Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRyukiçi İnada (稲田 龍吉, İnada Ryukiçi?, 19 mart 1874, Naqoya – 27 fevral 1950) – Yaponiya həkimi, onkoloqu və bakterioloqu. Leptospiroz xəstəliyinin törədicisini kəşf etmişdir.
| Ryukiçi İnada | |
|---|---|
| yap. 稲田 龍吉[1] | |
 | |
| Doğum tarixi | |
| Doğum yeri | |
| Vəfat tarixi | |
| Təhsili | |
| Fəaliyyəti | həkim, onkoloq, bakterioloq |
| Üzvlüyü |
|
| Mükafatları |
 |
 Vikianbarda əlaqəli mediafayllar | |
Ryukiçi İnada 1874-cü ildə Yaponiyanın Ayçi prefekturasında doğulmuşdur.[3] 1900-cü ildə Tokio Universitetinin Tibb Məktəbindən məzun olmuş,[4] Aoyama Tanemiçinin şagirdi olmuşdur.[3] 1902-ci ildə Almaniyaya getmiş və 3 il ürək xəstəlikləri üzrə təhsil almışdır.[5] Fukuoka Universitetinin professoru olmuşdur. 1918-ci ildə Tokio Universitetinə keçmişdir.[3]
Ryukiçi İnada leptospiroz xəstəliyinin törədicisini kəşf etməsinə görə tanınır. O, xəstəliyin törədicisini tapmaq üçün 1908-ci ildə araşdırmalara başlamış, 1913-cü ilin iyununda leptospiroz xəstələrinin qanı ilə peyvəndlənmiş qvineya donuzlarında törədicini axtarmış, nəhayət, 1914-cü ilin noyabrında törədici bakteriyanı kəşf etmişdir. İnada 20 yanvar 1915-ci ildə Kyuşu İmperator Universiteti Tibb Məktəbinin 54-cü görüşündə həmkarı Yutaka İdo birlikdə xəstəliyin törədicisini kəşf etdiyini açıqlamış, 13 fevral 1915-ci ildə törədici orqanizm haqqında – Spirochaeta cinsinin yeni növü haqqında ilk elmi məqaləni nəşr etdirmişdir.[6] Bu kəşfinə görə 1916-cı ildə Yaponiya Akademiyasının İmperator Mükafatını qazanmışdır.[3] 1919-cu ildə Tibb üzrə Nobel mükafatına namizəd göstərilmişdir.[4]
1918-ci ildə Tokio Universitetinə keçdikdən sonra qripi və daxili xəstəlikləri öyrənmişdir.[3] Universitetdə daxili xəstəliklər kafedrasının professoru olmuşdur.[4] Koraku xəstəxanasının direktoru olmuş, İkinci Dünya müharibəsi illərində Yaponiya Tibb Assosiasiyasının və yeni yaradılmış Yaponiya Tibbi Qayğı Qrupunun prezidentliyini etmişdir. 1944-cü ildə "Mədəniyyət" ordeni ilə təltif olunmuşdur.[3] 1950-ci ildə beyin xərçəngindən ölmüşdür.[4]
Kyuşu Universitetində bürünc büstü yerləşir.[4]
- ↑ Japan Search (yap.). 2020.
- ↑ 1 2 Deceased Members: I,J | The Japan Academy.
- ↑ 1 2 3 4 5 6 Kodansha Encyclopedia of Japan. səh. 282
- ↑ 1 2 3 4 5 "Statue of Dr. Ryukichi Inada". Kyuşu Universiteti (ingiliscə). İstifadə tarixi: 23 oktyabr 2025.
- ↑ Hattori, Yuichi. "The large part German medicine has played in the development of experimental pharmacology in Japan". Naunyn-Schmiedeberg's archives of pharmacology. 396 (1). 2023. İstifadə tarixi: 23 oktyabr 2025.
- ↑ Kobayaşi, Yuzuru. "Discovery of the causative organism of Weil's disease: historical view". J Infect Chemother (ingiliscə). 7 (1). mart 2001: 10–15. doi:10.1007/s101560170028. PMID 11406751.
- Kodansha Encyclopedia of Japan (ingiliscə). III cild (G–I). Tokio: Kodansha. 1983. səh. 282. ISBN 0-87011-623-1. İstifadə tarixi: 23 oktyabr 2025.