Sənan Hüseynli

Sənan Hüseynli 26 sentyabr 1968-ci ildə Şəmkir şəhərinin Çinarlı qəsəbəsində anadan olub. Uşaqlıq və gənclik illərini doğulduğu qəsəbədə keçirən Hüseynli, 1975–1985-ci illərdə Çinarlı qəsəbəsinin orta məktəbində təhsil alıb. 1985–1992-ci illərdə Azərbaycan Texniki Universitetində "Metallurgiya" fakültəsinin "Fiziki-kimyəvi proseslər" ixtisasında təhsil almışdır. 2002–2006-cı illərdə Azərbaycan Dövlət Mədəniyyət və İncəsənət Universitetinin xoreoqrafiya şöbəsində təhsil almışdır və buranı fərqlənmə diplomu ilə bitirmişdir. 2016–2018-ci illərdə Ukraynada Xarkov şəhərində Xarkov Dövlət Mədəniyyət Akademiyasını fərqlənmə diplomu ilə magistr, 2018–2022-ci illərdə Bakı Xoreoqrafiya Akademiyasının doktorantı, "Azərbaycan milli xoreoqrafiya sənətində kişi rəqslərinin quruluş və ifaçılıq xüsusiyyətləri" adlı mövzu üzərində işləyir. ^{[3] [4]}

1991-ci ildə Almaniyanın Berlin, Hamburq, Frankfurt şəhərlərində qastrol səfərində “Naz eləmə”, “Çobanlar”, “Bayram”, 1992-ci ildə Almaniyaya, İsveçrəyə qastrol səfərində “Çobanlar”, “İgidlər”, “Qarabağ” və s. rəqslərinin solisti olmuşdur. 1992-1993-cü illərdə “Azəri” rəqs ansamblının rəqqası, 1993-cü ildə Türkiyəyə qastrol səfərində Azərbaycan milli rəqslərdən ibarət konsert proqramında solist kimi çıxış etmişdir. 1993-1998 (2000-2002)-ci illərdə Bakı Dövlət “Cəngi” rəqs ansamblında rəqqas kimi fəaliyyət göstərmişdir. 1994-cü ildə ABŞ-ın Vaşinqton, Çikaqo, Nyu-York və s. şəhərlərində, 1994-cü ilin sentyabr ayında İraqın Bağdad şəhərində Məhəmməd Füzulinin 500 illik yubileyinin qeyd olunması ilə bağlı konsert proqramında, 1995-ci ildə Kanadanın Monreal və Toronto şəhərlərində Azərbaycan Mədəniyyəti günlərinə həsr olunmuş konsert proqramında, 1995-ci ildə Türkiyədə qastrol səfərində, 1996-cı ildə Norveç, İsveçrə və Rusiyada Azərbaycan Mədəniyyəti günlərinə həsr olunmuş konsert proqramında, 1997-ci ildə İsveçrə, Almaniya səfərlərində konsert proqramında iştirak etmişdir. 2001-ci ildə ilk dəfə Azərbaycanda “Salsa” rəqsləri üzrə Azərbaycan çempionatı keçirilmişdir. 2002-2004-cü illərdə R.Behbudov adına Dövlət Mahnı Teatrında aparıcı səhnə ustası vəzifəsində çalışmışdır. 2001, 2002, 2003, 2004-cü illərdə Azərbaycan Mədəniyyəti günlərinə həsr olunmuş konsert proqramında iştirak etmişdir. 2005-ci ildə R.Behbudov adına Azərbaycan Dövlət Opera və Balet teatrında Polad Bülbüloğlunun “Eşq və ölüm” balet əsərində iştirak etmişdir. 2007-2015-ci illərdə Türkiyənin Antalya şəhərində Beynəlxalq “Salsa” festivalında Azərbaycanı təmsil etmişdir. 2008-ci ildə İstanbul şəhərində I Beynəlxalq “Salsa” Konqresində Azərbaycan nümayəndəsinin rəhbəri kimi iştirak etmişdir. 2008-ci ildə Los-Anceles şəhərində keçirilən Beynəlxalq “Salsa” Konqresində Azərbaycanı layiqincə təmsil etmişdir. 2009-cu ildə Meksikanın Mexiko şəhərində Azərbaycan Mədəniyyəti günlərinə həsr olunmuş konsert proqramında iştirak etmişdir. 2009-cu ildə Macarıstanın Budapeşt şəhərində konsert proqramı ilə solo çıxışlar etmişdir. 2004-2011-ci illərdə Azərbaycan Dövlət Rəqs Ansamblında rəqqas, 2011-2015–ci illərdə Azərbaycan Dövlət Neft FS Akademiyasının “Gənclik” rəqs ansamblının bədii rəhbəri vəzifəsində çalışmışdır. 12 rəqsə quruluş vermişdir. 14.09.2012-ci ildən Azərbaycan Respublikaının Prezidenti Cənab İlham Əliyev tərəfindən Əməkdar artisti adına layiq görülmüşdür. ^[1][5] Hal-hazırda Bakı Xoreoqrafiya Akademiyasının “Milli rəqs” kafedrasının müdiri vəzifəsində çalışır.

1989-1991-cu illərdə “Coşqun” rəqs ansamblında rəqqas, 1991-1992-ci illərdə «Azəri» rəqs ansamblında rəqqas, 1992-1998-ci illərdə Bakı Dövlət “Cəngi” rəqs ansamblında rəqqas, 1998-2000-ci illərdə Azərbaycan Dövlət rəqs ansamblında rəqqas, 2000-2002-ci illərdə Bakı Dövlət “Cəngi” rəqs ansamblında məşqçi, 2002-2004-cü illərdə R.Behbudov adına Dövlət Mahnı Teatrında aparıcı səhnə ustası, 2004-2012-ci illərdə Azərbaycan Dövlət rəqs ansamblında solist – rəqqas, 2011-2015-ci illərdə ADNA-nın <<<Gənclik>> rəqs ansamblının bədii rəhbəri, 2015-ci BXA-nın Milli rəqs kafedrasında baş müəllim, 2015–2021-ci illərdə Bakı Xoreoqrafiya Akademiyasının Milli Rəqs kafedrasının kafedra müdiri, 2021-ci ildən Bakı Xoreoqrafiya Akademiyasının İncəsənət fakültəsinin dekanı, 2023-cü ildən isə BXA-nın dosentidir. 2012-ci ildə Azərbaycan Respublikasının Əməkdar artisti adına layiq görülüb. ^[5][1]

14.09.2012-ci ildən Azərbaycan Respublikaının Prezidenti Cənab İlham Əliyev tərəfindən Əməkdar artisti adına layiq görülmüşdür. ^[1][5]