Sürhüllü (sürfüllü, sürhü, sürfü) — Azərbaycanın şimal-qərb zonasına, əsasən Qax (İlisu, Sarıbaş, Ağçay, Qum, Qaşqaçay), Zaqatala ( Yeni Suvagil, Dağlı, Mamrux, Gözbarax və eləcə də digər Saxur kəndləri) vəBalakən rayonlarına məxsus xəmir xörəyi.
Əsasən Saxur milli mətbəxində daha önə çıxan xəmir xörəyidir. Saxurlar bu xörəyə öz ana dillərində"Hınkıli" deyirlər. Azərbaycanlılarla yanaşı ləzgilər, saxurlar, avarlar, laklar, ingiloylar da bu yeməyi hazırlayır.[1]
Sürhüllü yeməyi əsasən qış aylarında, əvvəlcədən tədarük edilmiş qaxac ətindən və içnovurdan istifadə edilərək bişirilir. Həmçinin xüsusi dad verilməsi üçün sarımsaq və turşudanda istifadə olunur. Sürhüllü xəmir xörəyi olmaqla iki formada bişirilir: Qurudulmuş ətlə və təzə ətlə. Əsasən qoyun ətindən istifadə edilir. Bu yaylaq-qışlaq köçləri eləcə də coğrafi köçlər zamanı ətin xarab olmaması zərurətindən yaranmış bir üsuldur. Yeməyin adı "sürtmək", "sürhüləmək" feilindən gəlir.
- ↑ II. ULUSLARARASI DEVELİ - ÂŞIK SEYRÂNÎ VE TÜRK KÜLTÜRÜ KONGRESİ 3 KİTAP (PDF). 2019. 213. ISBN 978-605-68076-6-4. 25 yanvar 2025 tarixində arxivləşdirilib (PDF). İstifadə tarixi: 25 yanvar 2025.