Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRzaqulu İsmayıl oğlu Həsənov (8 mart 1895, Quba – 30 yanvar 1939, Vladivostok) — Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən biri.[1]
| Rzaqulu Həsənov | |
|---|---|
| Rzaqulu İsmayıl oğlu Həsənov | |
 | |
| Doğum tarixi | |
| Doğum yeri | Quba, Rusiya imperiyası |
| Vəfat tarixi | |
| Vəfat yeri | Vladivostok, Primorsk diyarı, RSFSR, SSRİ |
| Vətəndaşlığı |
 Rusiya imperiyası AXC |
| Milliyyəti | azərbaycanlı |
| İxtisası | Dağ mühəndisi |
| Təhsili | Frayberq Dağ-Mədən Ali Məktəbi |
Rzaqulu Həsənov 8 mart 1895-ci ildə Quba qəzasının Şıxhəzi kəndində anadan olmuşdur.
1912-ci ildən Bakı Orta Mexanika-İnşaat-Texniki Məktəbinin yuxarı hazırlıq siniflərinə daxil olmuş, 2 may 1917-ci ildə məktəbin pedaqoji şurasının verdiyi attestata görə mexanika bölməsi (özəlliklə neft sənayesi işi) üzrə elmlərin tam kursunu bitirmiş və texnik rütbəsi almışdır.
Ali təhsil almaq məqsədilə Moskva Ali Mühəndis Məktəbinə daxil olmuşdur. Lakin 1917-ci ilin fevralından sonra Rusiyada yaranmış siyasi qarışıqlıq və qeyri-xristianlara qarşı təzyiqlər səbəbindən Bakıya dönmüşdür.
Azərbaycan Xalq Cümhuriyyəti Hökumətinin 1919-cu il 1 sentyabr tarixli qərarına əsasən, təhsilini davam etdirmək üçün Frayberq Universitetinə (Almaniya) göndərilmişdi. 17 aprel 1920-ci ildə 533 nömrəli aktla Frayberq Dağ-Mədən Ali Məktəbinə qəbul edilmişdir. Təhsilini burada 19 dekabr 1924-cü ildə başa vuraraq Dağ mühəndisi diplomunu əldə etmişdir. 1925-ci ildə Azərbaycana qayıtmışdır.
"Neftçala" trestində mədən rəisi işləyib. 23 avqust 1937-ci ildə 5 il iş alaraq həbs edilib.
Rəsmi sənədlərdə göstərilir ki, “Dalstroy” islah əmək düşərgəsində cəza çəkərkən 30 yanvar 1939-cu ildə Vladivostokda vəfat etmişdir.
- Ədalət Tahirzadə; Tahirli Oğuztoğrul. Azərbaycan Cümhuriyyəti tələbələri. (Tarixi arayış, bəlgələr, yaşamlar). Bakı: TEAS Press, 2016. — ISBN 978-9952-494-55-6. — s. 618–623.
- ↑ "Azərbaycan Xalq Cümhuriyyəti Ensiklopediyası. İki cildə. I cild. Bakı: Lider nəşriyyatı, 2004, s. 427" (PDF). 13 oktyabr 2020 tarixində arxivləşdirilib (PDF). İstifadə tarixi: 3 mart 2018.