Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSərdar Süleyman oğlu Səfərov (1973, Sumqayıt) — Azərbaycan Respublikası Strateji Obyektlərin Mühafizəsi Dövlət Agentliyinin rəisi (2025-ci ildən), general-mayor.
| Sərdar Səfərov | |
|---|---|
Vəzifədədir | |
| 24 oktyabr 2025-ci ildən | |
| Əvvəlki | İlqar Abbasov |
| Şəxsi məlumatlar | |
| Doğum tarixi | 1973 (51–52 yaş) |
| Doğum yeri | |
| Təhsili | |
| Rütbəsi |
 General-mayor  Polis general-mayoru |
| Təltifləri |
   |
Sərdar Süleyman oğlu Səfərov 1973-cü ildə Sumqayıt şəhərində anadan olmuşdur. 1994-cü ildə Azərbaycan Dövlət Bədən Tərbiyəsi İnstitutunu, 1999-cu ildə Türkiyə Respublikasının Jandarm Zabitlər Məktəbini, 2020-ci ildə isə Daxili İşlər Nazirliyinin Polis Akademiyasını bitirmişdir.[1]
Sərdar Səfərov 1996-cı ildən 2005-ci ilin avqust ayınadək Daxili İşlər Nazirliyinin Daxili Qoşunlarında xidmət etmiş və müxtəlif məsul vəzifələrdə çalışmışdır. Daxili Qoşunların hərbi hissələrində motorlaşdırılmış alayının xüsusi təyinatlı bölüyünün komandiri, xüsusi motorlaşdırılmış alayının xüsusi təyinatlı taborunun komandirinin müavini — qərargah rəisi vəzifələrində xidmət etmişdir.[1]
2005-ci ildən Sərdar Səfərov daxili işlər orqanlarında xidmətə başlamış və bölük komandirinin müavini, bölük komandiri vəzifələrində, 2019–2022-ci illərdə Bakı Şəhər Baş Polis İdarəsinin İctimai Təhlükəsizlik İdarəsi rəisinin müavini və həmin idarənin rəisi vəzifələrində işləmişdir. 2022-ci ilin fevral ayında Bakı Şəhər Baş Polis İdarəsi rəisinin xidmət üzrə müavini vəzifəsinə təyin olunmuş[1] və Azərbaycan Respublikası Prezidentinin 1 iyul 2022-ci il tarixli Sərəncamı ilə ona polis general-mayoru ali xüsusi rütbəsi verilmişdir.[2] 2023-cü ilin yanvarından həmin ilin oktyabr ayınadək Daxili İşlər Nazirliyinin Baş İctimai Təhlükəsizlik İdarəsinin rəisi vəzifəsində çalışmışdır. 2023-cü ilin oktyabr ayında Xankəndi şəhərinin komendantı təyin edilmiş[3] və 2025-ci ilin oktyabr ayınadək bu vəzifədə xidmət etmişdir.
Azərbaycan Respublikası Prezidentinin 24 oktyabr 2025-ci il tarixli müvafiq sərəncamları ilə Sərdar Səfərov Strateji Obyektlərin Mühafizəsi Dövlət Agentliyinin rəisi təyin edilmiş[4] və ona general-mayor ali hərbi rütbəsi verilmişdir.[5]
Ailəlidir, 3 övladı var.
- "Hərbi xidmətlərə görə" medalı — 6 may 2005[6]
- "İgidliyə görə" medalı — 1 iyul 2013[7]
- "Vətən uğrunda" medalı — 29 iyun 2018[8]
- ↑ 1 2 3 "Yeni rəis təyin edilən Sərdar Səfərov kimdir?". olke.az. 24 oktyabr 2025. İstifadə tarixi: 24 oktyabr 2025.
- ↑ "Azərbaycan Respublikası Daxili İşlər Nazirliyinin zabitlərinə ali xüsusi rütbələrin verilməsi haqqında Azərbaycan Respublikası Prezidentinin Sərəncamı". president.az. 1 iyul 2022. İstifadə tarixi: 24 oktyabr 2025.
- ↑ "Xankəndiyə komendant təyin edilən Sərdar Səfərov kimdir?". qafqazinfo.az. 16 oktyabr 2023. İstifadə tarixi: 24 oktyabr 2025.
- ↑ "S. S. Səfərovun Azərbaycan Respublikası Strateji Obyektlərin Mühafizəsi Dövlət Agentliyinin rəisi təyin edilməsi haqqında Azərbaycan Respublikası Prezidentinin Sərəncamı". president.az. 24 oktyabr 2025. İstifadə tarixi: 24 oktyabr 2025.
- ↑ "S. S. Səfərova "general-mayor" ali hərbi rütbəsinin verilməsi haqqında Azərbaycan Respublikası Prezidentinin Sərəncamı". president.az. 24 oktyabr 2025. İstifadə tarixi: 24 oktyabr 2025.
- ↑ "Azərbaycan Respublikası Daxili İşlər Nazirliyinin Daxili Qoşunlarının bir qrup hərbi qulluqçusunun təltif edilməsi haqqında Azərbaycan Respublikası Prezidentinin Sərəncamı". e-qanun.az. 6 may 2005. İstifadə tarixi: 24 oktyabr 2025.
- ↑ "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". president.az. 1 iyul 2013. İstifadə tarixi: 24 oktyabr 2025.
- ↑ "Azərbaycan Respublikası Daxili İşlər Nazirliyinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". president.az. 29 iyun 2018. İstifadə tarixi: 24 oktyabr 2025.