Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSadamitsu Neil Fujita (yap. 藤田 定光; 16 may 1921[1] – 23 oktyabr 2010[2][3], Lonq-Aylend, Nyu-York ştatı) — ABŞ-da çalışmış yapon əsilli qrafik dizayner və illüstrator. O, xüsusilə 1950-1960-cı illərdə dizayn etdiyi kitab üzləri və korporativ identifikasiya layihələri ilə məşhurlaşmışdır.[4][5]
| Sadamitsu Fujita | |
|---|---|
| Doğum tarixi | 16 may 1921[1] |
| Vəfat tarixi | 23 oktyabr 2010[2][3] (89 yaşında) |
| Vəfat yeri | |
| Vəfat səbəbi | insult |
| Fəaliyyəti | qrafik dizayner, rəssam, yazıçı |
| Fəaliyyət illəri | 1949–2005 |
Sadamitsu Fujita 16 may 1921-ci ildə Havay ərazisində Vaimea adasında yapon əsilli ailədə anadan olub. O, İkinci Dünya müharibəsi zamanı xüsusi düşərgədə saxlanılmasına baxmayaraq, sonradan ABŞ ordusuna qatılmışıdr. Müharibədən sonra Pennilvaniya İncəsənət Akademiyasında təhsil almışdır.[5]
Sadamitsu Fujita karyerasına 1950-ci illərdə "Columbia Records"da qrafik dizayner kimi başlamışdır. Burada caz musiqisi albomları üzünü dizayn etmişdir. Onun yaratdığı üzlər yalnız musiqini təmsil etmirdi, həm də janrın estetik ruhunu vizual olaraq ifadə edirdi. Fujita bu dövrdə abstrakt sənətdən və müasir dizayn elementlərindən istifadə etməyə başlamışdır.[5]
Fujitanın ən məşhur işlərindən bəziləri kitab üzləridir. O, Mario Pyuzonun "Xaç atası", Truman Kapotenin "In Cold Blood" və Erli Stenli Qardnerin "Perry Mason" seriyası üçün kitab üzlərinin şəklini çəkib.[6][7]
Dizayn sahəsində böyük nüfuz qazandıqdan sonra Fujita reklam və korporativ identifikasiya sahəsində də fəaliyyət göstərmişdir. O, IBM, NBC və daha bir neçə böyük şirkət üçün vizual kimlik layihələri üzərində işləmişdir. Onun dizayn etdiyi loqolar sadəliyi və funksionallığı ilə seçilirdi.[5][8][9]
Nyu-York ştatının Sautold şəhərində yaşayan Fujita 23 oktyabr 2010-cu ildə insultdan sonra yaranan ağırlaşmalar səbəbindən 89 yaşında Nyu-Yorkun Qrinport şəhərində vəfat etdi. Ondan sonra kiçik qardaşı Hisao "Hy" Fujita (həmçinin qrafik dizayner), üç oğlu və altı nəvəsi qaldı.[5]
- ↑ 1 2 3 RKDartists (nid.).
- ↑ 1 2 http://www.nytimes.com/2010/10/27/arts/design/27fujita.html.
- ↑ 1 2 Neil Fujita // RKDartists (nid.).
- ↑ ハワイ報知 = The Hawaii Hochi (ホノルル), 1954.06.21
- ↑ 1 2 3 4 5 Grimes, William. "S. Neil Fujita, Innovative Graphic Designer, Dies at 89". The New York Times. 27 oktyabr 2010. İstifadə tarixi: 27 oktyabr 2010.
- ↑ "Sadamitsu Neil Fujita". DiscoverNikkei.org. İstifadə tarixi: 12 noyabr 2011.
- ↑ Wakida, Patricia. "Sadamitsu Neil Fujita". Densho Encyclopedia. İstifadə tarixi: 17 oktyabr 2014.
- ↑ "Sadamitsu Neil Fujita | Japanese American Military Experience Database - Discover Nikkei". www.discovernikkei.org. İstifadə tarixi: 22 aprel 2022.
- ↑ Heller, Steven; D'Onofrio, Greg. The Moderns: Midcentury American Graphic Design (ingilis). Abrams. 19 sentyabr 2017. ISBN 9781683350125.
- Chang, Gordon H., Mark Dean Johnson, Paul J. Karlstrom & Sharon Spain, Asian American Art, a History, 1850–1970, Stanford University Press, ISBN 9780804757515, pp. 314–315
- Heller, Steven. "Waxing Chromatic: An Interview with S. Neil Fujita". Voice: AIGA Journal of Design. 18 sentyabr 2007. 15 oktyabr 2007 tarixində orijinalından arxivləşdirilib. İstifadə tarixi: 2 noyabr 2010.
- "Neil Fujita". en:The Sunday Telegraph. 28 oktyabr 2010. İstifadə tarixi: 2 noyabr 2010.
- Fujita, S. Neil. A Mouth of Reddish Water: A Japanese American Story. oktyabr 2005. 14 may 2016 tarixində orijinalından arxivləşdirilib. İstifadə tarixi: 2 noyabr 2010.