Səttar Əliyev (13 dekabr 1964, Ağdam, Azərbaycan SSR, SSRİ) — əsasən müdafiəçi mövqeyində çıxış etmiş sovet və Azərbaycan futbolçusu. Məşqçi.
| Səttar Əliyev | ||||||||||||||||
|---|---|---|---|---|---|---|---|---|---|---|---|---|---|---|---|---|
| Ümumi məlumatlar | ||||||||||||||||
| Ləqəbi | İngilis[1] | |||||||||||||||
| Doğum tarixi | ||||||||||||||||
| Doğum yeri | Ağdam, Azərbaycan SSR, SSRİ | |||||||||||||||
| Vətəndaşlığı |
 SSRİ → Azərbaycan |
|||||||||||||||
| Mövqeyi | müdafiəçi | |||||||||||||||
| Karyerası | ||||||||||||||||
|
||||||||||||||||
|
||||||||||||||||
13 dekabr 1964-cü ildə Ağdam şəhərində anadan olub.[1] Peşəkar futbolçu karyerasına 1984-cü ildə yerli "Kooperator" (indiki "Qarabağ")[Qeyd 2] komandasında başlayıb. Özünün sözlərinə görə, klubun heyətində ilk oyununu Ağdamda Əli Bayramlının "Energetik" komandasına qarşı keçirib. İlk qolunu isə yenə Ağdamda Gəncə komandasının qapısına vurub.[3] İlk dönəmlərdə yarımmüdafiəçi kimi çıxış etsə də, 1988-ci ildə baş məşqçi postuna gələn Adil Nadirovun istəyi ilə müdafiəçi mövqeyinə keçib.[3] Nadirov, belə bir qərar verməsini Əliyevin cəld və sürətli olması və buna görə də hücumlara arxadan qoşula biləcəyi ilə izah edib.[3]
1980-ci illərin ikinci yarısında komanda yoldaşı Müşfiq Hüseynovla birlikdə Stepanakertin "Qarabağ" klubunda baxışda olub. Komandanın heyətində yoldaşlıq oyunlarında iştirak edərək müsbət təəssürat yaratsa da, Dağlıq Qarabağ münaqişəsinin başlaması səbəbindən yenidən Ağdam təmsilçisinə qayıdası olub.[3][4]
1988-ci ildə "Qarabağ" komandasının heyətində Azərbaycan SSR çempionatının qalibi olub.[5] 1989-ci ildə klubun heyətində SSRİ ikinci liqasında 35 görüş keçirib.[6]
1989 mövsümündə "Qarabağ"ın baş məşqçisi olmuş Rəşid Özbəyovun tövsiyyəsi ilə 1990-cı ildə Bakının "Neftçi" komandasına transfer olunub.[4] Lakin Əsgər Abdullayev və Vidadi Rzayev kimi futbolçularla rəqabət aparmaq çətin olduğundan, yeni klubunda cəmi 3 oyun keçirə bilib.[6][4]
1990-cı ildə yenidən Ağdam təmsilçisinə qayıdan Əliyev, "Qarabağ"la ikinci dəfə Azərbaycan SSR çempionatının qalibi olub, həmçinin Azərbaycan SSR kubokunu da əldə edib.[5][7]
1993-cü ildə kapitanı olduğu "Qarabağ"la həm ölkə çempionluğunu, həm də Kuboku qazanaraq "qızıl dubl" edib.[8]
2004-cü ildə "Qarabağ" forması ilə son oyununa çıxıb və peşəkar futbolçu karyerasına yekun vurub.[3] Əliyev, Azərbaycan Premyer Liqası tarixində bir klubda ən çox oyun keçirmiş futbolçular siyahısında 9-cu yerdə qərarlaşıb (230 oyun).[9]
Futbolçu karyerasını sonlandırdıqdan sonra "Qarabağ"ın məşqçilər korpusuna daxil edilib və 2010-cu ilədək burada daimi yer alıb.[8][10] Daha sonra müxtəlif illərdə Azərbaycan U-17, "Abşeron", "Neftçi" və "Sabah"da çalışıb.[11] 2021-ci ildə "Qarabağ"ın U-19 komandasına baş məşqçi təyin edilib.[12]
5 qardaşı var. Ən böyük qardaşı da futbolla məşğul olub.[3]
Oğlu, Kamran Əliyev peşəkar futbolçu olub. "Səbail" klubunda və 17 yaşlılardan ibarət Azərbaycan milli komandasında çıxış edib. Hazırda futbol hakimidir.[4]
Qarabağ
- Azərbaycan SSR çempionu: 1988, 1990
- Azərbaycan SSR Kubokunun qalibi: 1990
- Azərbaycan çempionu: 1993
- Azərbaycan Superkuboku: 1994
- Azərbaycan çempionatının gümüş mükafatçısı: 1993/1994, 1996/1997
- Azərbaycan Kubokunun qalibi: 1993
- Azərbaycan Kuboku finalçısı: 1995/1996, 1997/1998, 1999/2000
- ↑ 1 2 ""Qarabağ"ın "İngilis"i 60 yaşında - FOTO". İdman.biz. İstifadə tarixi: 23 noyabr 2025.
- ↑ Official Qarabagh website: Club's Creation Arxivləşdirilib 23 oktyabr 2007 at the Wayback Machine (azərb.)
- ↑ 1 2 3 4 5 6 ""Biləndə Ağdam alınıb, oyunun gedişində 10 dəqiqə ağladım"". Qol.az. İstifadə tarixi: 23 noyabr 2025.
- ↑ 1 2 3 4 "Ağdamlı İngilis: "Ev və maşına aldanıb getsək, Qarabağın çörəyi bizə haram olardı"". Futbolinfo.az. İstifadə tarixi: 7 dekabr 2025.
- ↑ 1 2 "Azerbaijan - List of Champions". RSSSF. 26 sentyabr 2022 tarixində arxivləşdirilib. İstifadə tarixi: 2 fevral 2023.
- ↑ 1 2 "Алиев Саттар". Footballfakts.ru. İstifadə tarixi: 7 dekabr 2025.
- ↑ "Azerbaijan - List of Cup Finals". RSSSF. 12 noyabr 2022 tarixində arxivləşdirilib. İstifadə tarixi: 12 noyabr 2022.
- ↑ 1 2 "Səttar Əliyev: "Futboldan doya bilmirəm"-MÜSAHİBƏ". Sia.az. İstifadə tarixi: 4 yanvar 2026.
- ↑ "Yüzlər klubu". Pfl.az. İstifadə tarixi: 14 dekabr 2025.
- ↑ "SƏTTAR ƏLİYEV: " FUTBOLUMUZUN GƏLƏCƏYİ PARLAQDIR"". Qarabagh.com. İstifadə tarixi: 19 dekabr 2025.
- ↑ ""Dedi, qeyrətinizə qurban olum, siz də belə döyüşürsünüz" – "Qarabağ"ın "İngilis"i". Qol.az. İstifadə tarixi: 19 dekabr 2025.
- ↑ ""Qarabağ"ın əfsanəsi məşqçi kimi "ev"inə döndü". Sportinfo.az. İstifadə tarixi: 19 dekabr 2025.