Vikipediya ?

Sadıq Dadaşov

Sadıq Ələkbər oğlu Dadaşov (2 [15] aprel 1905, Bakı, Bakı quberniyası, Rusiya İmperiyası24 dekabr 1946(1946-12-24), Moskva) — Azərbaycan-sovet memarı, memarlıq tarixçisi, Azərbaycan sovet memarlığının banilərindən biri, professor, SSRİ Memarlıq Akademiyasının müxbir üzvü (1941), Azərbaycan SSR EA-nın akademiki (1945), Azərbaycan SSR əməkdar incəsənət xadimi (1940), SSRİ Dövlət Mükafatı laureatı (1941).

Sadıq Dadaşov
Sadıq Ələkbər oğlu Dadaşov
Sadig Dadashov.jpg
Doğum tarixi 15 aprel 1905(1905-04-15)
Doğum yeri Bakı, Bakı quberniyası, Rusiya İmperiyası
Vəfat tarixi 24 dekabr 1946(1946-12-24) (41 yaşında)
Vəfat yeri Moskva, RSFSR, SSRİ
Dəfn yeri Bakı
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Elm sahəsi Memarlıq
Elmi adı Akademik
Təhsili
Tanınır Memar
Mükafatları "Azərbaycan SSR əməkdar incəsənət xadimi" fəxri adı — 1940 SSRİ dövlət mükafatı — 1941
"Qırmızı Əmək Bayrağı" ordeni "Lenin" ordeni
Commons-logo.svg Vikianbarda əlaqəli mediafayllar

Mündəricat

Həyatı

 
Poçt markası, 2016-cı il

Sadıq Ələkbər oğlu Dadaşov 15 aprel 1905-ci ildə Bakıda anadan olmuşdur.

Sadıq Dadasov 1929-cu ildə M. Əzizbəyov adına Bakı Politexnik İnstitutunun İnşaat fakültəsini bitirmişdir.

O, 1944-cü ildə Azərbaycan SSR Xalq Komissarları Soveti yanında Memarlıq İşləri İdarəsinin ilk rəisi olmuşdur.

Sadıq Dadaşov 1941-ci ildə SSRİ Memarlıq Akademiyasının müxbir üzvü, 1945-ci ildə yeni yaradılmış Azərbaycan SSR Elmlər Akademiyasının (indiki Azərbaycan Milli Elmlər Akademiyası) akademiki seçilmişdir.

1940-cı ildə ona Azərbaycan SSR əməkdar incəsənət xadimi fəxri adı verilmiş və 1941-ci ildə SSRİ Dövlət mükafati laureatı olmuşdur.

O, “Lenin” ordeni, “Qırmızı Əmək Bayrağı” ordeni və medallarla təltif edilmişdir.

Sadıq Dadaşov 24 dekabr 1946-cı ildə Moskvada vəfat etmiş, Bakıda dəfn olunmuşdur.

Elmi fəaliyyəti

Sadıq Dadaşov Azərbaycan memarlıq irsinin ilk elmi tədqiqatçısıdır. O, Azərbaycan memarlığı tarixinin öyrənilməsinin əsasını qoymuş, bu məqsədlə 1934-1940 və 1944-1946 illərdə Azərbaycanın bir sıra rayonlarına elmi səfərlər təşkil etmişdir.

Sadıq Dadaşov memarlıq və nəzəri əsərlərini görkəmli Azərbaycan memarı və memarlıq tarixçisi Mikayıl Hüseynovla birgə yaratmışdır. Sadıq Dadaşovun layihəsi əsasında Bakıda və respublikanın digər şəhərlərində çoxlu yaşayış, ictimai və mədəni-məişət binaları tikilmiş və bu memarlıq əsərləri Azərbaycan memarlığının inkişafında böyük rol oynamışdır.

Sadıq Dadaşov 1929-1933 illərdə 23 tikilinin layihəsini vermişdir. Bunlara Bakıdakı fabrik-mətbəx (Bayılda), Azərbaycan Sənaye İnstitutunun yeni binası (indiki Azərbaycan Dövlət Neft Akademiyası; hər ikisi 1932), İncəsənət işçiləri üçün ev, bir sıra yaşayış binaları kompleksi, Qazaxdakı Pedaqoji Texnikumun binası (hamısı 1933) aiddir.

Sadıq Dadaşovun əsas işləri:

Sadıq Dadaşov Nizami Gəncəvinin 1946-cı ildə Gəncədə , 1949-cu ildə Bakıda qoyulmuş abidələrinin layihə müəllifidir.

Əsas elmi əsərləri

  • Памятники Азербайджанской архитектуры в Баку. Москва, 1938.
  • Архитектурные памятники Баку. Москва, 1946.
  • Архитектура Азербайджана III-XVIII вв., Москва, 1948.
  • Архитектура Советского Азербайджана, Б. - М., 1950.
  • Ансамбль дворца ширваншахов в Баку. Москва, 1956.
  • Bakının memarlıq abidələri. Bakı, 1955.

İstinadlar

  1. Azərbaycan Milli Elmlər Akademiyasının üzvləri haqqında məlumat kitabı.(Tərtibçı: Afaq Əsədova). II, Bakı,2005
  2. Azərbaycan Sovet Ensiklopediyası. III cild, Bakı-1979. səh. 312
  3. Azərbaycan Sovet Ensiklopediyası. III cild, Bakı-1979. səh. 313
  4. Azərbaycan Sovet Ensiklopediyası. III cild, Bakı-1979. səh. 312
  5. Azərbaycan Sovet Ensiklopediyası. III cild, Bakı-1979. səh. 312
  6. Azərbaycan Sovet Ensiklopediyası. III cild, Bakı-1979.
  7. Azərbaycan Milli Elmlər Akademiyasının üzvləri haqqında məlumat kitabı.(Tərtibçı: Afaq Əsədova).II, Bakı,2005
  8. Azərbaycan Sovet Ensiklopediyası. III cild, Bakı-1979.
  9. Azərbaycan Sovet Ensiklopediyası. III cild, Bakı-1979.

Mənbə

  • Azərbaycan Sovet Ensiklopediyası. III cild, Bakı, 1979. səh. 312-313.
  • Azərbaycan Milli Elmlər Akademiyasının üzvləri haqqında məlumat kitabı.(Tərtibçı: Afaq Əsədova).II, Bakı,2005
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019