Süleyman Mikayılov (tam adı: Süleyman Surxay oğlu Mikayılov; 27 aprel 1962) — Lənkəran Şəhər İcra Hakimiyyətinin başçısı (2005–2010), Qaradağ Rayon İcra Hakimiyyətinin başçısı (2010–2026).
| Süleyman Mikayılov | |
|---|---|
 | |
| 4 mart 2010 – 30 yanvar 2026 | |
| Əvvəlki | Hüseyn İsrafilov |
| 21 dekabr 2005 – 4 mart 2010 | |
| Əvvəlki | Zeynal Nağdəliyev |
| Sonrakı | Tofiq İbrahimov |
| 13 may 2005 – 21 dekabr 2005 | |
| Əvvəlki | Yaşar Abdulov |
| Sonrakı | Qəzənfər Ağayev |
| Şəxsi məlumatlar | |
| Doğum tarixi | 27 aprel 1962 (63 yaş) |
| Təhsili | |
| Fəaliyyəti | dövlət xadimi, boksçu |
Süleyman Mikayılov 1962-ci ildə aprelin 27-də anadan olub. 1979-cu ildə Naxçıvan şəhər 2 saylı orta məktəbini, 1984-cü ildə Azərbaycan Dövlət Bədən Tərbiyəsi İnstitutunu, 2004-cü ildə isə Bakı Dövlət Universitetinin Hüquq fakültəsini bitirmişdir.
1979-cu ildə Naxçıvan şəhər Uşaq idman məktəbində məşqçi kimi əmək fəaliyyətinə başlayıb. 1984–1994-cü illərdə Naxçıvan şəhər orta ixtisas musiqi məktəbində bədən tərbiyəsi rəhbəri, 1994–1995-ci illərdə "Səma" kiçik müəssisəsinin direktoru işləyib.
1995–1999-cu illərdə Bakı Baş Gömrük İdarəsinin Qaçaqmalçılıq və Gömrük Qaydalarının Pozulmasına Qarşı Mübarizə şöbəsinin rəisi, idarə rəisinin birinci müavini, idərənin rəisi vəzifələrində çalışıb.
1999–2001-ci ildə Dövlət Gömrük Komitəsinin İşlər İdarəsi rəisinin müavini, bir müddət Vergilər Nazirliyinin Operativ Nəzarət İdarəsinin rəisi işləyib.
Ailəlidir, iki övladı var.
2005-ci ildə Yardımlı Rayon İcra Hakimiyyətinin başçısı, 2005–2010-cu illərdə isə Lənkəran Şəhər İcra Hakimiyyətinin başçısı vəzifələrində çalşıb.
Azərbaycan Respublikası Prezidentinin 4 mart 2010-cu il tarixli Sərəncamı ilə Bakı şəhəri Qaradağ Rayon İcra Hakimiyyətinin başçısı təyin edilib.
30 yanvar 2026-cı ildə Qaradağ Rayon İcra Hakimiyyətinin başçısı vəzifəsindən azad edilib[1].
2003-cü ildən Azərbaycan Respublikası Boks Federasiyasının vitse prezidentidir.[mənbə göstərilməlidir]
3 noyabr 2010-cu ildən 2014-cü ilə qədər Beynəlxalq Boks Assosiasiyasının İcraiyyə Komitəsinin üzvü olub.[2][3]
16 aprel 2015-ci ildən etibarən Avropa Boks Konfederasiyasının İcraiyyə Komitəsinin üzvü olub.[4]
- ↑ "S.S.Mikayılovun Bakı şəhəri Qaradağ Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 30 yanvar 2026.
- ↑ "Вице-президент Федерации бокса Азербайджана Сулейман Микаилов избран членом Исполнительного комитета AIBA". azertag.az (rus). İstifadə tarixi: 30 yanvar 2026.
- ↑ Vzglayd.az. "Вице-президент федерации бокса Азербайджана переизбран в Исполком AIBA". https://vzglyad.az (rus). 2018. İstifadə tarixi: 30 yanvar 2026.
- ↑ "[b]Сулейман Микаилов избран членом Исполнительного комитета Европейской конфедерации бокса[/b]". Vesti.az (rus). İstifadə tarixi: 30 yanvar 2026.