Vikipediya ?

Süleyman İsmayılov

Süleyman İsmayılov (azərb. İsmayılov Süleyman Abbas oğlu‎; d. 14 iyul 1957, Babək rayonu, Nehrəm) - Azərbaycan Respublikası Prezidentinin Administrasiyasının Sənədlərlə və vətəndaşların müraciətləri ilə iş şöbəsinin müdiri, 1-ci dərəcəli dövlət müşaviri

Süleyman İsmayılov
Süleyman Abbas oğlu İsmayılov
Süleyman İsmayılov.jpg
bayraq Azərbaycan Respublikası Prezidenti Administrasiyasının Sənədlərlə və vətəndaşların müraciətləri ilə iş şöbəsinin müdiri bayraq
19 iyul 2005 — indiyə kimi
Doğum tarixi 14 iyul 1957 (1957-07-14) (61 yaş)
Doğum yeri Babək rayonu, Nehrəm kəndi

Təltifləri "Şöhrət" ordeni (Azərbaycan) — 2017 II dərəcəli "Vətənə xidmətə görə" ordeni — 2012

Mündəricat

Həyatı

Süleyman İsmayılov 14 iyul 1957-ci ildə Babək rayonunun Nehrəm kəndində anadan olmuşdur. Simferopol Ali Siyasi İnşaat Məktəbini və Azərbaycan Dövlət Universitetinin hüquq fakültəsini bitirmişdir.

1982-ci ildə 26 Bakı Komissarı adına Rayonu 236 nömrəli orta məktəbdə müəllim, 1982-1986-cı illərdə Azərbaycan LKGİ 26 Bakı Komissarı adına Rayon Komitəsində təlimatçı, 1986-1991-ci illərdə 26 Bakı Komissarı adına Rayon Xalq Nəzarəti Komitəsində təlimatçı-müavin, 1991-ci ilin may-sentyabr aylarında 26 Bakı Komissarı adına Rayon Partiya Komitəsində təlimatçı, 1991-1992-ci illərdə Bakı "Spessistemservis" İstehsalat sahəsində hüquq məsləhətçisi, 1992-1994-cü illərdə Naxçıvan MR-nin Bakı şəhərindəki Daimi Nümayəndəliyində mütəxəssis, baş mütəxəssis-müavin, 1994-1996-cı illərdə Azərbaycan Respublikası Prezidentinin İşlər İdarəsinin Ümumi şöbəsində Ümumi sektorun müdiri vəzifələrində çalışmış, 1996-cı ildə Heydər Əliyevin imzaladığı sərəncamla Azərbaycan Respublikası Prezidentinin İcra Aparatının Ümumi şöbəsinin müdiri təyin edilərək, 2005-ci ilədək həmin vəzifədə işləmişdir.

Azərbaycan Respublikası Prezidenti İlham Əliyevin 19 iyul 2005-ci il tarixli Sərəncamı ilə Azərbaycan Respublikası Prezidentinin Administrasiyasının Sənədlərlə və vətəndaşların müraciətləri ilə iş şöbəsinin müdiri təyin edilmişdir.

Süleyman İsmayılov Azərbaycan Respublikası Prezidentinin 12 mart 1999-cu il tarixli Sərəncamı ilə Azərbaycan Respublikasının Prezidenti yanında Vətəndaşlıq Məsələləri Komissiyasının üzvü, Azərbaycan Respublikası Prezidentinin 14 may 1999-cu il tarixli Sərəncamı ilə Azərbaycan Respublikası Prezidentinin Administrasiyasında Sənədlərin Ekspertizası və Arxiv İşi üzrə Komissiyanın sədri təyin edilmişdir.

Azərbaycan Respublikası Prezidentinin 1 oktyabr 2001-ci il tarixli Fərmanı və 20 fevral 2018-ci il tarixli Sərəncamı ilə Azərbaycan Respublikasının Dövlət Qulluğunu İdarəetmə Şurasının üzvü təyin edilmişdir.

Elmi fəaliyyəti

Heydər Əliyevin fəaliyyəti, sənədlərlə və vətəndaşların müraciətləri ilə iş, dövlət qulluğu mövzularında bir neçə kitabın və çoxsaylı məqalələrin müəllifidir.

Orden və fəxri adları

Dövlət qulluğunda səmərəli fəaliyyətinə görə Süleyman İsmayılov Azərbaycan Respublikası Prezidentinin sərəncamları ilə 22 iyun 2012-ci ildə 2-ci dərəcəli "Vətənə xidmətə görə", 13 iyul 2017-ci ildə "Şöhrət" ordenləri ilə təltif edilmişdir.

Ailə vəziyyəti

Evlidir. İki övladı və iki nəvəsi var.

Həmçinin bax

İstinadlar

  1.  (azərb.). president.az (2014).

Xarici keçidlər

  • Xaqani Səfəroğlu.  (azərb.). modern.az (10.04.2012).
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18