Əs-Sünən (ərəb. السنن) — Darəqutninin özündə çoxsaylı qüsurlu hədislər ehtiva edən əhkamla bağlı hədis kitabı.
| Sünən əd-Darəqutni | |
|---|---|
| ərəb. سُنَنُ الدَّارَقُطْنِيّ | |
| Müəllif | Darəqutni |
| Janr | hədis |
| Orijinalın dili | ərəb dili |
Digər sünənlərdən fərqli olaraq, əhkamla bağlı illətli (qüsurlu) hədisləri, onların arasındakı fərqləri və nöqsanları ortaya çıxarmaq məqsədilə yazılmış bu əsərdə səhih, həsən, zəif və mövzu (uydurma) olmaqla hər cür hədisə yer verilmişdir. Hətta bəzi bölmələrində heç bir məqbul (qəbul edilən) hədisə rast gəlinmədiyi müşahidə edilmişdir.
"Əs-Sünən" əsəri iyirmi üç kitab daxilində təxminən 5687 mərfu, məvquf və məqtu hədis ehtiva etməkdədir. Darəqutni bunlardan bəzilərinin səhhət dərəcəsini açıqlamış, çoxu haqqında isə heç bir şey qeyd etməmişdir.[1] Əsər sonrakı dövrlərə Darəqutninin tələbələri vasitəsilə gəlib çatmışdır. Lakin tələbələrinin nəqlləri arasında da ziddiyyətlər mövcuddur. Bu ziddiyyətlərə Əbu Tahirin rəvayətində "Kitab əs-Səbaq"ın əskik olmasını misal çəkmək olar.[2]
"Əs-Sünən" üzərində müxtəli elmi tədqiqat işləri həyata keçiriliş (Dehli: 1910; ər-Riyad: 1991; Beyrut: 1986 və s.) və əsər türk dilinə tərcümə edilmişdir.[3][4]
- ↑ Darəqutni. Əs-Sünən (ərəb). I–V. Beyrut. 2003.
- ↑ Aydınlı, Abdullah. "es-Sünen". TDV İslâm Ansiklopedisi. 2010. 6 fevral 2026 tarixində arxivləşdirilib. İstifadə tarixi: 6 fevral 2026.
- ↑ Əbu Quddə, Əbdülfəttah. Sünnet Kavramının Hukukî Anlamı ve Dârekutnî’nin Sünen’i Üzerine Bir İnceleme (türk). Dəmirəl, Harun Rəşid tərəfindən tərcümə olunub.
- ↑ "Sünnet İfadesinin Dini Anlamı ve Dârekutnî'nin Sünen'inin Konumu". Usûl: İslam Araştırmaları. 5: 77–108. 2006.