Sağlamlıq (oyun terminologiyası)

Sağlamlıq — rol və videooyunlarda obyektin ala biləcəyi maksimum zərərin miqdarını təmsil edən anlayış. Cari sağlamlıq xalları sıfıra çatdıqda obyekt məhv olur və ya şüurunu itirir.^[1][2] Belə obyektlər oyunçu tərəfindən idarə olunan personaj, düşmənlər və ya bosslar ola bilər. Həmçinin,moyunlarda sağlamlıq xallarına oyun xəritəsinin dağıdıla bilən hissələri, predmetlər, nəqliyyat vasitələri, döyüş maşınları və onların ayrı-ayrı hissələri də sahib ola bilər.

Videooyunlarda sağlamlıq xalları müxtəlif yollarla göstərilə bilər. Bunlara 50/100 kimi kəsr formatı (burada payı cari xalları, məxrəci maksimum sağlamlıq xallarını göstərir), vizual forma, sağlamlıq sayğacı və ya ürək formasında olan kiçik ikonalar, akustik siqnallar və digər üsullar aiddir.