Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSabit Rəhmanın ev-muzeyi
Sabit Rəhmanın Ev-Muzeyi — Şəki şəhərində yerləşən 1910-cu ilə aid aid tarixi-memarlıq abidəsi və ev muzeyi.
| Sabit Rəhmanın Ev-Muzeyi | |
|---|---|
.jpg) Sabit Rəhmanın Ev-Muzeyi | |
 | |
| Əsası qoyulub | 2001 |
| Mövzu | Tarix |
| Ölkə | |
| Yerləşir | Şəki şəhəri, Ağvanlar məhəlləsi, 21 |
| Kolleksiyası | 460 |
| Telefon | (+994 24) 244-50-89 |
| İş rejimi | (II – VII) 10:00 – 18:00[1] |
| 41°12′05″ şm. e. 47°11′20″ ş. u. | |
| s.rahman-museum.sheki.org | |
 Vikianbarda əlaqəli mediafayllar | |
Bu evdə Azərbaycan SSR əməkdar incəsənət xadimi, yazıçı, dramaturq Sabit Rəhman və Azərbaycan Respublikasının xalq artisti, bəstəkar Emin Sabitoğlu dünyaya gəlib.
Bina 1910-cu ildə Sabit Rəhmanın atası Rəhman Əfəndi tərəfindən tikdirilib. Sabit Rəhman da bu evdə anadan olub. O dövrdə Şəkidə evlər əsasən kərpicdən tikilirdi. Rəhman Əfəndi isə evini daşdan tikmişdi.[2] Məhz buna görə də yerli camaat Rəhman Əfəndinin nəslinə "Daşagirənlər" adını veriblər.[3] 2 mərtəbəli olan bina milli memarlıq üslubunda tikilib.[4] Binada 2 qədim buxarı və bir böyük divar sobası var. İkinci mərtəbədə yerləşən buxarı həndəsi naxışlarla bəzədilib.[3]
Azərbaycan Respublikası Nazirlər Kabinetinin 7 sentyabr 2000-ci il, № 163-li Qərarına əsasən Şəki şəhərində Sabit Rəhmanın ev-muzeyinin yaradılması haqqında Azərbaycan Respublikası Mədəniyyət Nazirliyinin Şəki şəhər İcra Hakimiyyəti ilə razılaşdırılmış təklifi qəbul edilib.[5][6] Bundan sonra 2000-ci ildə binanın bərpasına başlanılıb. 2001-ci ilin iyun ayının 8-də binada Sabit Rəhmanın ev-muzeyi istifadəyə verilib.[7]
Böyük ekspozisiya zalında Sabit Rəhmanın şəxsi əşyaları, istifadə etdiyi masa, uşaqlıq və gənclik illərində çaldığı royal nümayiş etdirilir.[8] Üzeyir bəy Hacıbəyli vaxtilə Sabitin bu royalda ifasını dinləyib və çox bəyənib, ona bu işi davam etdirməyi məsləhət görüb. Lektoriya zalında Sabit Rəhmanın oğlu, 600-dən çox mahnının müəllifi bəstəkar Emin Sabitoğluna aid eksponatlar, üçüncü otaqda ailənin məişət əşyaları, dördüncü otaqda isə dramaturqun 50 illik yubileyində verilmiş hədiyyələr sərgilənir. Ev-muzeydə bütövlükdə 460-a yaxın eksponat saxlanılır.[9]
.jpg)
.jpg)
.jpg)
.jpg)
.jpg)
.jpg)
.jpg)
- ↑ "Sabit Rəhmanın Ev-Muzeyi". 20 oktyabr 2020 tarixində arxivləşdirilib. İstifadə tarixi: 19 oktyabr 2020.
- ↑ "Sabit Rəhmanın ev muzeyinin yaradılmasının 20 illiyi qeyd edilib". azertag.az (az.). İstifadə tarixi: 14 iyul 2025.
- ↑ 1 2 "Sabit Rəhmanın ev-muzeyi". sheki.heritage.org.az. 7 yanvar 2020 tarixində arxivləşdirilib. İstifadə tarixi: 14 iyul 2025.
- ↑ "Şəki-Zaqatala Regional Mədəniyyət İdarəsi". sheki.mct.az. 13 fevral 2025 tarixində arxivləşdirilib. İstifadə tarixi: 14 iyul 2025.
- ↑ "Şəki şəhərində Sabit Rəhmanın ev-muzeyinin yaradılması haqqında". e-qanun.az (az.). 7 sentyabr 2000. İstifadə tarixi: 15 iyul 2025.
- ↑ "Şəki şəhərində ev-muzeyi". anl.az. İstifadə tarixi: 15 iyul 2025.
- ↑ "Sabit Rəhmanın Ev-Muzeyi - Muzey haqqında". www.s.rahman-museum.sheki.org (ingilis). İstifadə tarixi: 14 iyul 2025.
- ↑ "Sabit Rəhmanın ev muzeyində bir gün". musavat.com (az.). İstifadə tarixi: 14 iyul 2025.
- ↑ "Şəki İrs Reyestri". 7 yanvar 2020 tarixində arxivləşdirilib. İstifadə tarixi: 21 oktyabr 2020.