Əliyev Saşa Əli oğlu (1951-2017) — ATU əsaslı kitabxanası direktorunun elmi işlər üzrə müavini, Azərbaycan Jurnalistlər Birliyinin üzvü.
| Saşa Əliyev | |
|---|---|
| Əliyev Saşa Əli oğlu | |
 Saşa Əliyev və İsmayıl Məmmədli | |
| Doğum tarixi | |
| Doğum yeri | Göyçə mahalı, Basarkeçər rayonu, Qanlı |
| Vəfat tarixi | (66 yaşında) |
| Vəfat yeri | Bakı |
| Vətəndaşlığı |
 Azərbaycan |
| Milliyyəti | Azərbaycanlı |
| Atası | Əli |
| Fəaliyyəti | şair |
Saşa Əliyev 1951-ci il noyabrın 5-də Göyçə mahalının Basarkeçər rayonunun Qanlı kəndində anadan olub. Valideynlərini çox erkən itirən Saşa dayısı Əli Əliyevin himayəsində qalıb. 1958-ci ildə Torf 8 illik məktəbin 1-ci sinfinə daxil olur. 1968-ci ildə isə Çaxırlı kənd orta məktəbini bitirmişdir[1].
1971-ci ildə BDU-nun kitabxanaçılıq fakültəsinə daxil olur. 1977-ci ildə həmin fakültəni bitirir.
1972-ci ildən 1988-ci ilədək kənd klubunun müdiri işləyib. Eyni zamanda Şəfəq kənd orta məktəbində tarix və erməni dilindən dərs deyib. Rayonda dərc olunan “Vardenis” qəzetində məqalələri dərc olunub.
1988-ci ildən isə Bakı şəhərində yaşayır. Dövlət Statistika Komitəsi, Qaçqınlar Cəmiyyətində və müxtəlif cəmiyyətlərdə məsul vəzifələrdə çalışıb. Müxtəlif dövri mətbuatda deportasiya ilə bağlı maraqlı məqalələri dərc olunub.
1996-cı ilin may ayından Tibb Universitetinin əsaslı kitabxanasında direktor müavini işləyir.
2002-ci ildə Beynəlxalq Kitabxana Cəmiyyətinin xətti ilə İrəvanda keçirilən “Müasir dövrdə ali məktəb kitabxanalarının vəziyyəti” adlı seminarda iştirak edib.
2002-ci ildə “Dünyamızdan nigaranam” adlı şeir kitabı işıq üzü görüb.
2017-ci ildə vəfat edib.
- "Dünyamızdan nigaranam", Bakı, Nurlan, 2002. 180 səh., 500 nüsxə.
- ↑ Niftalı Göyçəli. "Göyçə şairlərindən Saşa Əliyevin - Dünyamızdan nigaranam - şeirlər kitabından" (az.). davam.az. 04.11.2014 09:51. 2020-02-17 tarixində arxivləşdirilib. İstifadə tarixi: 2014-11-04.
- [1] Arxivləşdirilib 2011-11-29 at the Wayback Machine
- [2][ölü keçid]