Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Sərdar Cəlaloğlu

  • Məqalə
  • Müzakirə

Sərdar Cəlal oğlu Məmmədov və ya Sərdar Cəlaloğlu (3 iyun 1954, Cəhri, Naxçıvan rayonu) — Azərbaycan Demokrat Partiyasının sıra ilə təsisçisi, ilk sədri, baş katibi, sədr müavini, sədrinin birinci müavini və mövcud sədri, Naxçıvan Xalq Cəbhəsi İdarə Heyətinin üzvü, 2013-cü il, 2018-ci il prezident seçkilərində prezidentliyə namizəd.

Sərdar Cəlaloğlu
Azərbaycan Demokrat Partiyasının sədri
Vəzifədədir
27 may 2007-ci ildən
ƏvvəlkiRəsul Quliyev
Azərbaycan Demokrat Partiyası sədrinin birinci müavini
23 aprel 2005 – 27 yanvar 2007
SədrRəsul Quliyev
Azərbaycan Demokrat Partiyasının baş katibi
30 mart 1996 – 23 aprel 2005
Azərbaycan Demokrat Partiyasının sədri
5-8 may 1994 – 30 mart 1996
Əvvəlkivəzifə təsis edildi
Sonrakıİlyas İsmayılov
Şəxsi məlumatlar
Doğum tarixi 3 iyun 1954(1954-06-03) (71 yaş)
Doğum yeri
  • Cəhri, Naxçıvan rayonu, Naxçıvan MSSR, Azərbaycan SSR, SSRİ
Partiya
  • Azərbaycan Demokrat Partiyası (1991–),
  • Azərbaycan Xalq Cəbhəsi (1989–1990)
Fəaliyyəti siyasətçi
Vikianbarın loqosu Vikianbarda əlaqəli mediafayllar

Mündəricat

  • 1 Həyatı
  • 2 Siyasi fəaliyyəti
    • 2.1 Həbslər
  • 3 Siyasi düşüncələri
  • 4 Əsərləri
  • 5 İstinadlar

Həyatı

Sərdar Cəlal oğlu Məmmədov 3 iyun 1954-cü ildə Naxçıvan Muxtar Sovet Sosialist Respublikasının Naxçıvan rayonunun Cəhri kəndində anadan olmuşdur. Ana tərəfdən əslən Zəngəzurdandır.[1] 1960–1970-ci illərdə orta təhsilini Ordubad və Bakı şəhərlərində almışdır. 1970–1977-ci illərdə Azərbaycan Tibb İnstitutunda ali tibb təhsili almışdır. İxtisasca məhkəmə-tibb ekspertidir.

Sərdar Cəlaloğlu 1978-ci ildən Naxçıvan Muxtar Sovet Sosialist Respublikası Səhiyyə Nazirliyinin məhkəmə-tibbi ekspertize bürosunda ekspert kimi işləmişdir.

Sərdar Cəlaloğlu evlidir, üç oğlu və bir qızı var. Sərdar Cəlaloğlu siyasətçi Qurban Məmmədovun qardaşıdır, lakin onlar şəxsi problemlər səbəbi ilə bir-biriləri ilə əlaqələrini kəsmişdir.

Siyasi fəaliyyəti

Sərdar Cəlaloğlu 1980-ci illərdən gizli şəkildə siyasi fəaliyyətə başlamışdır. O, 1985-ci ildən qanuni siyasi fəaliyyət göstərməyə başlamışdır. O, Yurd İctimai Birliyinin üzvü olmuşdur.

Sərdar Cəlaloğlu 1991-ci ildə qeyri-qanuni jurnal olmuş "Oyanış" dərgisinin nəşrində iştirak etmişdir, Azərbaycan Xalq Cəbhəsi Naxçıvan şöbəsinin orqanı olmuş "Hürriyyət" qəzetinin əvvəl Naxçıvanda, sonra isə Bakıda nəşr olunmasında rol oynamışdır.

Sərdar Cəlaloğlu Azərbaycan Xalq Cəbhəsinin Naxçıvan Vilayət Şöbəsinin və ya bilinən adı ilə Naxçıvan Xalq Cəbhəsinin təsisçilərindən biri olmuşdur. O, 1989-cu ilədək Naxçıvan Xalq Cəbhəsi İdarə Heyətinin üzvü olmuşdur. 1990-cı ildə Azərbaycan Xalq Cəbhəsi sıralarından ayrılmışdır.

Sərdar Cəlaloğlu 26 yanvar 1991-ci ildə Sülhəddin Əkbər ilə birgə Naxçıvanda Azərbaycan Demokrat Partiyasının Təşəbbüs Qrupunu yaratmış, rəhbəri seçilmiş və partiyanın təsisçilərindən biri olmuşdur.[2][3] O, 1991-ci ildən həmin partiyanın ideoloji-siyasi şöbəsinə başçılıq etmişdir. Sərdar Cəlaloğlu 1991–1994-cü illərdə Azərbaycan Demokrat Partiyası Təşkilat Komitəsinin sədri olmuşdur.

7–8 may 1994-cü ildə Azərbaycan Demokrat Partiyasının I Qurultayı keçirilmiş, qurultayda Sərdar Cəlaloğlu partiyanın sədri seçilmişdir.[4] 30 mart 1996-cı ildə sabiq ədliyyə naziri İlyas İsmayılovun rəhbərlik etdiyi Ədalət Partiyası və Azərbaycan Demokrat Partiyası III Növbədənkənar (Birləşdirici) və IV (Birləşdirici) Qurultayda birləşmişdir.[5] Birləşmiş partiyanın sədri İlyas İsmayılov seçilmişdir.[5][6] Sərdar Cəlaloğlu isə partiyanın baş katibi seçilmişdir.

1993–1996-cı illərdə Azərbaycan parlamentlərinə rəhbərlik etmiş, hakim Yeni Azərbaycan Partiyası üzvü Rəsul Quliyev 11 sentyabr 1996-cı ildə Milli Məclisin sədri postundan istefa verərək Amerika Birləşmiş Ştatlarına köçmüşdü.[7] 29 noyabr 1998-ci ildə keçirilən Azərbaycan Demokrat Partiyasının VI (Birləşdirici) Qurultay Səlahiyyətli Konfransında onun rəhbərlik etdiyi Beynəlxalq Demokratiya və Ekologiya Fondu və Aydın Quliyevin rəhbərlik etdiyi Demokratik Azərbaycan Partiyası Azərbaycan Demokrat Partiyasına birləşmişdir.[8][9] Birləşmədən sonra partiyada həmsədrlik postu təsis edilmiş, İlyas İsmayılov və Rəsul Quliyev partiyanın həmsədrləri seçilmişdir.[8] 5 noyabr 2000-ci il parlament seçkilərində həm majoritar, həm proporsional seçki sistemi üzrə seçkilərə qatılmış Azərbaycan Demokrat Partiyası uğur qazana bilmədi.[10] 1 gün sonra, yəni 6 noyabr 2000-ci ildə partiyanın həmsədri İlyas İsmayılov və tərəfdarları Azərbaycan Demokrat Partiyasından istefa verdi.[11] Onlar Ədalət Partiyasının bərpası üçün çalışmış və 2 iyul 2001-ci ildə bərpa qurultayı ilə partiyanı yenidən təsis etmişdirlər.[11]

23 aprel 2005-ci ildə Azərbaycan Demokrat Partiyasının V Qurultayı keçirilmişdir. Qurultayda həmsədrlik və katiblik postları ləğv olunaraq sədrlik və sədr müavinləri postları yaradılmışdır.[12] Qurultayda Rəsul Quliyev yenidən sədr seçilmişdir.[12] Cəlaloğlu isə sədrinin birinci müavini seçilmişdir.

2005-ci il parlament seçkiləri ərəfəsində Azərbaycan Xalq Cəbhəsi Partiyası (islahatçılar), Azərbaycan Demokrat Partiyası və Müsavat Partiyası seçkilərə vahid siyahı ilə getmək barəsində razılaşdılar.[13][14] 10 iyun 2005-ci ildə bu 3 partiya Azadlıq Blokunu təsis etmiş, blokun rəngini narıncı inqilab səbəbi ilə narıncı, simvolunu isə narıncı qızılgül seçmişdir.[15] 7 iyul 2005-ci ildə blokun rəsmi təsisi ilə bağlı saziş imzalandı.[16] 21 iyulda blok qeydiyyatdan keçdi.[17] Azadlıq Bloku vahid namizədlər siyahısı təşkil etdi.[18]mSərdar Cəlaloğlu 9 saylı Binəqədi ikinci seçki dairəsindən deputatlığa namizəd olmuşdur.[18]

Seçkilərdə ABŞ-də yaşayan partiya sədri Rəsul Quliyev 36 saylı Xətai 4-cü seçki dairəsindən deputatlığa namizəd olsa da, Azərbaycan Respublikasının Baş Prokurorluğu Rəsul Quliyevin namizədlərə şamil olunan toxunulmazlığının qaldırılması ilə bağlı qərar çıxarmışdır. Azərbaycana qayıtdığı təqdirdə o, həbs ediləcəkdi və onun barəsində həbs qətimkan tədbiri seçilməsi haqqında Daxili İşlər Nazirliyinə tapşırıq verilmişdi. Baş Prokurorluğun yaydığı məlumatda Rəsul Quliyevin 1990–1995-ci illərdə "Azərneftyağ" zavodunun direktoru işlədiyi dövrdə 107 milyon ABŞ dolları məbləğində dövlət əmlakını mənimsədiyi və bu səbəbdən 10 oktyabr 2000-ci ildə Rəsul Quliyev haqqında axtarış elan edildiyi açıqlanmışdır.[19][20] Sentyabrda Rəsul Quliyev oktyabrın 15-dək Azərbaycana dönəcəyini açıqladı.[21][22] Rəsul Quliyev daha sonra oktyabrın 17-i yerli vaxtla saat 16:00-da xüsusi reyslə Londondan Bakıya gələcəyini açıqlamışdır.[23] 17 oktyabrda Rəsul Quliyevin təyyarəsi Binə Hava Limanının ərazisinə daxil oldmuş, ancaq onun yerə enməsinə icazə verilməmişdir.[24] "AZAL" Dövlət Konserninin prezidenti Cahangir Əsgərov Simferopol aeroportundan Rəsul Quliyevi gətirən Böyük Britaniyanın çarter təyyarəsinin Bakıda enməsi üçün icazə istənildiyini, sorğuya müsbət cavab verildiyini, lakin bir qədər keçdikdən sonra Simferopoldan faks daxil olduqdan sonra ADP sədrinin Bakıya uçmaqdan imtina etdiyini açıqlamışdır.[25] Simferopol Nəqliyyat Polisinin hava limanı bölməsinin rəisi Andrey İvantsov isə Rəsul Quliyevə Ukrayna ərazisində bir qədər məhdudiyyət qoyulmasının səbəbini Azərbaycanın təklifi ilə onun İnterpolun axtarışında olması ilə əlaqələndirmişdir.[25] Ardınca partiya üzvləri bununla bağlı aksiya keçirmiş və bu səbəbdən saxlanılmışdır.[26] Onlardan 40-ı deputatlığa namizəd olmuşdur.[25] 18 oktyabrda Rəsul Quliyev Ukraynada saxlanılmışdı.[27] 19 oktyabrda Azərbaycan iqtidarı bu hadisələri dövlət çevrilişinə cəhd olaraq qiymətləndirdi və bu hadisələrlə əlaqəli olan iqtisadi inkişaf naziri Fərhad Əliyev,[28] səhiyyə naziri Əli İnsanov[29] və Prezidentin İşlər İdarəsinin rəhbəri Akif Muradverdiyev və deputat Fikrət Sadıqov da həbs edildi.[30][31] Hadisələrlə bağlı sabiq maliyyə naziri Fikrət Yusifov da saxlanıldı.[32] Rəsul Quliyev çevriliş iddialarını qəbul etməmişdir.[33] 20 oktyabrda Jeleznedorojnı Rayon Məhkəməsinin qərarı ilə Rəsul Quliyev sərbəst buraxıldı.[34] Bundan sonra Quliyev ölkəyə qayıtmaq istəsə də, qayıda bilmədi.

Parlament seçkilərinin nəticəsində Azadlıq Bloku 5 mandat qazansa da Azərbaycan Demokrat Partiyası mandat qazana bilmədi.[35] Azadlıq Bloku seçki nəticələrini tanımadı.[36] 9 noyabrda YeS Bloku və Milli Birlik Hərəkatının üzvlərinin iştirakı ilə Azadlıq Bloku etiraz mitinqi keçirdi.[37] Daha sonra arıdıcıl bir neçə mitinq keçirən Azadlıq Blokuna üzv partiyaların rəhbərləri şikayətlərini və etirazlarını ABŞ və Avropa Birliyinə üzv digər dövlətlərinin nümayəndələrinə də çatdırdılar.[38] Seçkilərin ardınca Azərbaycan Demokrat Partiyasında istefalar başladı.[39] Daha sonralar Zəminə Dünyamalıyeva Rəsul Quliyevin gəlişindəki uğursuzluğu Sərdar Cəlaloğlu ilə əlaqələndirmişdir. O, Cəlaloğlunun hakimiyyətlə oyuna gedərək planı hakimiyyətə satmaqla günahlanmışdır. Dünyamalıyeva Quliyevin Cəlaloğlununa əvvəlcə inandığını, daha sonra Cəlaloğlunun planı satdığına inandığı üçün partiyadan ayrılmışdır.[40] Cəlaloğlu isə belə açıqlama vermişdir:[40]

  Mən Rəsul Quliyevə demişdim ki, Ukraynaya get? Özü uçdu ora, sonra da qayıdıb getdi Amerikaya. Hamı yaxşı bilir ki, onun qayıtması üçün burada hansı hazırlıq işləri görülmüşdü. Sərdar Cəlaloğlu satmışdısa, Zəminə Dünyamalıyeva qabağa düşüb onu gətirəydi. Boş və mənasız sözlər danışırlar. Bunların məqsədi Rəsul Quliyevin qorxaqlığını pərdələmək, günahı başqalarının üzərinə atmaqdır. Bu adam ADP-dən ayrılandan sonra öz bacısı uşaqlarını belə tutdurdu.  

27 yanvar 2007-ci ildə Azərbaycan Demokrat Partiyası Təşkilat Komitəsi partiyanın Ali Məclisinin iclasını keçirərək radikal müxalifət partiyası kimi yox, konstruktiv və siyasi dialoq yönümlü siyasi partiya kimi çıxış etməyə başlayacaqlarını aşıqlamışdır. 2007-ci ilin əvvəlində Rəsul Quliyev Ali Məclisin iclasını çağırdı. Bu səbəbdən qərara etiraz olaraq ADP Ali Məclisinin 59 üzvü bəyanatla çıxış etdi.[41] Sədr müavini Sərdar Cəlaloğlu Rəsul Quliyevin bu qərardan xəbərdar olduğunu, bu qərarla razılaşmayacağı təqdirdə Rəsul Quliyevin partiya sədrliyindən istefa verəcəyini açıqlamışdır.[42] 10 fevral 2007-ci ildə Rəsul Quliyev Sərdar Cəlaloğlunu sədr müavinliyindən azad etdi və Təşkilat Komitəsinin fəaliyyətini dayandırdı,[43] lakin Cəlaloğlu 27 yanvarda partiyanın bütün strukturlarını buraxdığını açıqladı.[44] Quliyev Akif Şahbazovu Azadlıq Blokunda patiyanı təmsil etməklə bağlı vəzifələndirsə də, blok partiya təmsilçi olaraq Cəlaloğlunu tanımışdır.[45] 19 fevral 2007-ci ildə isə Rəsul Quliyev partiya sıralarından xaric edildi.[46] Bu hadisələrdən sonra Azadlıq Bloku Azərbaycan Demokrat Partiyasını blokdan çıxarmışdır.[47]

14 aprel 2007-ci ildə Rəsul Quliyev və tərəfdarları qurultay keçirdi. Qurultayda Azərbaycan Demokrat Partiyası adından imtina edilərək Açıq Cəmiyyət Partiyasının yaradıldığı elan olundu. Zəminə Dünyamalıyeva, Akif Şahbazov və Mahir Əsədov da bu partiyaya qatıldı. Yeni yaranan partiyanın sədri Akif Şahbazov seçildi.[41][48] 27 may 2007-ci ildə Sərdar Cəlaloğlunun rəhbrəliyində partiyanın 9-cu qurultayı keçirildi. Qurultayda Sərdar Cəlaloğlu partiyanın sədri seçildi. Qurultayda partiya siyasi dialoq tərəfdarı olduğunu öz nizamnaməsinə əlavə etdi.[49]

Azərbaycan Demokrat Partiyası 2013-cü il prezident seçkilərində partiya sədri Sərdar Cəlaloğlunun namizədliyini irəli sürmüşdür.[50] Cəlaloğlu, dövlət tərəfindən maliyyələşmədiklərini və seçkilərə 3 000 manat xərclədiklərini açıqlamışdır.[51][52] Sərdar Cəlaloğlu seçkiləri 22773 səs (0.62%) toplayaraq sonuncu, yəni 10-cu sırada başa vurmuşdur.[53] Seçkilərin ardınca Sərdar Cəlaloğlu namizədlik üçün lazım olan 45 min imzadan da az səs topladığı üçün partiya sədrliyindən istefa vermişdir.[54][55] Partiya İdarə Heyəti istefa tələbini qəbul etməmişdir.[56]

2018-ci il prezident seçkilərində Azərbaycan Demokrat Partiyası tərəfindən Sərdar Cəlaloğlunun namizədliyi irəli sürülmüşdür. Onun namizədliyi 17 mart 2018-ci ildə qeydiyyata alınmışdır.[57][58] Seçki bulletenində adı 6-cı sırada qərarlaşmışdır. O, seçkiləri 119621 səs (3.03%) toplayaraq Yeni Azərbaycan Partiyası sədr İlham Əliyevin və bitərəf namizəd Zahid Orucun ardından 3-cü sırada başa vurmuşdur.[59]

1 sentyabr 2020-ci ildə Azərbaycan Demokrat Partiyasının X Qurultayı onlayn şəraitdə keçirilmiş və Sərdar Cəlaloğlu yenidən sədr seçilmişdir.[60]

2024-cü il prezident seçkilərində Azərbaycan Demokrat Partiyası sədri Sərdar Cəlaloğlu partiyasının seçkilərdə iştirak etməyəcəyini, üzvlərə isə səsvermədə sərbəstlik tanındığını açıqlamışdır.[61] 2024-cü il parlament seçkilərində isə partiya iştirak qərarı almış, sədr Sərdar Cəlaloğlu isə əvvəlcə deputatlığa namizədliyini irəli sürsə də, daha sonra namizədliyini geri çəkmişdir.[62] Ümumilikdə partiya seçkilərə 4 namizədlə qatılmışdır.[63]

Həbslər

Sərdar Cəlaloğlu indiyədək siyasi fəaliyyəti səbəbi ilə 3 dəfə qısa müddətli həbs olunub.

Sərdar Cəlaloğlu 2003-cü il prezident seçkilərindən sonra keçirilən etiraz aksiyaları zamanı həbs edilmişdir. O, Ağır Cinayətlərə Dair İşlər üzrə Məhkəmənin hökmü ilə 4 il 6 ay həbs cəzası almışdır, lakin 2005-ci ildə əfv olunmuşdur. Sərdar Cəlaloğlu həbs olunduğu zaman işgəncəyə məruz qalması iddiası ilə Avropa Məhkəməsinə müraciət etmiş, məhkəmədə işgəncə hallarının araşdırılmadığı qənaətinə gələn Avropa İnsan Hüquqları Məhkəməsi 2007-ci il yanvarın 11-də 10 min avro kompensasiya ödənilməsi ilə bağlı qərar vermişdir.[64] Həbsdə olduğu müddətdə o, Avropa Şurası tərəfindən siyasi məhbus kimi tanınaraq azadlığa buraxılıb.

Siyasi düşüncələri

Sərdar Cəlaloğlu konservativ ideologiyaya sahibdir. O kişi-qadın bərabərliyinin mümkünsüz olduğunu, yaradılışdan belə kişi və qadının fərqli, kişinin güclü, qadının isə fiziki olaraq daha zəif yaradıldığını bu tip biolojik səbəblər də nəzərə alındığı şəraitdə qadın-kişi bərabərliyinin mümkünsüz olduğunu iddia edir. O iddialarını cəmiyyətdə kişilərin daha sərt işlərdə çalışması, hərbi xidmət çəkməsinə baxmayaraq Azərbaycan cəmiyyətində və qanunvericiliyində qadınların belə öhdəliklərinin olmaması ilə əsaslandırır.

Əsərləri

  • Mahiyyət (fəlsəfi traktat)
  • Azadliğa məhkumuq (siyasi-publistik məqalələr toplusu)
  • İnsanlar və adamlar (fəlsəfi kəlamlar)
  • Türkəçarə (tibbi-etnoqrafik əsər)
  • İlahi siyasət-Tərəqqinin fəlsəfəsi (elmi-fəlsəfi triologiya)
  • Totalitarizmin metamarfozası (elmi-siyasi əsər)
  • Kondisialogiya – Universal və enisklopedik elm (elmi əsər)

İstinadlar

  1. ↑ Sərdar Calaloğlu. Tural Turan. Həftə içi.- 2016.- 16 dekabr.- S.4.
  2. ↑ modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  3. ↑ modern.az. "27 naxçıvanlı demokratın yaratdığı ADP- "PARTİYAMIZDIR"". modern.az (az.). 12 avqust 2024 tarixində arxivləşdirilib. İstifadə tarixi: 12 avqust 2024.
  4. ↑ modern.az. "27 naxçıvanlı demokratın yaratdığı ADP- "PARTİYAMIZDIR"". modern.az (az.). 12 avqust 2024 tarixində arxivləşdirilib. İstifadə tarixi: 12 avqust 2024.
  5. ↑ 1 2 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  6. ↑ modern.az. "27 naxçıvanlı demokratın yaratdığı ADP- "PARTİYAMIZDIR"". modern.az (az.). 12 avqust 2024 tarixində arxivləşdirilib. İstifadə tarixi: 12 avqust 2024.
  7. ↑ Hüquqi Aktıarın Dövlət Reyestri. "Azərbaycan Respublikası Milli Məclisinin sədri R.Quliyevin istefası haqqında Milli Məclisin Qərarı". e-qanun.az (az.). 3 sentyabr 2021 tarixində arxivləşdirilib. İstifadə tarixi: 12 avqust 2024.
  8. ↑ 1 2 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  9. ↑ modern.az. "27 naxçıvanlı demokratın yaratdığı ADP- "PARTİYAMIZDIR"". modern.az (az.). 12 avqust 2024 tarixində arxivləşdirilib. İstifadə tarixi: 12 avqust 2024.
  10. ↑ "2000-2001-ci illər parlament seçkiləri haqqında yekun hesabat" (PDF). 1 avqust 2021 tarixində arxivləşdirilib (PDF). İstifadə tarixi: 30 may 2022.
  11. ↑ 1 2 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  12. ↑ 1 2 AzadlıqRadiosu. "ADP-də struktur dəyişikliyi edildi". Azadlıq Radiosu (az.). 24 aprel 2006. 13 avqust 2024 tarixində arxivləşdirilib. İstifadə tarixi: 13 avqust 2024.
  13. ↑ AzadlıqRadiosu. "Müxalifət seçkiyə vahid siyahıyla gedə biləcəkmi?". Azadlıq Radiosu (az.). 24 aprel 2006. 8 avqust 2022 tarixində arxivləşdirilib. İstifadə tarixi: 12 avqust 2024.
  14. ↑ Məmmədov, İlkin. "Üç müxalifət partiyası seçkiyə birgə gatılmaq üçün danışıqlar aparır". Azadlıq Radiosu (az.). 24 aprel 2006. 30 noyabr 2023 tarixində arxivləşdirilib. İstifadə tarixi: 12 avqust 2024.
  15. ↑ AzadlıqRadiosu. "«Üçlər» blokun adını, rəngini və rəmzini müəyyənləşdirdi". Azadlıq Radiosu (az.). 24 aprel 2006. 19 avqust 2022 tarixində arxivləşdirilib. İstifadə tarixi: 12 avqust 2024.
  16. ↑ AzadlıqRadiosu. "«Azadlıq» seçki bloku rəsmən təsis olundu". Azadlıq Radiosu (az.). 24 aprel 2006. 14 avqust 2024 tarixində arxivləşdirilib. İstifadə tarixi: 12 avqust 2024.
  17. ↑ AzadlıqRadiosu. "Üç seçki bloku qeydiyyatdan keçdi". Azadlıq Radiosu (az.). 24 aprel 2006. 14 avqust 2024 tarixində arxivləşdirilib. İstifadə tarixi: 12 avqust 2024.
  18. ↑ 1 2 "Isa Qemberin sehifesi". web.archive.org. 25 fevral 2014. 25 fevral 2014 tarixində arxivləşdirilib. İstifadə tarixi: 12 avqust 2024.
  19. ↑ AzadlıqRadiosu. "Rəsul Quliyev haqqında həbs qərarı qüvvədə qaldı". Azadlıq Radiosu (az.). 24 aprel 2006. 14 avqust 2024 tarixində arxivləşdirilib. İstifadə tarixi: 13 avqust 2024.
  20. ↑ AzadlıqRadiosu. "Baş Prokurorluq Rəsul Quliyevin toxunulmazlığını ləğv edib". Azadlıq Radiosu (az.). 24 aprel 2006. 20 may 2024 tarixində arxivləşdirilib. İstifadə tarixi: 12 avqust 2024.
  21. ↑ AzadlıqRadiosu. "Rəsul Quliyevin dönüş günü müəyyənləşdi". Azadlıq Radiosu (az.). 24 aprel 2006. 13 avqust 2024 tarixində arxivləşdirilib. İstifadə tarixi: 13 avqust 2024.
  22. ↑ "ADP sədri Rəsul Quliyev Azərbaycana qayıdır". Voice of America (az.). 28 sentyabr 2005. 13 avqust 2024 tarixində arxivləşdirilib. İstifadə tarixi: 13 avqust 2024.
  23. ↑ AzadlıqRadiosu. "Rəsul Quliyev oktyabrın 17-də Bakıya gəlməyi planlaşdırır". Azadlıq Radiosu (az.). 24 aprel 2006. 24 may 2024 tarixində arxivləşdirilib. İstifadə tarixi: 13 avqust 2024.
  24. ↑ Kazımoğlu, Kənan. "Rəsul Quliyevi gətirən aviaşirkət Bakıdan eniş izni ala bilmədiyini deyir". Azadlıq Radiosu (az.). 24 aprel 2006. 28 iyun 2022 tarixində arxivləşdirilib. İstifadə tarixi: 13 avqust 2024.
  25. ↑ 1 2 3 AzadlıqRadiosu. "Rəsul Quliyevi «İnterpol» Ukraynada saxladı". Azadlıq Radiosu (az.). 24 aprel 2006. 9 iyun 2023 tarixində arxivləşdirilib. İstifadə tarixi: 13 avqust 2024.
  26. ↑ "ADP-nin tərəfdarları həbs edilib". Voice of America (az.). 17 oktyabr 2005. 14 avqust 2024 tarixində arxivləşdirilib. İstifadə tarixi: 13 avqust 2024.
  27. ↑ "Azərbaycan Demokrat partiyasının sədri Ukraynada saxlanıb". Voice of America (az.). 18 oktyabr 2005. 28 noyabr 2021 tarixində arxivləşdirilib. İstifadə tarixi: 13 avqust 2024.
  28. ↑ AzadlıqRadiosu. "Fərhad Əliyev həbs edildi". Azadlıq Radiosu (az.). 24 aprel 2006. 17 aprel 2024 tarixində arxivləşdirilib. İstifadə tarixi: 13 avqust 2024.
  29. ↑ AzadlıqRadiosu. "Keçmiş Səhiyyə nazirinin həbs xəbəri təsdiqləndi". Azadlıq Radiosu (az.). 24 aprel 2006. 14 avqust 2024 tarixində arxivləşdirilib. İstifadə tarixi: 13 avqust 2024.
  30. ↑ AzadlıqRadiosu. "Daha bir neçə məmur həbs edildi". Azadlıq Radiosu (az.). 24 aprel 2006. 14 avqust 2024 tarixində arxivləşdirilib. İstifadə tarixi: 13 avqust 2024.
  31. ↑ AzadlıqRadiosu. "Parlament Fikrət Sadıqovun həbsinə razılıq verdi". Azadlıq Radiosu (az.). 24 aprel 2006. 1 oktyabr 2023 tarixində arxivləşdirilib. İstifadə tarixi: 13 avqust 2024.
  32. ↑ "Azərbaycanda müxalifəti maliyyələşdirdiyinə görə iki nazir həbs edilib". Voice of America (az.). 21 oktyabr 2005. 27 iyul 2021 tarixində arxivləşdirilib. İstifadə tarixi: 13 avqust 2024.
  33. ↑ "Azərbaycanın sabiq səhiyyə naziri müxalifət düşərgəsinə keçdiyini elan edib". Voice of America (az.). 28 fevral 2007. 13 avqust 2024 tarixində arxivləşdirilib. İstifadə tarixi: 13 avqust 2024.
  34. ↑ AzadlıqRadiosu. "Rəsul Quliyev sərbəst buraxıldı". Azadlıq Radiosu (az.). 24 aprel 2006. 13 avqust 2024 tarixində arxivləşdirilib. İstifadə tarixi: 13 avqust 2024.
  35. ↑ AzadlıqRadiosu. "Müxalifət «Qələbə»siz qaldı". Azadlıq Radiosu (az.). 24 aprel 2006. 12 avqust 2024 tarixində arxivləşdirilib. İstifadə tarixi: 12 avqust 2024.
  36. ↑ AzadlıqRadiosu. "Qalib kim olacaq?". Azadlıq Radiosu (az.). 24 aprel 2006. İstifadə tarixi: 12 avqust 2024.
  37. ↑ AzadlıqRadiosu. "«Azadlıq» bloku yürüş-mitinq keçirdi". Azadlıq Radiosu (az.). 24 aprel 2006. 29 yanvar 2022 tarixində arxivləşdirilib. İstifadə tarixi: 12 avqust 2024.
  38. ↑ AzadlıqRadiosu. "Müxalifət rəhbərləri Bakıdakı səfirlərlə görüşdülər". Azadlıq Radiosu (az.). 24 aprel 2006. 20 may 2024 tarixində arxivləşdirilib. İstifadə tarixi: 12 avqust 2024.
  39. ↑ AzadlıqRadiosu. "Müsavat və ADP-dəki istefalar…". Azadlıq Radiosu (az.). 9 avqust 2006. 13 avqust 2024 tarixində arxivləşdirilib. İstifadə tarixi: 13 avqust 2024.
  40. ↑ 1 2 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  41. ↑ 1 2 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
  42. ↑ AzadlıqRadiosu. "ADP siyasi yönümünü dəyişdi". Azadlıq Radiosu (az.). 27 yanvar 2007. 13 avqust 2024 tarixində arxivləşdirilib. İstifadə tarixi: 13 avqust 2024.
  43. ↑ "Azərbaycan Demokrat partiyasında qarşıdurma". Voice of America (az.). 19 fevral 2007. 20 yanvar 2022 tarixində arxivləşdirilib. İstifadə tarixi: 13 avqust 2024.
  44. ↑ AzadlıqRadiosu. "Rəsul Quliyev Sərdar Cəlaloğlunu özünün müavini vəzifəsindən azad etdi". Azadlıq Radiosu (az.). 11 fevral 2007. 14 avqust 2024 tarixində arxivləşdirilib. İstifadə tarixi: 13 avqust 2024.
  45. ↑ AzadlıqRadiosu. "«Azadlıq» bloku ADP-nin təmsilçisi kimi Sərdar Cəlaloğlunu tanıdı". Azadlıq Radiosu (az.). 14 fevral 2007. 14 avqust 2024 tarixində arxivləşdirilib. İstifadə tarixi: 13 avqust 2024.
  46. ↑ "Rəsul Quliyev ADP sıralarından xaric olunub". Trend.Az (az.). 19 fevral 2007. 20 oktyabr 2020 tarixində arxivləşdirilib. İstifadə tarixi: 14 avqust 2024.
  47. ↑ AzadlıqRadiosu. "ADP-nin hər iki qanadı «Azadlıq» blokunun qərarını pisləyir". Azadlıq Radiosu (az.). 6 mart 2007. 5 iyul 2022 tarixində arxivləşdirilib. İstifadə tarixi: 13 avqust 2024.
  48. ↑ AzadlıqRadiosu. "Rəsul Quliyev «Açıq Cəmiyyət» Partiyasının lideri seçilib". Azadlıq Radiosu (az.). 14 aprel 2007. 22 oktyabr 2021 tarixində arxivləşdirilib. İstifadə tarixi: 13 avqust 2024.
  49. ↑ AzadlıqRadiosu. "ADP siyasi kursunu rəsmiləşdirdi". Azadlıq Radiosu (az.). 27 may 2007. 13 avqust 2024 tarixində arxivləşdirilib. İstifadə tarixi: 13 avqust 2024.
  50. ↑ "Daha üç nəfərin prezidentliyə namizədliyinin irəli sürülməsi təsdiqlənib". Voice of America (az.). 31 avqust 2013. 20 sentyabr 2021 tarixində arxivləşdirilib. İstifadə tarixi: 14 avqust 2024.
  51. ↑ "Sərdar Cəlaloğlu: Bir qüvvənin uzun müddət hakimiyyətdə saxlanması həm də beynəlxalq güclərin işidir [Video-müsahibə]". Voice of America (az.). 24 sentyabr 2013. 1 avqust 2021 tarixində arxivləşdirilib. İstifadə tarixi: 14 avqust 2024.
  52. ↑ AzadlıqRadiosu. "Son seçkilərin cib xərcliyi". Azadlıq Radiosu (az.). 22 sentyabr 2014. 22 oktyabr 2021 tarixində arxivləşdirilib. İstifadə tarixi: 14 avqust 2024.
  53. ↑ "AZƏRBAYCAN RESPUBLİKASI PREZİDENTİNİN SEÇKİLƏRİ 9 oktyabr 2013-cü il SƏSVERMƏNİN NƏTİCƏLƏRİ HAQQINDA AZƏRBAYCAN RESPUBLİKASI MƏRKƏZİ SEÇKİ KOMİSSİYASININ YEKUN PROTOKOLU" (PDF). 18 fevral 2018 tarixində arxivləşdirilib (PDF). İstifadə tarixi: 18 may 2022.
  54. ↑ "Demokrat Partiyasının sədri istefa verib". Voice of America (az.). 11 oktyabr 2013. 25 may 2024 tarixində arxivləşdirilib. İstifadə tarixi: 14 avqust 2024.
  55. ↑ "Prezident seçkisində uduzan ADP sədri Sərdar Cəlaloğlu istefa verib". Trend.Az (az.). 11 oktyabr 2013. 14 avqust 2024 tarixində arxivləşdirilib. İstifadə tarixi: 14 avqust 2024.
  56. ↑ "Sərdar Cəlaloğlu ADP-nin sədrliyində qaldı". Azadliq (az.). 14 oktyabr 2013. 14 avqust 2024 tarixində arxivləşdirilib. İstifadə tarixi: 14 avqust 2024.
  57. ↑ "Sərdar Cəlaloğlu prezidentliyə namizəd oldu". Azadlıq Radiosu (az.). 20 mart 2023 tarixində arxivləşdirilib. İstifadə tarixi: 14 avqust 2024.
  58. ↑ "MSK Sərdar Cəlaloğlunun prezidentliyə namizədliyini qeydə alıb". Voice of America (az.). 17 mart 2018. 26 sentyabr 2021 tarixində arxivləşdirilib. İstifadə tarixi: 14 avqust 2024.
  59. ↑ "Seçki nəticələri". 18 iyul 2020 tarixində arxivləşdirilib. İstifadə tarixi: 18 may 2022.
  60. ↑ modern.az. "ADP qurultay keçirdi - Sərdar Cəlaloğlu yenidən sədr oldu". modern.az (az.). 14 avqust 2024 tarixində arxivləşdirilib. İstifadə tarixi: 14 avqust 2024.
  61. ↑ modern.az. "Azərbaycan Demokrat Partiyası seçkilərdə namizəd irəli sürəcək?". modern.az (az.). 31 dekabr 2023 tarixində arxivləşdirilib. İstifadə tarixi: 25 dekabr 2023.
  62. ↑ "Sərdar Cəlaloğlu namizədliyini geri götürdü". Pravda.az. 27 iyul 2024 tarixində arxivləşdirilib. İstifadə tarixi: 26 iyul 2024.
  63. ↑ "Siyasi partiyalar neçə namizədlə seçkidə iştirak edəcək? - TAM SİYAHI | Qaynarinfo.az". qaynarinfo.az (ingilis). 14 avqust 2024 tarixində arxivləşdirilib. İstifadə tarixi: 14 avqust 2024.
  64. ↑ "Azərbaycan hökuməti Avropa Məhkəməsinin qərarına uyğun olaraq Sərdar Cəlaloğluna 10 min avro kompensasiya ödəyib". Apa.az (az.). 14 avqust 2024. İstifadə tarixi: 14 avqust 2024.
Mənbə — "https://az.wikipedia.org/w/index.php?title=Sərdar_Cəlaloğlu&oldid=8322149"
Informasiya Melumat Axtar