Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSədaqət Əliyeva
Sədaqət Əliyeva (d. 10 oktyabr 1963, Bakı, Azərbaycan SSR) — Azərbaycan Respublikasının əməkdar mədəniyyət işçisi (2013)[1][2], Azərbaycan Dövlət Mədəniyyət və İncəsənət Universitetinin Elm və yaradıcılıq işləri üzrə prorektoru[3], dosent, "Mədəniyyət dünyası"[4] və "Azərbaycan Dövlət Mədəniyyət və İncəsənət Universitetinin Elmi Əsərləri"[5] adlı məcmuələrin redaktoru.
| Sədaqət Əliyeva | |
|---|---|
| azərb. Sədaqət Ağasəfər qızı Əliyeva | |
| Doğum tarixi | |
| Doğum yeri | SSRİ, Azərbaycan SSR, Bakı |
| Vətəndaşlığı |
 SSRİ→ Azərbaycan |
| Milliyyəti | Azərbaycanlı |
| İxtisası | Sənətşünaslıq |
| Təhsili | |
| Fəaliyyəti | Kulturologiya və onun ümumi məsələləri |
| Mükafatları |
 |
Sədaqət Ağasəfər qızı Əliyeva 10 oktyabr 1963-cü ildə Bakı şəhərində dünyaya göz açmışdır. Ailəlidir. İki övladı var.[6]
Bakı şəhər 190 saylı orta məktəbdə (1971–1981) təhsil alıb. 1985-ci ildə M. Ə. Əliyev adına Azərbaycan Dövlət İncəsənət İnstitutunu fərqlənmə diplomu ilə bitirib. 2006-cı ildə "6219.01 — Kulturologiya və onun ümumi məsələləri" ixtisas şifrində Kulturologiya üzrə fəlsəfə doktoru elmi dərəcəsinə, 2011-ci ildə isə ADMİU-da "dosent" elmi adına layiq görülmüşdür. 2012-ci ildə ADMİU-nun doktoranturasına daxil olmuşdur; "Mədəniyyətdə qadın problemi: tədqiqatların istiqaməti və problematikası" mövzusunda elmi araşdırma üzərində çalışır.[7]
1985-ci ildən gənc mütəxəssis kimi M. Ə. Əliyev adına Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universitetində) Mədəni-maarif işi kafedrasında baş laborant, saathesabı müəllim kimi iş fəaliyyətinə başlayıb. 1997-ci ildən müəllim, 2002-ci ildə baş müəllim, 2007-ci ildən 2021-ci ilədək kafedra müdiri vəzifəsində çalışmışdır. 2021-ci ildən Azərbaycan Dövlət Mədəniyyət və İncəsənət Universitetinin Elm və yaradıcılıq işləri üzrə prorektorudur.[6]
Sədaqət Əliyeva bir monoqrafiya, 3 dərsliyin həmmüəllifi, 4 dərsliyin, bir sıra tədris proqramlarının, 50-dən çox elmi məqalə və tezisin müəllifi, eləcə də respublika, beynəlxalq elmi seminar və konfransların məruzəçisidir.[6]
- ↑ ""Azərbaycan Dövlət Mədəniyyət və İncəsənət Universitetinin əməkdaşlarına fəxri adların verilməsi haqqında" AZƏRBAYCAN RESPUBLİKASI PREZİDENTİNİN SƏRƏNCAMI, 10 dekabr 2013-cü il". 23 sentyabr 2017 tarixində arxivləşdirilib. İstifadə tarixi: 4 dekabr 2022.
- ↑ Mədəniyyət və İncəsənət Universitetinin əməkdaşlarına fəxri adlar verildi — SİYAHI
- ↑ "Nazir prorektoru vəzifəsindən azad etdi — Yeni təyinat". 29 iyun 2023 tarixində arxivləşdirilib. İstifadə tarixi: 4 dekabr 2022.
- ↑ ""Mədəniyyət dünyası" elmi-nəzəri məcmuə". 15 avqust 2022 tarixində arxivləşdirilib. İstifadə tarixi: 4 dekabr 2022.
- ↑ "Azərbaycan Dövlət Mədəniyyət və İncəsənət Universitetinin Elmi Əsərləri". 7 avqust 2022 tarixində arxivləşdirilib. İstifadə tarixi: 4 dekabr 2022.
- ↑ 1 2 3 "ELM VƏ YARADICILIQ İŞLƏRİ ÜZRƏ PROREKTOR". 14 noyabr 2022 tarixində arxivləşdirilib. İstifadə tarixi: 4 dekabr 2022.
- ↑ "KULTUROLOGİYA" KAFEDRASININ MÜDİRİ[ölü keçid]