Səniyə Nazik İşıq (türk. Seniye Nazik Işık; 1957, İzmir ili) — türk feministi, siyasətçisi və aktivisti.
| Səniyə Nazik İşıq | |
|---|---|
| türk. Seniye Nazik Işık | |
Qarabağlar Şəhər Şurasının sədri | |
| 2020 – 2022 | |
| Şəxsi məlumatlar | |
| Doğum tarixi | |
| Doğum yeri | İzmir, Türkiyə |
| Milliyyəti | türk |
| Vətəndaşlığı |
 Türkiyə |
| Partiya | Cümhuriyyət Xalq Partiyası |
| Təhsili |
Ankara Universiteti SOAS London Universiteti |
| İxtisası | siyasətçi |
| Fəaliyyəti | siyasətçi, aktivist |
| Uşağı | 2 |
Səniyə İşıq 1957-ci ildə İzmirdə anadan olub.[1] 1968-ci ildə Karşıyaka Fevzi Paşa İbtidai məktəbi, 1974-cü ildə Karşıyaka Qız Liseyində təhsil almağa başlayan Səniyə xanım 1978-ci ildə də Ankara Universitetinin Politologiya fakültəsində təhsil almağa başlamışdır.
12 sentyabr hərbi çevrilişindən sonra o, 1402-liklər (Türkiyədə 12 sentyabr hərbi çevrilişindən sonra 1402 saylı hərbi qanunu ilə vəzifələrindən uzaqlaşdırılan dövlət məmurları, xüsusən də universitet müəllimlərinə ictimaiyyət arasında verilən addır) sırasına qatılmışdır.[2] 1984-cü ildə Ankara Universitetinin Politologiya fakültəsində bakalavr dərəcəsini, 1997-ci ildə isə SOAS London Universitetində magistr dərəcəsini bitirmişdir. 1999-2012-ci illər arasında Hacəttəpə Universitetinin Sosial xidmətlər departamentində çalışan Səniyə işıq Sosial siyasət və planlaşdırma, Gender və Sosial işdən dərs deyib.[3]
1979-2002-ci illərdə o, Dövlət Planlama Təşkilatında planlaşdırma üzrə mütəxəssis, daha sonra Qadın Statusu Baş İdarəsində baş direktor müavini vəzifələrində çalışıb. 2002-2010-cu illər arasında isə Avropa İttifaqı və BMT-nin layihələrində məsləhətçi, təlimçi, koordinator və menecer vəzifələrində çalışıb.[3]
Müxtəlif qurumların dəstəyi ilə qadın və LGBT hüquqları uğrunda mübarizə aparan İşıq, Qadın Həmrəyliyi Fondunun qurucu üzvü, Qadın sığınacağı:Məsləhət Mərkəzlərinin qurucusu, Kaos GL üzvü, həmçinin Bərabər Həyat Dərnəyinin qurucu üzvü və prezidentidir.[2]
Səniyə işıq öz şəxsi arxivini 28 iyun 2019-cu ildə İstanbuldakı "Qadın Kitabxanaları və İnformasiya Mərkəzləri Fondu"na bağışlayıb.[4] O, həmçinin Cümhuriyyət Xalq Partiyasında "Qadın Haqqları Baş katibi" vəzifəsini icra edib. 2012-2014-cü illərdə həmin partiyada partiya məclis üzvü olub. Bundan əlavə, o, 2020-2022-ci illər arasında İzmir Şəhər Şurası sədri vəzifəsində də çalışıb.[5][6]
Səniye Nazik İşıq evlidir və iki övladı var.
- ↑ "Seniye Nazik Işık: İzmir'de kadın başkan zamanı geldi". 18 Aralık 2018. 9 Mart 2024 tarixində arxivləşdirilib.
- ↑ 1 2 "LGBTİ hakları için mücadele eden Işık CHP'den aday adayı". 24 Mart 2015. 9 Mart 2024 tarixində arxivləşdirilib.
- ↑ 1 2 "Seniye Nazik Işık Biyografisi". 9 Temmuz 2019 tarixində arxivləşdirilib.
- ↑ "ÖZEL ARŞİV KOLEKSİYONU" (PDF). 28 Eylül 2023 tarixində arxivləşdirilib (PDF).
- ↑ "İzmir Kent Konseyi Başkanı Nazik Işık". 29 Şubat 2020. 9 Mart 2024 tarixində arxivləşdirilib.
- ↑ "İzmir Kent Konseyi'nin yeni başkanı Nilay Kökkılınç". 23 Ekim 2022. 25 Ekim 2022 tarixində arxivləşdirilib.