Ruslan Lunyov (25 iyul 1989, Bakı) — Azərbaycanı təmsil edən güllə atıcısı, Avropa Çempionatının qalibi.[1]
| Ruslan Lunyov | |||||||||||||||||
|---|---|---|---|---|---|---|---|---|---|---|---|---|---|---|---|---|---|
_-_Ruslan_Lunev_.jpg) Ruslan Lunyov 2016-cı ildə | |||||||||||||||||
| Şəxsi məlumatlar | |||||||||||||||||
| Tam adı | Ruslan Vladimir oğlu Lunyov | ||||||||||||||||
| Vətəndaşlığı |
 Azərbaycan |
||||||||||||||||
| Doğum tarixi | 25 iyul 1989 (35 yaş) | ||||||||||||||||
| Doğum yeri | |||||||||||||||||
| Boyu | 184 sm. | ||||||||||||||||
| İdman növü | Atıcılıq | ||||||||||||||||
| Karyera illəri | 2006— | ||||||||||||||||
| Məşqçisi | Vladimir Lunyov | ||||||||||||||||
|
Medallar
|
|||||||||||||||||
 Vikianbarda əlaqəli mediafayllar | |||||||||||||||||
Ruslan Lunyov 2002-ci ildən idmanla məşğuldur.[2] Şəxsi məşqçisi atası Vladimir Lunyov və anası, 2004-cü il Afina Olimpiadasının bürünc medalçısı İradə Aşumovadır.[1][2]
2006-cı ildən beynəlxalq turnirlərdə çıxış edən Ruslan Lunyov 2015-ci ildə Azərbaycanı Birinci Avropa Oyunlarında təmsil etdi.[2] Nüfuzlu beynəlxalq turnirlərdə uğura imza ata bilməyən Ruslan Lunyov 2016-cı ilin avqustunda Azərbaycanı XXXI Yay Olimpiya Oyunlarında təmsil etdi.[1] Ruslan Lunyov Beynəlxalq Güllə Atıcılığı Federasiyası (ISSF) tərəfindən verilən lisenziyalara əsasən olimpiada da mübarizə apardı.
Avqustun 6-da Ruslan Lunyov əvvəl 10 metr məsafəyə hava tapançasından ilə atəşaçma turnirinin təsnifat mərhələsində çıxış etdi.[3] 48 idmançının mübarizə apardığı təsnifat mərhələsində Ruslan Lunyov 600 xaldan 577-ini toplamağı bacardı və nəticədə mərhələni 15-ci pillədə başa vuraraq Rio-de-Janeyro Olimpiadasında mübarizəsini dayandırdı.[3] Daha sonra isə Ruslan Lunyov 25 metr məsafəyə tapançadan atəşaçma turnirində çıxış etdi.[4] 26 idmançının mübarizə apardığı təsnifat mərhələsində 600 xaldan 575-ini toplamağı bacaran Ruslan Lunyov nəticədə mərhələni 15-ci pillədə başa vurdu.[4] Bu turnirdə də Ruslan Lunyov final mərhələsinə vəsiqə qazana bilmədi və Rio-de-Janeyro Olimpiadasında uğursuz çıxış etdi.[4]
Ruslan Lunyov 2017-ci ilin mayında IV İslam Həmrəyliyi Oyunlarında beş qızıl medala sahib oldu.
Ruslan Lunyov 2019-cu ilin sentyabrında İtaliyanın Bolonya şəhərində baş tutan Avropa Çempionatında 25 metr məsafəyə tapançadan atəşaçma turnirində gümüş medalın sahibi oldu.[2] Həmin turnirin nəticələrinə əsasən o, həm də olimpiya lisenziyasına sahib oldu. Həmçinin Beynəlxalq Güllə Atıcılığı Federasiyası (ISSF) tərəfindən Ruslan Lunyova əlavə bir olimpiya lisenziyası da verildi.[5]
Ruslan Lunyov 2021-ci ildə Azərbaycanı Yaponiyada baş tutan XXXII Yay Olimpiya Oyunlarında təmsil etdi.[1] İyulun 24-də Ruslan Lunyov 10 metr məsafəyə hava tapançasından atəşaçma turnirində mübarizə apardı.[6] Nəticədə o, təsnifat mərhələsini 574 balla 36 idmançı sırasında 20-ci pillədə başa vurdu və mübarizəsini dayandırdı.[6] Avqustun 1-də isə Ruslan Lunyov 25 metr məsafəyə sürət tapançasından atəşaçma turnirində mübarizə apardı.[7][8] Ruslan Lunyov təsnifat mərhələsinin birinci turunda 282 balla 22-ci, növbəti turunda isə 286 balla 21-ci pillədə qərarlaşdı.[7] Nəticədə o, təsnifat mərhələsini 568 balla 26 idmançı sırasında 21-ci pillədə başa vurdu və mübarizəsini dayandırdı.[9]
Ruslan Lunyov 2022-ci il ərzində ISSF Qran-Pri beynəlxalq turnirlərinin Xorvatiya mərhələsində gümüş, Bolqarıstan və İspaniya mərhələlərində isə qızıl medallara sahib oldu.[2] Misirin Qahirə şəhərində baş tutan Dünya Çempionatında isə Ruslan Lunyov 25 metr məsafəyə tapançadan atəşaçma turnirini gümüş medalla başa vurdu.[2]
Daha sonra Ruslan Lunyov 2023-cü ilin martında Estoniyanın Tallin şəhərində baş tutan Avropa Çempionatında 10 metr məsafəyə hava tapançasından atəşaçma turnirində qızıl medalın sahibi oldu.[2] Bununla da o, həm də olimpiya lisenziyaya sahib oldu.[10][11]
- ↑ 1 2 3 4 Olympedia.org. "Ruslan LUNYOV". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
- ↑ 1 2 3 4 5 6 7 Beynəlxalq Güllə Atıcılığı Federasiyasının (ISSF) rəsmi internet səhifəsi. "Ruslan LUNYOV". www.issf-sports.org (ingilis). 22.08.2022. 2018-01-14 tarixində arxivləşdirilib. İstifadə tarixi: 22.08.2022.
- ↑ 1 2 Olympedia.org. "2016 Summer Olympics / Shooting / Air Pistol / 10 metres / Men". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
- ↑ 1 2 3 Olympedia.org. "2016 Summer Olympics / Shooting / Rapid-Fire Pistol / 25 metres / Men". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
- ↑ Azerisport.com idman portalı. "Прибавление в олимпийском составе". www.azerisport.com ( (rus.)). 11.02.2022. 2022-08-30 tarixində arxivləşdirilib. İstifadə tarixi: 11.02.2022.
- ↑ 1 2 Azerisport.com idman portalı. "Токио-2020: Руслан Лунев не вышел в финал". www.azerisport.com ( (rus.)). 11.02.2022. 2022-08-22 tarixində arxivləşdirilib. İstifadə tarixi: 11.02.2022.
- ↑ 1 2 Azerisport.com idman portalı. "Токио-2020: Руслан Лунев опередил троих". www.azerisport.com ( (rus.)). 11.02.2022. 2022-08-22 tarixində arxivləşdirilib. İstifadə tarixi: 11.02.2022.
- ↑ Azerisport.com idman portalı. "Квалификация Руслана Лунева". www.azerisport.com ( (rus.)). 11.02.2022. 2022-08-22 tarixində arxivləşdirilib. İstifadə tarixi: 11.02.2022.
- ↑ Azerisport.com idman portalı. "Токио-2020: Руслан Лунев стал 21-м". www.azerisport.com ( (rus.)). 11.02.2022. 2022-08-22 tarixində arxivləşdirilib. İstifadə tarixi: 11.02.2022.
- ↑ Azerisport.com idman portalı. "Азербайджанский стрелок завоевал лицензию на Олимпиаду-2024". www.azerisport.com ( (rus.)). 11.03.2023. 2023-03-11 tarixində arxivləşdirilib. İstifadə tarixi: 11.03.2023.
- ↑ Azərbaycan Dövlət İnformasiya Agentliyi. "Azərbaycan atıcısı Ruslan Lunyov "Paris-2024" Yay Olimpiya Oyunlarına lisenziya qazanıb". www.azertag.az ( (az.)). 11.03.2023. 2023-03-11 tarixində arxivləşdirilib. İstifadə tarixi: 11.03.2023.