Bu məqalənin ensiklopedik tələblərə cavab vermədiyinə dair şübhələr var. |
Süleyman İsmayılbəyli (azərb. İsmayılbəyli Süleyman Nəbi oğlu;6 noyabr 1977, Yevlax) — Azərbaycan Respublikasının əməkdar jurnalisti
| Süleyman İsmayılbəyli | |
|---|---|
| Süleyman Nəbi oğlu İsmayılbəyli | |
| Doğum tarixi | |
| Doğum yeri | Azərbaycan, Yevlax |
| Vətəndaşlığı |
 Azərbaycan |
| Milliyyəti | Azərbaycanlı |
| İxtisası | Jurnalistika |
| Təhsili | Bakı Avrasiya Universitetinin jurnalistika fakültəsi |
| Fəaliyyəti | “Neytral”, “Teleskop”, “Hürriyyət”, “Şans", “Yeni Azərbaycan”, “İki sahil”, "Olaylar" qəzetləri |
| Fəaliyyət illəri | 1997 - bu günədək |
| Mükafatları |
 |
İsmayılbəyli Süleyman Nəbi oğlu 1977-ci il, noyabr ayının 6-da Yevlax şəhərində anadan olub. 1985-ci ildə Yevlax şəhəri, 5 saylı orta məktəbin 1-ci sinfinə daxil olub.1995-cı ildə Yevlax şəhərindəki Nizami adına 7 saylı orta məktəbi bitirib. Bakı Avrasiya Universitetinin jurnalistika fakultəsini bitirib. Ali təhsil aldığı ilk illərdən jurnalistika fəaliyyətinə marağı olub və 1997-ci ildən başlayaraq ölkədə işıq üzü görən bir sıra kütləvi informasiya vasitələri, “Neytral”, “Teleskop”, “Hürriyyət”, “Şans” qəzetləri ilə əməkdaşlıq edib.
Ailədir.İki övladı var.Nadir İsmayılovun qardaşıdır.
1998-ci ilin yanvar ayından 2001-ci ilin dekabr ayına qədər “Gün” qəzetində müxbir vəzifəsində çalışıb. 2001-ci ilin yanvar ayının 6-dan dekabr ayının 26-dək “Diaspor” jurnalında müxbir vəzifəsində çalışıb. Bu illər ərzində həmçinin “Yeni Azərbaycan” qəzeti və “İki sahil” qəzetləri ilə əməkdaşlıq edib. 02.01.2003-cü il tarixindən bu günə qədər “OLAYLAR” qəzetində müxbir olaraq çalışır. Qəzetin Prezident Administrasiyasına akkreditə olunmuş jurnalisti kimi Ümummilli lider Heydər Əliyev və Prezident İlham Əliyevlə mətbuat nümayəndəsi kimi bir sıra ölkədaxili səfərlərdə iştirak edib. Jurnalist kimi fəaliyyət göstərdiyi illər ərzində bir sıra müsabiqələrin qalibi olub, müxtəlif dövlət qurumları, nazirlik və komitələr tərəfindən ayrı-ayrı vaxtlarda təltif edilib. Azərbaycan diasporu, onun keçdiyi yol, ayrı-ayrı ölkələrdə fəaliyyət göstərən diaspor təşkilatlarının Azərbaycan adına gördükləri işlərin ictimaiyyətə doğru və düzgün çatdırılmasından dolayı bir sıra diaspor təşkilatları tərəfindən diplom və fəxri fərmanlarla təltif edilib.[1] Ermənistanın Azərbaycana qarşı təcavüzü, xalqımıza qarşı törədilən soyqırımlarla Yunanıstan, Misir, İordaniya, Əlcəzairin KİV-lərində müxtəlif vaxtlarda məqalələri dərc edilib. Newscenter.az saytının redaktorudur.
- 2013-cü ildə Azərbaycan Respublikasının Prezidenti İlham Əliyev tərəfindən jurnalistlər üçün tikilmiş binadan mənzillə təmin edilib.
- Milli Mətbuatın 145 illiyi ərəfəsində, 2020-ci il, iyul ayının 22-də Prezident İlham Əliyevin imzaladığı sərəncam əsasında “Əməkdar jurnalist” fəxri adına layiq görülüb.[2]
- ↑ Jurnalist Süleyman İsmayılbəyli mükafatlandırılıb
- ↑ "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-12-26 tarixində arxivləşdirilib. İstifadə tarixi: 2021-02-08.