Ryomin

Ryomin (良民, Ryo:min^?, hərf. "nəcib insanlar") — Yaponiyanın VIII–X əsrlərdə, Nara və Heyan dövrlərində mövcud olmuş qədim "hüquq qaydaları" sistemində formalaşmış əhali qrupu.

Ryominlər "aşağı təbəqədən olan insanlar" kimi tanınan semmin qrupuna qarşı dayanan sosial təbəqəni təşkil etmişdir. Hər iki qrupa mənsubiyyət irsi yolla müəyyən edilmişdir. Ryominlər azad icma üzvlərindən, əyalət sənətkarlarından və paytaxtın digər sakinlərindən — o cümlədən aşağı və orta rütbəli məmurlardan ibarət olmuşdur. Onlar Yaponiya monarxiya dövlətinin mülkiyyətində sayılır və komin (yap. 公民) — "dövlət vətəndaşları" kimi qeydiyyata alınmışdır. Ryominlərin adları "ev təsərrüfatı reyestri" adlanan koseki kitablarında qeyd edilirdi. Onlara hökumətə vergi ödəmək şərti ilə torpaq sahələri ayrılmışdır. Bundan əlavə, ryominlər məmur və ya hərbi xidmət keçməyə, eləcə də iki aylıq əmək mükəlləfiyyətini yerinə yetirməyə borclu olmuşdur.^[1]