Rus qadın faşist hərəkatı — Ümumrusiya faşist partiyasının qadın təşkilatı, faşist partiyasının ideyalarını müdafiə edən rusiyalı qız və qadınları birləşdirmək məqsədi ilə Harbində yaradılmış siyasi təşkilat. Mançjou-qoda 1934-1943-cü illərdə mövcud olmuşdur. Rus qadın faşist hərəkatının əsas ideologiyası rus faşistlərinin əsas şüarı ilə müəyyən edilən rus faşizmi idi: “Allah, Millət, Əmək”. Hərəkat 20-40 yaşlı rus qız və qadınları birləşdirirdi. Təşkilat 11 saylı “Rus qadın faşist hərəkatı haqqında” Əsasnaməyə uyğun olaraq fəaliyyət göstərirdi.[1]
| Rus qadın faşist hərəkatı | |
|---|---|
| Yaranma tarixi | 29 mart 1934 |
| Ləğvolma tarixi | 1 iyul 1943 |
| Rəsmi dili | |
| Mərkəzi | |
 Vikianbarda əlaqəli mediafayllar | |
Təşkilat 29 mart 1934-cü ildə yaradılıb və faktiki olaraq 20-40 yaşlı rus qız və qadınları birləşdirən, Rusiya mühacirətini təmsil edən yeganə siyasi təşkilatı idi. Əsasnaməyə əsasən, Hərəkat Rusiya faşizminin korporativ sistemi üzərində qurulmuş Milli Əmək Rusiyasının tərəfdarı idi ki, burada qadınlar “haqqı olan yeri – gözəllik ideyalarının daşıyıcısı və qanunla lazımi qaydada təmin edilmiş ailə ocağının (arvad, ana) qoruyucusu” kimi mövqeyə sahib olsunlar.
Təşkilat mərkəzi rəhbərlikdən və RQFH-nın yerli təşkilatlarından ibarət idi. Mərkəzi rəhbərlik RQFH idarəetmə Mərkəzi və onun orqanları, yerli təşkilatlar isə RQFH mərkəzləri, rayonlar və şöbələr idi. Sosial tərkibinə görə hərəkatın üzvləri işçilər idi: yerli qəzet və jurnallarda, banklarda və başqa qurumlarda çalışanlar.[2]
1 mart 1941-ci ildə təşkilatın adı dəyişdirilərək Rus Qadınları İttifaqı adlandırıldı. Təşkilat 1943-cü ildə digər partiya təşkilatları ilə birlikdə Mancuriyanı işğal edən yaponlar tərəfindən qadağan edildi.[3]
Rus qadın faşist hərəkatının özünəməxsus rəmzləri var idi: bayrağı, himni, gerbi — ümumrusiya faşist partiyası ilə eyni idi, formaları — faşistlərə xas geyim: qara yubka və qara papyonlu ağ bluza; Ağ rəng saf qadınlığı, qara rəng faşizmi, sol qol isə bütün partiyaların rəmzlərini simvollaşdırır.
RQFH 1935-ci ildən aylıq "Oyanış" qəzetini nəşr etməyə başlayır. 1936-cı ildən etibarən qəzet həftədə 2 dəfə nəşr edilirdi.[2]
- Şeyba Rumyantseva (1934)
- Valentina Abaimova (1934 — iyul 1936)
- Yevlaliya Oxotina (iyul 1936 — iyul 1943), Lev Oxotinin həyat yoldaşı[2]
- ↑ Центр. архив ФСБ РФ. Следст. дело Н-18765 в отношении Семёнова Г. М., Родзаевского К. В. и др. Т. 17, л.д. 18—19.
- ↑ 1 2 3 Окороков А. В. Фашизм и русская эмиграция (1920—1945 гг.). — М.: Руссаки, 2002. - 171-172
- ↑ Стефан Д. Русские фашисты: Трагедия и фарс в эмиграции, 1925—1945 = The Russian Fascists: Tragedy and Farce in Exile, 1925–1945. — М.: Слово, 1992. - 368-370