Sabir Novruzov (tam adı: Novruzov Sabir Abbasqulu oğlu; 16 iyun 1940, Nehrəm, Naxçıvan rayonu) — həkim-cərrah.
| Sabir Novruzov | |
|---|---|
| Şəxsi məlumatlar | |
| Doğum tarixi | 16 iyun 1940 (84 yaş) |
| Doğum yeri | |
| Təhsili | |
| Fəaliyyəti | həkim, cərrah |
Novruzov Sabir Abbasqulu oğlu 16 iyun 1940-cı ildə Nehrəm kəndində ziyalı ailəsində anadan olub. 1964-cü ildə Azərbaycan Dövlət Tibb İnstitutunu bitirmişdir. 1989-cu ildə Hemosorbsiya üsulu ilə müalicədə yeni sorbent növü ixtira etmişdir. 1990-ci ildə Tibb elmləri namizədi olub.
Culfa rayonu mərkəzi xəstəxanasında həkim, baş həkim, Nəriman Nərimanov adına Naxçıvan Respublika xəstəxanasında həkim-cərrah, baş həkimin müavini işləmişdir (1980 ilədək).
1981–84-cü illərdə Naxçıvan MSSR Səhiyyə nazirinin müavini olmuş, eyni zamanda nazir vəzifəsini (1983–84) icra etmişdir. 1984-cü ilin sonundan muxtar respublika xəstəxanasında həkim-cərrah vəzifəsində çalışır.
- Naxçıvan Muxtar Respublikasının əməkdar həkimi (1980),
- səhiyyə əlaçısı (1972).
- Naxçıvan Ensiklopediyası. Bakı. 2002. səh. 451. ISBN 5-8066-1468-9.