Rossotrudniçestvonun Azərbaycan Respublikasındakı nümayəndəliyi (rus. Представительство Россотрудничества в Азербайджанской Республике) və ya daha çox tanınan adı ilə Rus Evi (rus. Русский дом в Баку) — 3 iyul 1997-ci ildə Azərbaycan ilə Rusiya arasında imzalanmış sazişə uyğun olaraq yaradılmış informasiya və mədəniyyət mərkəzi.[1][2] Mərkəz Rusiya Federasiyasının Azərbaycandakı diplomatik nümayəndəliyinin rəhbərliyi altında fəaliyyət göstərir və onun fəaliyyəti MDB, xaricdə yaşayan həmvətənlər və beynəlxalq humanitar əməkdaşlıq məsələləri üzrə Federal Agentlik (Rossotrudniçestvo) tərəfindən dəstəklənir.[2] Baş ofisi Bakıda, Üzeyir Hacıbəyov küçəsində yerləşir. Xaçmaz və Gəncədə də əlavə mərkəzləri mövcuddur.[3]
Mərkəzin əsas fəaliyyət istiqamətlərinə rus mədəniyyətinin, elminin və təhsilinin təbliği, rus dilinin möhkəmləndirilməsi, həmvətənlərə dəstək, gənclərin layihələri, beynəlxalq inkişafa yardım, tarixi və xatirə tədbirləri daxildir.[1] Mərkəz həmçinin Rusiya Federasiyası Hökumətinin kvotasına əsasən xarici vətəndaşlar üçün Rusiya ali məktəblərinə qəbul müsabiqəsinin birinci mərhələsinin həyata keçirilməsinə cavabdehdir.
Mərkəzin rəhbəri 2020-ci ilin dekabrından bəri İrek Zinnurovdur.[4][5] Azərbaycanın hökumətyönlü özəl yayım kanalı Baku TV 24 yanvar 2025-ci ildə yayımladığı reportajda Rus Evini "Rus Kəşfiyyat Evi" adlandıraraq mərkəzi casusluq fəaliyyəti ilə məşğul olmaqda ittiham edib.[3] Rossotrudniçestvonun rəhbəri Yevgeni Primakov Telegram kanalında buna cavab olaraq məhkəmə iddiası qaldıracağını bildirib.[6]
2025-ci ilin fevralında "Rus Evi"nin binası Azərbaycan hüquq-mühafizə orqanları tərəfindən nəzarətə götürülüb. Həmçinin təşkilatın qeydiyyatdan keçmədiyi bildirilib.[7]
2025-ci 11 fevral tarixində Azərbaycan Respublikası Xarici İşlər Nazirliyinin tələbi ilə əlaqədar olaraq Rus Evi fəaliyyətini dayandırmaq üçün tədbirlər görür.[8]
- ↑ 1 2 "О Представительстве". Русский дом в Баку (rus). 2025-01-26 tarixində arxivləşdirilib. İstifadə tarixi: 2025-01-25.
- ↑ 1 2 Миралаева Сугра Рустам Кызы. ЭВОЛЮЦИЯ ПОЛИТИКО-ПРАВОВОЙ БАЗЫ ГУМАНИТАРНОГО СОТРУДНИЧЕСТВА МЕЖДУ РОССИЕЙ И АЗЕРБАЙДЖАНСКОЙ РЕСПУБЛИКОЙ // Постсоветские исследования. № 2. 2021. 142. doi:10.24412/2618-7426-2021-2-139-149.
- ↑ 1 2 "Baku TV-si "Rus Evi"ni casusluq fəaliyyətində ittiham edir". turan.az (az.). 2025-01-24. 2025-01-26 tarixində arxivləşdirilib. İstifadə tarixi: 2025-01-25.
- ↑ "Зиннуров Ирек Хайдарович". azerbaijan.rs.gov.ru. İstifadə tarixi: 2025-01-25.
- ↑ "Дума досрочно прекратила полномочия депутата Ирека Зиннурова". TACC (rus). İstifadə tarixi: 2025-02-13.
- ↑ "Primakov". Telegram. 2025-01-26 tarixində arxivləşdirilib. İstifadə tarixi: 2025-01-25.
В понедельник мы готовим иск в суд о защите деловой репутации.
- ↑ "Hüquq-mühafizə orqanları Bakıda "Rus Evi"nə nəzarəti gücləndirib". Oxu.az (az.). İstifadə tarixi: 2025-02-03.
- ↑ "Bakıdakı "Rus Evi" fəaliyyətini dayandırır - RƏSMİ". Oxu.az (az.). İstifadə tarixi: 2025-02-11.
- azerbaijan.rs.gov.ru — rəsmi saytı