Ruslan Nurullayev (11 avqust 2004, Kazan) — Azərbaycanı təmsil edən yunan-roma güləşçi.[1]
Ruslan Nurullayev | |||||||||||||||||
---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||
Şəxsi məlumatlar | |||||||||||||||||
Tam adı | Ruslan İlkin oğlu Nurullayev | ||||||||||||||||
Vətəndaşlığı |
![]() |
||||||||||||||||
Doğum tarixi | |||||||||||||||||
Doğum yeri | Kazan, Rusiya | ||||||||||||||||
Boyu | 172 sm. | ||||||||||||||||
İdman növü | Güləş | ||||||||||||||||
Karyera illəri | 2014– | ||||||||||||||||
Medallar
|
|||||||||||||||||
![]() |
Ruslan Nurullayev 11 avqust 2004-cü ildə Rusiyanın Kazan şəhərində anadan olub. 2014-cü ildə güləşlə məşğul olmağa başlayıb. İqdam Ələkbərovun rəhbərliyi altında məşq edir, Gömrükçü İdman Klubunda çıxış edir. Azərbaycan İdman Akademiyasında təhsil alıb.
Ruslan Nurullayev beynəlxalq səviyyədə birinci uğurlarına 2021-ci ildə imza atdı. İyunda Bolqarıstanda yeniyetmələr arasında Avropa Çempionatını, iyulda isə Macarıstanda yeniyetmələr arasında Dünya Çempionatını bürünc medallarla başa vurdu.
Nurullayev 2021 və 2022-ci illərdə ardıcıl 2 dəfə Azərbaycan Çempionatlarının final görüşlərində təcrübəli güləşçi Ülvü Qənizadəyə məğlub olaraq turnirin gümüş medallarına sahib oldu. 2023 və 2024-cü illərdə isə Ruslan Nurullayev Azərbaycan Çempionatlarının qalibi oldu.
2023-cü ilin iyununda Nurullayev İspaniyada baş tutan 20 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu. Avqustda İordaniyada U20 Dünya Çempionatında uğursuz çıxış etsə də (16-cı pillə) noyabrda Albaniyanın Tirana şəhərində baş tutan 23 yaşlılar arasında Dünya Çempionatının bürünc medalına sahib oldu.
2024-cü il də Ruslan Nurullayev üçün uğurlu oldu. Əvvəlcə mayda Azərbaycanda baş tutan U23 Avropa Çempionatının, daha sonra isə iyunda Serbiyada baş tutan U20 Dünya Çempionatının bürünc medallarına sahib olan Nurullayev sentyabrda Pontevedra şəhərində İspaniya U20 Dünya Çempionatını da bürünc medalla başa vurdu.
2025-ci ildə yunan-roma güləşi üzrə Azərbaycan yığmasının əsas heyətinə cəlb olundu və həmin ilin fevralında Xorvatiyada Zagreb Open beynəlxalq turnirinin bürünc medalına sahib oldu. Martda isə o, Tirana şəhərində baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu.
- ↑ International Wrestling Database. "RUSLAN NURULLAYEV". www.iat.uni-leipzig.de (ingilis). 2022-08-04. İstifadə tarixi: 02.08.2022.