Səadət Əliyeva (13 sentyabr 1986, Bakı) — azərbaycanlı alim, filologiya üzrə fəlsəfə doktoru, Azərbaycan Universitetinin rektoru.[1]
| Səadət Əliyeva | |
|---|---|
| Səadət Namiq qızı Əliyeva | |
 | |
Vəzifədədir | |
| 13 mart 2017-ci ildən | |
| Əvvəlki | Fərid Əhmədov |
| Şəxsi məlumatlar | |
| Doğum tarixi | 13 sentyabr 1986 (38 yaş) |
| Doğum yeri | |
| Milliyyəti | Azərbaycanlı |
| Vətəndaşlığı |
 Azərbaycan |
| Təhsili | |
| Fəaliyyəti | alim |
| Uşağı | 4 |
| Elmi fəaliyyəti | |
| Elm sahəsi | Britaniya uşaq ədəbiyyatı |
| Elmi dərəcəsi |
|
|
|
|
| Təltifləri |
  |
Səadət Əliyeva 1986-cı il 13 sentyabrda Bakı şəhərində anadan olmuşdur. 1993–2001-ci illərdə Nəsirəddin Tusi adına ingilisdilli gimnaziyada təhsil almışdır. 2004-cü ildə Binəqədi rayonu 144 nömrəli məktəbi bitirmişdir.[1]
2008-ci ildə Azərbaycan Universitetinin bakalavriat səviyyəsini Filologiya (ingilis dili müəllimi) ixtisası üzrə fərqlənmə diplomu ilə məzun olmuşdur. 2011-ci ildə Azərbaycan Universitetinin magistratura səviyyəsini Dilşünaslıq (ingilis dili) ixtisası üzrə fərqlənmə diplomu ilə bitirmişdir. 2013–2017-ci illərdə Azərbaycan Universitetində "Dünya ədəbiyyatı" ixtisası üzrə dissertantura təhsili almışdır. Filologiya üzrə fəlsəfə doktoru elmi dərəcəsi almaq üçün 2017-ci ildə "Britaniya uşaq ədəbiyyatının inkişaf istiqamətləri" mövzusunda dissertasiya işini yekunlaşdırmışdır. 2023-cü ildə filologiya üzrə fəlsəfə doktoru elmi dərəcəsini almışdır.[1][2]
İngilis, alman və rus dillərini bilir.
Ailəlidir, dörd övladı var.
Səadət Əliyeva əmək fəaliyyətinə 2008-ci ildə Azərbaycan Universitetində başlamışdır. 2008–2009-cu illər arasında kafedrasında laborant, 2009–2013-cü illər arasında kafedrasında müəllim vəzifəsində çalışmışdır. 2012-ci ildə Böyük Britaniyanın Ardinqli Kollecində elmi tədqiqat ilə məşğul olmuşdur. 2013–2017-ci illərdə kafedrasında müdir müavini olaraq fəaliyyət göstərmişdir. 13 mart 2017-ci ildən Azərbaycan Universitetinin rektorudur.[1][3]
Səadət Əliyevanın əsas tədqiqat sahəsi Britaniya uşaq ədəbiyyatına yönəlmişdir. O "İpək yolu" və "Çağlayan" jurnalının baş redaktoru və Midlseks Universiteti tərəfindən çap olunan "Children's Literature in Education Journal"ının redaksiya heyətinin üzvüdür.[1]
- Britaniya uşaq ədəbiyyatı (Ş. Xəlilli ilə birlikdə), Dərs vəsaiti, Bakı, 2018. 435 s.[4]
- Robert Börns: Şeir, nəğmə körpüsü və sözlə hörülmüş dünya, (Ş. Xəlilli ilə birlikdə) Dərs vəsaiti, Bakı, 2019, 376 s.[5][6]
- Britaniya uşaq folkloru (Ş. Xəlilli ilə birlikdə), Dərs vəsaiti, Bakı, 2021, 316 s.[7]
- Amerika uşaq ədəbiyyatı (Ş. Xəlilli ilə birlikdə), Dərs vəsaiti, Bakı, 2025, 416 s.[8][9][10]
- Təhsil Nazirliyinin əmri ilə "Bakı Dövlət Universitetinin 100 illiyi (1919–2019)" Azərbaycan Respublikasının yubiley medalı, 2019[11]
- Təhsil Nazirliyinin əmri ilə Azərbaycan Universitetinin 30 illiyi münasibətilə "Azərbaycan Respublikası qabaqcıl təhsil işçisi döş nişanı", 2021[12]
- Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin Rəyasət Heyətinin qərarı ilə ATİAHİ-nin yaradılmasının 100 illiyi münasibətilə həmkarlar ittifaqı hərəkatında xidmətlərinə görə "Yubiley döş nişanı", 2022[13]
- Elm və Təhsil naziri Emin Əmrullayevin 26 oktyabr 2023-cü il tarixli əmrinə əsasən "Azərbaycan Dövlət Pedaqoji Universitetinin 100 illiyi (1921–2021)" Azərbaycan Respublikasının yubiley medalı, 2023[14]
- 2025-ci ildə Özbəkistanın Mamun Universitetinin Elmi Şurasının qərarı ilə Səadət Əliyevaya universitetdə tədris prosesinin təkmilləşdirilməsi, beynəlxalq əlaqələrin genişləndirilməsi, peşəkar heyətin hazırlanması istiqamətində səyləri və təhsil sisteminin inkişafına verdiyi töhfələri nəzərə alaraq, həmçinin onun elm və təhsil sahəsində əldə etdiyi uğurlara əsasən bu ali məktəbin fəxri professoru adı verilmişdir.[15][16][17]
- ↑ 1 2 3 4 5 "Səadət Namiq qızı Əliyeva | Azərbaycan Universiteti". au.edu.az (az.). 2022-12-06 tarixində arxivləşdirilib. İstifadə tarixi: 2023-09-11.
- ↑ "Rektorlar haqqında nə bilirik? - Səadət Əliyeva..." azedu.az. İstifadə tarixi: 6 iyn 2025.
- ↑ "31 yaşlı rektor Səadət Əliyeva". Milli.Az (az.). 2017-03-14. 2017-03-17 tarixində arxivləşdirilib. İstifadə tarixi: 2023-09-11.
- ↑ ""Britaniya uşaq ədəbiyyatı" kitabı çapdan çıxıb". AzərTAC. İstifadə tarixi: 12 dekabr 2022.
- ↑ "Azərbaycan Universitetinin rektoru Səadət Əliyevanın yeni kitabı çap olunub | Azərbaycan Universiteti". au.edu.az (az.). 2022-12-12 tarixində arxivləşdirilib. İstifadə tarixi: 2023-09-11.
- ↑ "Azərbaycan Universitetinin rektoru Səadət Əliyevanın yeni kitabı çap olunub". Trend.Az (az.). 2019-07-05. 2022-12-12 tarixində arxivləşdirilib. İstifadə tarixi: 2023-09-11.
- ↑ "Rektor Səadət Əliyevanın həmmüəllifi olduğu dərs vəsaiti nəşr olunub | Azərbaycan Universiteti". au.edu.az (az.). 2022-12-12 tarixində arxivləşdirilib. İstifadə tarixi: 2023-09-11.
- ↑ "Azərbaycan Universiteti rektorunun yeni kitabı çapdan çıxdı". azedu.az. İstifadə tarixi: 6 iyn 2025.
- ↑ "Səadət Əliyevanın həmmüəllif olduğu "Amerika uşaq ədəbiyyatı" adlı yeni dərs vəsaiti çap olunub". qafqazinfo.az. İstifadə tarixi: 6 iyn 2025.
- ↑ ""Amerika uşaq ədəbiyyatı" – tələbələr üçün yeni dərs vəsaiti". medeniyyet.info.az. İstifadə tarixi: 6 iyn 2025.
- ↑ "Azərbaycan Universitetinin rektoru Səadət Əliyeva təltif olunub". Trend.Az (az.). 2020-01-08. 2020-01-08 tarixində arxivləşdirilib. İstifadə tarixi: 2023-09-11.
- ↑ "Təhsil naziri Azərbaycan Universiteti əməkdaşlarının təltif edilməsi barədə əmr imzalayıb | Azərbaycan Universiteti". au.edu.az (az.). İstifadə tarixi: 2023-09-11.
- ↑ "Rektor Səadət Əliyeva təltif olunub | Azərbaycan Universiteti". au.edu.az (az.). İstifadə tarixi: 2024-01-16.
- ↑ https://www.au.edu.az/az/news/azerbaycan_universitetinin_rektoru_yubiley_medali_ile_teltif_olunub_2024 (#bare_url_missing_title). 2024-02-20 tarixində arxivləşdirilib. İstifadə tarixi: 2024-02-20.
- ↑ "Azərbaycan Universitetinin rektoru Özbəkistanın Mamun Universitetinin fəxri professoru adına layiq görülüb". azertag.az. İstifadə tarixi: 6 iyn 2025.
- ↑ "Səadət Əliyeva fəxri professor adına layiq görülüb". azedu.az. 2025-04-30 tarixində arxivləşdirilib. İstifadə tarixi: 6 iyn 2025.
- ↑ "Azərbaycan Universitetinin rektoru Özbəkistandakı universitetin fəxri professorudur". medeniyyet.info.az. İstifadə tarixi: 6 iyn 2025.