Şinto Kəndi Sırğa Muzeyi (榛東村耳飾り館, Şinto-mura Mimikazarikan?) – Yaponiyanın Qunma prefekturasının Şinto kəndində yerləşən muzey. Dünyada sırğaya həsr olunmuş yeganə muzeydir.
| Sırğa Muzeyi | |
|---|---|
 | |
 | |
| Açılış tarixi | 1992 |
| Mövzu | sırğa |
| Ölkə | |
| Yerləşir | Şinto[d] |
| 36°27′01″ şm. e. 138°58′11″ ş. u.HGYO | |
| vill.shinto.gunma.jp/mim… | |
1989–1990-cı illərdə Şinto Kəndi Təhsil Şurası tərəfindən Çino xarabalıqlarında qazıntı işləri aparmışdır. Tədqiqatlar zamanı ərazidən Comon dövrünə aid daş alətlər, dulusçuluq məmulatları, ayinlərdə istifadə olunmuş əşyalar tapılmışdır. Tapıntılar arasında sırğalar üstünlük təşkil etmiş, 577 sırğa tapılmışdır. Muzey qazıntı işlərinin nəticələrini göstərmək və sırğaları nümayiş etdirmək məqsədilə 1992-ci ildə yaradılmışdır. 2001-ci ildə muzeyin eksponatları Britaniya Muzeyindəki "Şinto" sərgisində nümayiş etdirilmişdir.[1]
Ekspozisiyanın əsasını Comon dövrünün sırğaları təşkil etsə də, burada dünyanın müxtəlif ölkələrindən gətirilmiş sırğalar da sərgilənir.[1] Muzeyin kolleksiyasına 2000 sırğa daxildir və onların 1000-i sərgilənir.[2] Muzeyin emalatxanasında maqatama və boyunbağı hazırlama vorkşopları keçirilir.[1]
Muzeyin daimi sərgi zalı üç bölmədən ibarətdir: "Müasir dövr", "Tarix" və "Comon". "Müasir dövr" bölməsindən digər ölkələrə aid sırğalar sərgilənir, sırğalar haqqında faktlar təqdim olunur. Burada Dünya Sırğa Kitabxanası yerləşir. "Tarix" bölməsi sırğaların tarixinə və mənşəyinə həsr olunmuşdur. "Comon" bölməsində Comon dövrünə aid sırğalarla yanaşı, gil heykəlciklər, daş alətlər və digər əşyalar sərgilənir. Burada Çino xarabalıqlarının tarixinə aid videolar və geoloji nümunələr göstərilir.[1]
- ↑ 1 2 3 4 "Ana səhifə". Muzeyin rəsmi saytı (yaponca). 25 sentyabr 2024 tarixində arxivləşdirilib. İstifadə tarixi: 25 sentyabr 2024.
- ↑ "群馬）群馬・榛東村の耳飾り専門博物館". Asahi (yaponca). 1 fevral 2020. 25 sentyabr 2024 tarixində arxivləşdirilib. İstifadə tarixi: 25 sentyabr 2024.
- vill.shinto.gunma.jp/mimikazari/index.html — rəsmi saytı