Səhra torpaqları və ya boz torpaqlar — arid və semiarid mühitlərdə ikinci dərəcəli əhəng yığılması ilə formalaşan torpaqlar. Torpaq Resursları üçün Ümumdünya Referans Bazasında (WRB) adı kalsizoldur.[1]
Bu torpaq əsasən allüvial, kollüvial və eol çöküntülərinin əsaslarla zəngin aşınma materialından əmələ gəlir. Səhra torpaqlarının təbii bitki örtüyü seyrəkdir və kserofit kol və ağaclar, o cümlədən efemer otlar üstünlük təşkil edir.
Quruluq, həmçinin daşların və dayaz petrokaltsik layların mövcudluğu bu torpaqların kənd təsərrüfatı üçün yararlılığını məhdudlaşdırır. Səhra torpaqları əgər suvarılırsa, qurudulursa (şoranlaşmanın qarşısını almaq üçün) və gübrə verilirsə müxtəlif növ bitkilər üçün münbit ola bilər. Səhra torpaqlı dağlıq ərazilər əsasən mal-qara, qoyun və keçilərin otarılması üçün istifadə olunur.
Səhra torpaqlarının ümumi sahəsinin təxminən 10 milyon kvadrat kilometr olduğu düşünülür və bu sahənin demək olar ki, hamısı həm şimal, həm də cənub yarımkürələrinin arid və semiarid subtropik bölgələrində yerləşir.
- ↑ IUSS Working Group WRB. "World Reference Base for Soil Resources, fourth edition" (PDF). International Union of Soil Sciences, Vienna. 2022.
- W. Zech, P. Schad, G. Hintermaier-Erhard: Soils of the World. Springer, Berlin 2022, Chapter 8.3.2. ISBN 978-3-540-30460-9
- İ. Ə. Quliyev. Ümumi torpaqşünaslıq və torpaq coğrafiyası. Bakı 2014. 235 s.
- profil şəkilləri (təsnifatla) WRB ana səhifəsi
- profil şəkilləri (təsnifatla) IUSS World of Soils