Səngi Muğan palçıq vulkanı– Bəndovan burnundan 15 km şimal-şimal - şərqdə yerləşir.[1]
| Səngi Muğan palçıq vulkanı | |
|---|---|
| Ümumi məlumatlar | |
| Növü | Palçıq vulkanı |
| İlk püskürmə | 1903-cü il oktyabr |
| Son püskürmə | 2008-ci il 30 aprel |
| Yerləşməsi | |
| Ölkə |
 Azərbaycan |
Səngi Muğan palçıq vulkanının ada ölçüsü 1500*530 olan oval formaya malikdir. Yüksək yayla şəklində olan adanın mərkəzi hissəsi cənub-şərq tərəfdən cənub-şərqdən şimal-qərbə doğru uzanan krater bəndi ilə haşiyələnir. Yayla eni 25-30 m (cənub-qərbdə) və 70-80 m (qərbdə) olan daşlı sahil düzənlik zolağı ilə haşiyələnir. Adanın cənub-şərq hissəsində hündürlüyü 5 m olan iki təpə vardır ki, bunlardan birinin üzərində 1891-ci ildə hündürlüyü 33,5 m olan mayaq qurulmuşdur. Brekçiyanın sahasi 213 haŞ orta qalınlığı 15 m-dir. Səngi Muğan iri uzununa və eninə yerdəyişmə kəsişməsində yerləşən asimmetrik braxiantiklinalla əlaqədardır. Vulkan pozulmaların kəsişməsində yerləşir. İlk dəfə 1903-cü il, daha sonra 1923, 1932,1933, 2008-ci illərdə püskürüb.
- ↑ "Dünya palçıq vulkanlarının atlası (2015)". səh: 106. 13 mart 2024 tarixində arxivləşdirilib.