Sadıq Məmmədzaman oğlu Səlimov (20 mart 1932, Kürd, Qutqaşen rayonu – 5 sentyabr 2014, Bakı) — Azərbaycan Kommunist Partiyası Quba Rayon Partiya Komitəsinin birinci katibi (1971–1983). Azərbaycan SSR Ali Sovetinin VIII, IX, X çağırış deputatı. Hüquq elmləri üzrə fəlsəfə doktoru, dosent.
| Sadıq Səlimov | |
|---|---|
| 1971 – dekabr 1983 | |
| Əvvəlki | Şıxsəid Kərimov |
| Sonrakı | Paşa Əhmədov |
| Şəxsi məlumatlar | |
| Doğum tarixi | 20 mart 1932 |
| Doğum yeri | |
| Vəfat tarixi | 5 sentyabr 2014 (82 yaşında) |
| Vəfat yeri | |
| Partiya | |
| Elmi fəaliyyəti | |
| Elm sahəsi | hüquq |
| Elmi dərəcəsi | |
| Elmi adı | |
|
|
|
| Təltifləri |
 |
 Vikianbarda əlaqəli mediafayllar | |
.svg){kind=small}
1932-ci ilin 20 mart tarixində Qəbələ rayonunun Kürd kəndində Səlimovlar ailəsində anadan olmuşdur. Gənc yaşlarında doğulduğu kəndini tərk edib Bakı şəhərinə gəlmişdir.
Bir dövr Quba Rayon Partiya Komitəsinin birinci katibi vəzifəsində çalışarkən Qubada yaşayıb. Qubadakı fəaliyyətindən sonra yenidən Bakıya qayıtmışdır.
2014-cü ilin 5 sentyabr tarixində Bakı şəhərində vəfat etmişdir.
250 nömrəli İkinci Nügədi seçki dairəsindən Azərbaycan SSR Ali Sovetinin VIII çağırış deputatı, 262 nömrəli İkinci Nügədi seçki dairəsindən Azərbaycan SSR Ali Sovetinin IX çağırış deputatı və 294 nömrəli İkinci Nügədi seçki dairəsindən Azərbaycan SSR Ali Sovetinin X çağırış deputatı seçilmişdir.
1971–1983-cü illərdə Quba Rayon Partiya Komitəsinin birinci katibi vəzifəsində çalışmışdır.
Bakı Dövlət Universiteti və Dövlət İdarəçilik Akademiyasında uzun illər çalışmışdır. Hüquq elmləri üzrə fəlsəfə doktoru, dosent olmuşdur.Dövlət İdarəçilik Akademiyasının hüquq kafedrasının müdiri kimi çalışmışdır.[1]
2003-cü ildə Rahib Əkbərov ilə birgə yazdığı "Azərbaycanın dövlət və hüquq tarixi" kitabı Qanun nəşriyyatında çap olunmuşdur.[2][3]Bu kitab ibtidai icma dövründən XXI əsrin əvvəllərinə qədər Azərbaycan ərazisində mövcud olmuş dövlətlərdən, onların ictimai quruluşundan dövlət quruluşundan və hüququn inkişaf xüsusiyyətlərindən bəhs edir.[4]
Bundan əlavə,1969-cu ildə "Azərbaycan SSR mülki qanunvericiliyi tarixindən" kitabı Azərbaycan nəşriyyatında çap olunmuşdur.[5]Kitabda hüquqi sistemin təkamülü, normativ aktların kodifikasiyası və Azərbaycan SSR-də mülki qanunvericiliyin SSRİ-nin ümumi hüquq siyasəti ilə necə uzlaşdırıldığı göstərilir. Müəllif hüquqi inkişafın ideoloji çərçivədə aparıldığını, lakin müəyyən mərhələlərdə yerli xüsusiyyətlərin də nəzərə alındığını vurğulayır.Bu əsər Azərbaycan mülki hüququnun sovet dövründəki inkişaf mərhələlərini və bu sahədəki qanunvericilik təcrübəsini tarixi, hüquqi və ideoloji kontekstdə təqdim edən mühüm elmi mənbədir.Kitabda 1920-ci ildə sovet hakimiyyətinin qurulmasından sonra mülki qanunvericilik sahəsində baş verən kəskin dəyişikliklər geniş şəkildə təhlil edilir. Sovet ideologiyası ilə uyğunlaşdırılmış yeni hüquqi sistemin qurulması, köhnə hüquq sisteminin ləğv edilməsi, mülkiyyət formalarının dəyişdirilməsi, xüsusilə də xüsusi mülkiyyətin məhdudlaşdırılması məsələləri ətraflı izah olunur. Müəllif sovet dövründə hazırlanmış və tətbiq olunmuş mülki məcəllələrin hüquqi əsaslarını, onların formalaşma mərhələlərini və SSRİ səviyyəsində qəbul edilən qanunların Azərbaycan SSR qanunvericiliyinə təsirini ayrıca araşdırır.Əsərdə mülki hüququn əsas sahələri – mülkiyyət hüququ, müqavilə və öhdəlik hüququ, ailə və vərəsəlik münasibətləri sistemli şəkildə təqdim olunur. Dövlət və kooperativ mülkiyyət formalarının hüquqi tənzimlənməsi, müqavilə münasibətlərinin planlı iqtisadiyyata uyğun şəkildə qurulması və bu münasibətlərin hüquqi mexanizmlərlə necə tənzimləndiyi araşdırılır. Müəllif eyni zamanda ailə münasibətlərinin və vərəsəlik hüququnun da sovet qanunvericiliyi çərçivəsində necə dəyişdiyini izah edir.
Həmmüəllifi olduğu "Azərbaycanın dövlət və hüquq tarixi: ən qədim dövrlərdən ХХI əsrin əvvəllərinə qədər" kitabı 2009-cu ildə "Hüquq ədəbiyyatı"-da çap olunmuşdur.[6]
Həmçinin, 1968-ci ildə "Azərbaycan Kommunisti" jurnalında çap olunmuş "Sovet qanunvericiliyinin başlıca prinsipləri" məqaləsinin, 1970-ci ildə Bakıda çap olunmuş "Azərbaycan SSR mülki qanunvericiliyin yaradılması (1920-1923-cü illərdə)" avtoreferatının və 2009-cu ildə "Respublika" qəzetində çap olunmuş "Ölkəmizdə hakimiyyət və idarəetmə orqanlarının hüquqi bazasının əsaslarına dair" adlı məqalənin müəllifidir.[7]
- "Tərəqqi" medalı — 10.09.2009[8]
- ↑ "DÖVLƏT İDARƏÇİLİK AKADEMİYASINDA YENİ DƏRS İLİNİN BAŞLANMASI İLƏ BAĞLI TƏDBİR KEÇİRİLMİŞDİR". azertag.az (az.). İstifadə tarixi: 2025-04-26.
- ↑ "Dövlət İdarəçilik Akademiyası Elektron Kitabxana".
- ↑ "Bakı Dövlət Universiteti Elektron Kitabxana" (PDF).
- ↑ "Elektron kitabxana". mek.az (az.). İstifadə tarixi: 2025-04-26.
- ↑ Səlimov, Sadiq Məmmədzaman oğlu. Nəbiyev, A. (redaktor). Azərbaycan SSR mülki qanunveriçiliyi tarixindən. Bakı: Azərnəşr. 1969.
- ↑ Əkbərov, Rahib Abdulla oğlu; Səlimov, Sadiq Məmmədzaman oğlu; Piriyev, Vaqif Ziyəddin oğlu; Rzayev, Ağababa Qasım oğlu. İsmayılov, İbrahim İsa oğlu (redaktor). Azərbaycanın dövlət və hüquq tarixi [Mətn]: ən qədim dövrlərdən ХХI əsrin əvvəllərinə qədər: [dərs vəsaiti]. Bakı: Hüquq ədəbiyyatı. 2009.
- ↑ "Azərbaycan Milli Kitabxanası Elektron Kataloq".
- ↑ "Azərbaycan Respublikasının Prezidenti yanında Dövlət İdarəçilik Akademiyasının əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin sərəncamı". 2009-09-10. 2025-01-23 tarixində arxivləşdirilib. İstifadə tarixi: 2024-12-21.