkmə müəssisəsinə qaytarıldı". 2020-02-25 tarixində arxivləşdirilib. İstifadə tarixi: 2020-02-25.