Sənan Məmmədəmin oğlu Mustafayev (1929, İsmayıllı – 8 yanvar 2016) — Azərbaycan alimi, professor (1971), Azərbaycan SSR əməkdar elm xadimi (1990).
| Sənan Mustafayev | |
|---|---|
 | |
| 7 iyul 1983 – 1984 | |
| Nazir | Qurban Əliyev |
| Şəxsi məlumatlar | |
| Doğum tarixi | 1929 |
| Doğum yeri | |
| Vəfat tarixi | 8 yanvar 2016 |
|
|
|
| Təltifləri |
  |
.svg){kind=small}
Sənan Məmmədəmin oğlu Mustafayev 1929-cu ildə İsmayıllıda müəllim ailəsində anadan olub.[1]
1946-cı ildə Tibilisi Dəmir yol Mühəndisləri İnstitutunun Bakı filialına daxil olub, 1951-ci ildə tərkibinə birləşdirilmiş Azərbaycan Politexnik İnstitutu fərqlənmə diplomu ilə bitirərək institutda saxlanılıb, baş lobarant, assistent vəzifəsində işləyib.[1][2]
1953-cü ildə Azərbaycan Neft və Kimya institutunun aspiranturasına daxil olub və 1956-cı ildə aspiranturanı bitirdikdən sonra assistent, baş müəllim, dosent vəzifələrində çalışıb. 1971-ci ildə professor elmi adını alıb.[1][2]
S. Mustafayev 1961–1963-cü illərdə Ali və orta ixtisas Təhsil Nazirliyində elm idarəsinin rəisi, 1963–1964-cü illərdə Ali məktəblər idarəsinin rəisi, 1964–1974-cü illərdə nazirin birinci müavini, 1975-ci ildə yeni yaradılmış Azərbaycan İnşaat Mühəndisləri İnstitutunun rektoru,1978–1983-cü illərdə Əfqanıstanda təhsil məsələləri üzrə müşavirlər qrupunun rəhbəri, 1983–1984-cü illərdə Ali və orta ixtisas Təhsil Nazirinin beynəlxalq əlaqələr üzrə müavini, 1984-cü ildən 2005-ci ilə qədər Azərbaycan Dövlət Neft Akademiyasının "Materialşünaslıq və materialların texnologiyası" kafedrasının müdiri olub.[1][3]
1 fevral 1990-cı ildə "Azərbaycan SSR əməkdar elm xadimi" fəxri adına layiq görülüb, 14 dekabr 2000-ci ildə "Şöhrət" ordeni[4], SSRİ medalları və Əfqanıstanın "Dostluq" ordeni ilə təltif edilib.[1][2]
- ↑ 1 2 3 4 5 "Azərbaycan Təhsil Nazirinin sabiq müavini vəfat edib". 2016-03-04 tarixində arxivləşdirilib. İstifadə tarixi: 2016-06-04.
- ↑ 1 2 3 "Şərəfli ömür yolu - Azərbaycan müəllimi". 2018-01-11 tarixində orijinalından arxivləşdirilib. İstifadə tarixi: 2021-01-22.
- ↑ "Şərəfli ömür yolu - Azərbaycan müəllimi". 2016-03-04 tarixində arxivləşdirilib. İstifadə tarixi: 2016-06-04.
- ↑ "Azərbaycan Dövlət Neft Akademiyası müəllimlərinin təltif edilməsi haqqında, Azərbaycan prezidentinin fərmanı". 2017-11-24 tarixində arxivləşdirilib. İstifadə tarixi: 2016-06-04.