Roini Arzuman oğlu İsmayılov (13 dekabr 1994) — Azərbaycan futbolçusu, Azərbaycan İkinci Liqasında çıxış edən "Zaqatala" PFK-nin yarımmüdafiəçisi.
| Roini İsmayılov | ||
|---|---|---|
| Ümumi məlumatlar | ||
| Doğum tarixi | 13 dekabr 1994 (30 yaş) | |
| Vətəndaşlığı | ||
| Karyerası | ||
|
|
||
Roini Arzuman oğlu İsmayılov 13 dekabr 1994-cü ildə anadan olmuşdur. Əslən ingiloydur. Roini İsmayılov 2004-cü ildə, Gürcüstanda yaşadığı dövrdə ölkədə keçirilən futbol turnirlərinə qoşulmuşdur. O, 2008-ci ildə "Simurq" PİK-nin uşaq qruplarında fəaliyyətini davam etdirmişdir.[1]
Roini İsmayılov 2011-ci ildə "Simurq"un əvəzedicilərinə cəlb olunmuş və peşəkar futbol karyerasına başlamışdır. O, 2012-də zədələnmiş və 8 ay futboldan uzaqlaşmışdır.[1] Azərbaycan Topaz Premyer Liqasının 2013/2014 mövsümünün 5-ci turunun oyunlarında Roini İsmayılov iki dəfə xəbərdarlıq alaraq meydandan kənarlaşdırıldığı üçün AFFA klubu 100 manat cərimələmişdir.[2] 2014-cü ildə "Rəvan" FK-yə transfer olmuşdur, 6 aydan sonra "Neftçala"ya keçmişdir.[1] İsmayılov komanda ilə ilk dəfə 2014/2015-ci illər mövsümündə Kamal Quliyevin başçılığı altında I Divizionda çempion olmuşdur.[3] Premyer Liqada oynamaq üçün lisenziya ala bilməyən "Neftçala" növbəti mövsümündə də I Divizionda mübarizə aparmış və 2016-cı ildə klub fəaliyyətini dayandırmışdır.[4] Bundan sonra İsmayılov "Zaqatala" PFK-yə transfer edilmişdir. O, "Zaqatala" PFK-də çıxış etdiyi dövrdə komandanın aparıcı futbolçularından biri hesab olunmuşdur.[1]
Futbol üzrə Azərbaycan Kubokunun 2020/2021-ci il mövsümünün ilk mərhələsində 3:2 hesabı ilə yekunlaşan "Səbail"–"Zaqatala” matçında İsmayılov 30-cu dəqiqədə klubun ilk qolunu vurmuşdur.[5][6] O, oyunda sarı vərəqə almış və 75-ci dəqiqədə Əli Abdullayev ilə əvəz olunmuşdur.[7] Futbol üzrə Azərbaycan Kubokunun 2021/2022-ci il mövsümünün 1/8 final mərhələsinin ilk oyun günündə 1:3 hesabı ilə yekunlaşan "Zaqatala"–"Səbail” matçında İsmayılov 57-ci dəqiqədə klubun yeganə qolunu vurmuşdur. O, oyunda sarı vərəqə almış və 75-ci dəqiqədə Əli Abdullayev ilə əvəz olunmuşdur.[7]
Roini İsmayılov "Çelsi" azarkeşidir. O, Frenk Lamparda simpatiya bəsləyir. İsmayılov Azərbaycan daxilində "Qarabağ"ı dəstəkləyir.[1]
- ↑ 1 2 3 4 5 "Roini İsmayılov: "Hazırda tək inqiloy mənəm"". Football-plus.az. 2023-01-09 tarixində arxivləşdirilib. İstifadə tarixi: 2023-12-07.
- ↑ "АФФА оштрафовала Цхададзе". www.azerisport.com. 2013-09-05 tarixində arxivləşdirilib. İstifadə tarixi: 2023-12-07.
- ↑ "«Нефтчала» стала победителем Первого Дивизиона чемпионата Азербайджана по футболу – ФОТО". 1news.az.
- ↑ ""Neftçala" niyə dağıldı? - "...bizə belə tapşırıq verilib" - LAYİHƏ". sportarena.az. 2023-05-28 tarixində arxivləşdirilib. İstifadə tarixi: 2023-12-07.
- ↑ "Гянджинская сенсация и команда несбывшихся надежд Азербайджана". www.azerisport.com. 2022-08-31 tarixində arxivləşdirilib. İstifadə tarixi: 2023-12-07.
- ↑ "Сабаил с трудом одолел Загаталу на старте Кубка Азербайджана". www.azerisport.com. 2022-08-31 tarixində arxivləşdirilib. İstifadə tarixi: 2023-12-07.
- ↑ 1 2 "Габала и Сабаил вышли в 1/4 финала Кубка Азербайджана". www.azerisport.com. 2022-08-31 tarixində arxivləşdirilib. İstifadə tarixi: 2023-12-07.
- Roini İsmayılov — transfermarkt.com saytında. (ing.)