Ruslan Abdullayev (3 dekabr 2004, Cəlilabad) — Azərbaycanı təmsil edən sərbəst güləşçi.[1]
| Ruslan Abdullayev | ||||||||
|---|---|---|---|---|---|---|---|---|
| Şəxsi məlumatlar | ||||||||
| Tam adı | Ruslan Asif oğlu Abdullayev | |||||||
| Vətəndaşlığı |
 Azərbaycan |
|||||||
| Doğum tarixi | 3 dekabr 2004 (20 yaş) | |||||||
| Doğum yeri | Cəlilabad, Azərbaycan | |||||||
| Boyu | 170 sm. | |||||||
| İdman növü | Güləş | |||||||
| Karyera illəri | 2014– | |||||||
|
Medallar
|
||||||||
Ruslan Abdullayev 3 dekabr 2004-cü ildə Cəlilabad şəhərində anadan olub. 2014-cü ildə güləşlə məşğul olmağa başlayıb. Təbriz Rüstəmovun rəhbərliyi altında məşq edir, 5 nömrəli UGİM-də çıxış edir. Azərbaycan İdman Akademiyasında təhsil alıb.
Ruslan Abdullayev 2023-cü ildə yeniyetmələr arasında Azərbaycan Çempionatının qalibi oldu. Abdullayev həmin il həm də beynəlxalq səviyyədə birinci uğuruna imza atdı. O, 2023-cü ilin iyunda İspaniyada baş tutan 20 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu. Avqustda isə Abdullayev İordaniyada baş tutan U20 Dünya Çempionatını beşinci pillədə başa vurdu. Həmin il o, həm də Azərbaycana Çempionatının final görüşündə Nürəddin Novruzova məğlub olaraq gümüş medala sahib oldu.
2024-cü ildə Ruslan Abdullayev Albaniyanın Tirana şəhərində baş tutan 23 yaşlılar arasında Dünya Çempionatının final görüşündə məğlub olaraq turniri gümüş medalla başa vurdu.
- ↑ International Wrestling Database. "RUSLAN ABDULLAYEV". www.iat.uni-leipzig.de (ingilis). 2022-08-04. İstifadə tarixi: 04.08.2022.