Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Roza (Rozaliya) İsmayıl qızı Cəlilova (17 may 1929, Quba) — rəqqasə, xoreoqraf-baletmeyster, Azərbaycan Respublikasının xalq artisti (2007).
| Roza Cəlilova | |
|---|---|
| Doğum tarixi | 17 may 1929 (95 yaş) |
| Doğum yeri | |
| Fəaliyyəti | xoreoqraf, baletmeyster |
| Fəaliyyət illəri | 1947–indiyə kimi |
| Mükafatları |
    |
Roza Cəlilova 17 may 1929-cu ildə Qubada anadan olmuşdur.[1] 1947-ci ildə Bakı Xoreoqrafiya məktəbini bitirib. İki il M. F. Axundov adına Opera və Balet Teatrının balet truppasında çalışıb. 1949-cu ildə M. Maqomaev adına Azərbaycan Dövlət Filarmoniyasının Mahnı və Rəqs Ansamblına keçib. 1965-ci ilə qədər ansamblın rəqs qrupunda solist kimi fəaliyyətini davam etdirib, 1965–1975-ci illərdə isə qrupa rəhbərlik edib.
Rəqqasə uzun illər xoreoqraf kimi də fəaliyyət göstəmişdir. O, 1989-cu ildə yaratdığı "Gülüstan" Mahnı və Rəqs Ansamblı ilə populyarlaşaraq xarici ölkələrdən ardıcıl dəvətlər almağa başlamışdır.
Onun repertuarında Azərbaycanın milli rəqsləri ilə bərabər bərabər ərəb, fars, hind və bir sıra başqa xalqların rəqsləri də böyük yer tutur. O, səhnə fəaliyyətinin 30 ildən artıq dövrü ərzində Kanadada, Çexoslovakiyada, Efiopiyada, Çində, ABŞ-də, Türkiyədə, İraqda, Mərakeşdə qastrol səfərlərində olmuşdur. Müxtəlif illərdə Naxçıvan, Şamaxı, Cəbrayıl, Saatlı, Lənkəran rayonlarının folklor rəqs kollektivlərinin yaradıcısı olmuşdur.
Ümumdünya festivallarının və Beynəlxalq müsabiqələrin laureatı olan Roza Cəlilova "Gülüstan" ansamblı ilə bərabər Bakı Dövlət Universiteti nəzdində olan "Sevinc" rəqs ansamblına da rəhbərlik etmişdir.
Hal-hazırda pedaqoji fəaliyyətə keçərək Azərbaycan Milli Konservatoriyasının nəzdindəki Gimnaziyada fəaliyyət göstərir.
2019-cu ildə Roza Cəlilovanın 90 illik yubileyi qeyd olunmuşdur.[2]
- "Azərbaycan SSR əməkdar artisti" fəxri adı — 21 fevral 1959
- "Şərəf nişanı" ordeni — 9 iyun 1959
- Azərbaycan Respublikası Prezidentinin fərdi təqaüdü — 11 iyun 2002[3]
- "Azərbaycan Respublikasının xalq artisti" fəxri adı — 17 sentyabr 2007
- "Şöhrət" ordeni — 16 may 2019
- ↑ "Rəqs bağçamızın qızılgülü". 2021-01-21 tarixində arxivləşdirilib. İstifadə tarixi: 2020-07-12.
- ↑ CBC TV. "Rəqqasə Roza Cəlilovanın 90 illiyi qeyd olunub" (az.). Youtube.com. 18.05.2019. İstifadə tarixi: 2019-05-18.
- ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 04.10.2023.
- Cəlilova, R. Hər bir xalqın ən qiymətli mirasi onun milli dəyərləridir: Milli rəqslərimiz təkrarolunmazdır, özundə qədim və zəngin tarixi daşıyır: [Xalq artisti, rəqqasə Roza Cəlilovayla müsahibə] /müsahibəni apardı Pünhan //Üç nöqtə.- 2015.- 16 iyul. — S.13.
- [https://web.archive.org/web/20210117052213/http://bookcollector.az/file/pic/xeber/2018-04/1524075095_roza-celilova.pdf Arxivləşdirilib 2021-01-17 at the Wayback Machine]
- [1]
- [2]
- [3]