Sabit Əliyev

1977-ci ildə Salyan rayonunun Qarabağlı kəndində anadan olub.1993-cü ildə Azərbaycan Respublikası Şirvan şəhərində 20 saylı orta məktəbi bitirib. 2005-ci ildə Azərbaycan Beynəlxalq Universitetinin bitirib. 2015-ci ildə Frankfurt Universitetinin İmplantologiya sertifikatına layiq görülmüşdür. Moskva şəhərində yaşayır. 2018-ci ildən Rusiya Professional Yazıçılar ittifaqının üzvüdür^[2][3].

Rusiyada Beynəlxalq RBG jurnalının təqdimatında “2020-ci ilin adamları” mükafatını alıb^[4][5]. 2021-ci ildə Sergey Yeseninin 125 illik yubileyi şərəfinə Rusiya Yazıçılar Birliyinin Rəyasət Heyətinin təsis etdiyi "Sergey Yeseninin 125 illiyi" medalı ilə təltif olunub^[6][7]. Rus ədəbiyyatının inkişafına verdiyi mühüm töhfəyə görə isə 2022-ci ildə "F. M. Dostoyevski adına medal"la təltif olunub^[8]. 2023-cü ildə isə “İrs” mükafatına layiq görülüb^[9].

Rusiyanın “Komsomolskaya Pravda” nəşri 2024-cü ildə Moskvanın ən yaxşı 10 stomatoloq-cərrahının reytinqini dərc edib. Bu siyahıda birinci yeri Sabit Əliyev tutub^[10][11].

Sabit Əliyevin ilk üç kitabında (“Özgə evi”, “Evə doğru uzun yol” və “Qismət deyilmiş”) Moskva həyatının təəssüratları öz əksini tapıb. Ondan artıq hekayənin müəllifidir. Üç hekayəsi - “Sonuncu gün”, “Pionlar” və “Sözə doğru yol” Moskva hekayələr kitabında işıq üzü görüb. 44 günlük Vətən müharibəsində Azərbaycan Ordusunun torpaqlarımızı işğaldan azad etməsindən ruhlanaraq “Mənim evim Şuşa” adlı kitab yazıb.^[12]

2006-cı ildən ailəlidir. Həyat yoldaşı Əskərova Esmira həkim-ginekoloqdur. Seçenov adına Akademiyanı bitirib, üç uşağı var^[2].

• 2016 — Qismət deyilmiş, ISBN 978-5-4474-7652-6
• 2017 — Özgə evi, ISBN 978-5-4474-1211-1
• 2017 — Evə doğru uzun yol, ISBN 978-5-4485-8032-1
• 2017 — Sonuncu gün, ISBN 978-5-4485-0985-8
• 2017 — Qurumuş bulaq, ISBN 978-5-4485-0985-8
• 2017 — Yalnız səni sevirəm, ISBN 978-5-4485-0483-9
• 2017 — Tövbe, ISBN 978-5-4490-0659-2
• 2018 — Rəfiqələrin məktubları, ISBN 978-5-4490-9885-6
• 2018 — Mart ilığı, ISBN 978-5-4493-7452-3
• 2018 — Pionlar, ISBN 978-5-4490-6341-0
• 2018 — Nəsihətçilər, ISBN 978-5-4490-9151-2
• 2019 — Sözə tərəf yol, ISBN 978-5-4496-2662-2
• 2022 — Portağal, ISBN 978500566021
• 2023 — Sevgi təkdir, ISBN 9785006079113
• 2023 — Sevgi küləyi, ISBN 978500035003
• 2024 — Unudulmuş saç sancağı, ISBN 9785006273917
• 2025 — Mən Annanı sevirdim?, ISBN 9785006705838