Sağınbay İbragimov (1 sentyabr 1956[1], Kunqrad rayonu[d], Qaraqalpaqıstan Respublikası[1]) — qaraqalpaq şair və yazıçı, esseist.
| Sağınbay İbragimov | |
|---|---|
 | |
| Doğum tarixi | 1 sentyabr 1956[1] (68 yaş) |
| Doğum yeri |
|
| Milliyyəti | qaraqalpaq |
| Həyat yoldaşı |
|
| Uşaqları |
İnamjan (oğlu)[2] Ziyba (qızı) Elenora(qızı) |
| Təhsili | |
| Fəaliyyəti | şair, yazıçı, esseist |
| Əsərlərinin dili | Qaraqalpaq dili |
| İlk əsəri | "Dalalar" (1982) |
| katharsis.su | |
1 sentyabr 1965-ci ildə Kungrad rayonunda anadan olmuşdur.[3][4]
1982-ci ildə Moskvadaqi Qorki adına Ədəbiyyat İnstitutunu bitirib.
1988-ci ildən Qaraqalpaqıstan və Özbəkistan Yazıçılar Birliyinin üzvüdür.[5]
Qaraqalpaq lirikasında həm məzmunda, həm də formada yeniliklər yaradan, özünəməxsus üslub yaradan, oxucunu düşünməyə vadar edən şair. Yaradıcılığa qədəm qoyduqdan təxminən qırx il sonra cəmi dörd kitabı — "Dələlər" (1982), "Beşinci fəsil" (1986), "Yerlə göy arasında" (1990) və "Seçilmiş nəğmələr" (2016) kitablarını çap etdirən şairin təkcə 2021-ci ildə dörd yeni əsər toplusu işıq üzü görüb. Ona görə də bu ili şairin yaradıcılığında ən məhsuldar adlandırmaq olar.
2020-ci ildə övladlarını uzaq Çexiyaya görməyə gedən yaradıcı cütlük — Sağınbay İbragimov və Gülnarə İbragimova bir ili doğma şəhərlərindən kənarda karantində keçiriblər. Lakin Brno şəhərində (Çexiya) keçirdiyi vaxt şairə ürəyindəki hissləri qələmə almağa imkan verir və "Brno dəftəri" və "Brno söhbətləri" kitabları məhz bu şəhərdə yaranır. Bu kitablardan birində şairin şeirləri yer aldığı halda, ikincisində onun həyat yoldaşı, tanınmış yazıçı-tərcüməçi Gülnarə İbragimovanın müsahibəsi əsasında ədəbiyyat və yaradıcılıq haqqında fikirləri yer alıb.
Qaraqalpaq xalqının tarixindən bəhs edən "Bərdağın "Şəcərə" dastanı və Qaraqalpaqların tarixi" etnik-tarixi əsəri şairi tarixçi kimi tanıtmışdır.
S. İbragimovun şeirləri özbək dilinə Qaraqalpaqıstanın xalq şairi və məşhur tərcüməçi Rüstəm Musurman tərəfindən tərcümə edilərək özbək dilində "Yolun ortası" adı ilə nəşr olunub.
Özbəkistan Yazıçılar İttifaqı, Özbəkistan Respublikası Elmlər Akademiyası, Özbəkistan Respublikasının Mədəniyyət Nazirliyi, Respublika Mənəvi-Maarif Mərkəzi və Özbəkistan yaradıcılarına dəstək olan "İlham" İctimai Fondunun birgə təşkilatçılığı ilə keçirilən "İlin ən yaxşı əsəri" müsabiqəsinin qalibi olub.
"İlin ən yaxşı əsəri" müsabiqəsində Sağınbay İbragimov "Brno dəftəri" poeziya toplusu və "Berdağın "Şəcərə" dastanı və Qaraqalpaqların tarixi" kitabına görə həvəsləndirici mükafata layiq görülüb.[6]
- ↑ 1 2 3 4 http://kp74.ru/sovremennye-poety-srednej-azii.html.
- ↑ "livingasia.online - Маски от келинки = 25-3-2020". 1-9-2024 tarixində arxivləşdirilib.
- ↑ "kp74.ru - Современные поэты Средней Азии = 18-1-2019". 1-9-2024 tarixində arxivləşdirilib.
- ↑ "anadilturkce.org - Saginbay İbragimov =". 1-9-2024 tarixində arxivləşdirilib.
- ↑ "awardslondon.com - Сагынбай Ибрагимов =". 1-9-2024 tarixində arxivləşdirilib.
- ↑ "kknews.uz - Сағынбай Ибрагимов – «Жылдың ең жақсы шығармасы» таңлаўы жеңимпазы = 30-12-2021". 1-9-2024 tarixində arxivləşdirilib.