Səid Camal oğlu Qurbanov (21 dekabr 1928, Səlik, Dağıstan MSSR – 12 mart 2009, Bakı) — SSRİ və Rusiya siyasi və dövlət xadimi, Dərbənd rayon Partiya Komitəsinin birinci katibi (1962, 1966–1971 və 1973–1985), Dağıstan MSSR kənd tədərrüfatı naziri (1971–1973), Dağıstan prezidentinin sabiq müşaviri, Dağıstanda Azərbaycan diasporunun görkəmli nümayəndəsi.[1]
| Səid Qurbanov | |
|---|---|
| 1993 – 1998 | |
| 1962 – 1962 | |
| 1966 – 1971 | |
| 1973 – 1985 | |
| 1971 – 1973 | |
| Şəxsi məlumatlar | |
| Doğum tarixi | 21 dekabr 1928 |
| Doğum yeri | |
| Vəfat tarixi | 12 mart 2009 (80 yaşında) |
| Vəfat yeri | |
| Dəfn yeri | |
| Partiya | |
| Təhsili |
|
| Fəaliyyəti | siyasətçi |
| Təltifləri |
       |
.svg){kind=small}
Səid Camal oğlu Qurbanov 1928-ci il dekabrın 21-də Dərbənd rayonunun Səlik kəndində anadan olub. Uzun illər müxtəlif dövlət vəzifələrində çalışan Səid Qurbanov 1965-ci ildə Dərbənd Rayon İcraiyyə Komitəsinin sədri, 1966-cı ildə isə Dərbənd Rayon Partiya Komitəsinin birinci katibi seçilib.
1971-73-cü illərdə Dağıstanın Kənd Təsərrüfatı naziri olan soydaşımız Səid Qurbanov 1973-cü ildə yenidən Dərbənd rayonunun birinci katibi vəzifəsində çalışıb. O, 1991-1998-ci illərdə Dərbənd rayon Deputatlar Sovetinə sədrlik edib, 1998-ci ildən təqaüdə çıxana kimi isə Dağıstan Prezidentinin müşaviri vəzifəsində çalışıb.
2005-ci ildə təqaüdə çıxan Səid Qurbanov Dağıstan Prezidenti yanında Ağsaqqallar Şurasının üzvü olub. İki dəfə Dağıstan Muxtar Sovet Sosialist Respublikasının deputatı olan soydaşımız həmçinin Dağıstan Respublikası Dövlət Şurasının da üzvü olub.
2009-cu il martın 11-də ürək çatışmazlığı diaqnozu ilə Bakıya gətirilən Səid Qurbanov xəstəxanalardan birinə yerləşdirilib. Həkimlərin cəhdlərinə baxmayaraq, onun həyatını xilas etmək mümkün olmayıb və Səid Qurbanov xəstəxananın reanimasiya şöbəsində vəfat edib. Dağıstanın Dərbənd rayonunun Səlik kəndində torpağa tapşırılıb.[2][3]
- iki dəfə "Lenin" ordeni ilə təltif edilib.
- "Qırmızı əmək bayrağı" ordeni
- "Şərəf nişanı" ordeni
- 6 may 1994-cü ildə Dərbənd bölgəsinin sosial-iqtisadi inkişafına və xalqlar arasında dostluğun möhkəmləndirilməsinə verdiyi böyük şəxsi töhfəyə görə "Xalqlar dostluğu" ordeni ilə təltif edilib.
- 7 mart 1999-cü ildə Rusiya dövləti qarşısında xidmətlərinə, uzun illər vicdanla çalışmasına və xalqlar arasında dostluq və əməkdaşlığın möhkəmləndirilməsinə verdiyi böyük töhfəyə görə 4-cü dərəcəli "Vətənə xidmətə görə" ordeni ilə təltif edilib.
- 9 dekabr 2005-ci ildə prezident İlham Əliyevin sərəncamı ilə Rusiya Federasiyası ilə Azərbaycan Respublikası arasında dostluq və əməkdaşlığın inkişafındakı xidmətlərinə görə Səid Qurbanov "Şöhrət" ordeni ilə təltif edilib.[4]
- 20 dekabr 2008-ci ildə Azərbaycan Respublikası ilə Rusiya Federasiyasının Dağıstan Respublikası arasında qarşılıqlı əlaqələrin inkişafındakı xidmətlərinə görə Azərbaycan Respublikası Prezidentinin Fəxri Diplomu ilə təltif edilib.[5]
- ↑ Нифталиев, Рафик. "Человек с открытой душой". dagpravda.ru (rus). 21 dekabr 2010. 7 oktyabr 2024 tarixində arxivləşdirilib. İstifadə tarixi: 7 oktyabr 2024.
- ↑ azertag.az. "Səid Qurbanov". AZƏRTAC (az.). 13 mart 2009. İstifadə tarixi: 5 fevral 2026.
- ↑ apa.az. "Dağıstan prezidentinin sabiq müşaviri Səid Qurbanov Bakıda vəfat edib". APA (az.). 13 mart 2009. İstifadə tarixi: 5 fevral 2026.
- ↑ azertag.az. "S.C.Qurbanovun "Şöhrət" ordeni ilə təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (az.). 9 dekabr 2005. İstifadə tarixi: 5 fevral 2026.
- ↑ e-qanun.az. "S.C.Qurbanovun "Azərbaycan Respublikası Prezidentinin fəxri diplomu" ilə təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (az.). 20 dekabr 2008. İstifadə tarixi: 6 fevral 2026.