Rock Is a Lady's Modesty,[a] Yaponiyada tanınan adı ilə Rock wa Lady no Tashinami deshite[b] – Hiroşi Fukuda tərəfindən yazılan və illüstrasiya olunan manqa seriyası. 2023-cü ilin oktyabrından "Hakusensha" nəşriyyatının "Young Animal" jurnalında serializasiya olunur. Manqa seriyasının 7 tankobon cildi buraxılmışdır. Manqa seriyası elit qızların təhsil aldığı akademiyaya daxil olan Lilisa Suzunomiya adlı gənc qızdan bəhs edir. O, akademiyanın ən kübar xanımı statusunu əldə etmək istəsə də, əslində rok musiqisinə heyran duyur və gizlicə rok qrupu qurur.
| Rock Is a Lady's Modesty | |
 Birinci tankobon cildinin üzlüyü. Personaj: Lilisa Suzunomiya. | |
| ロックは淑女の嗜みでして (Rock wa Lady no Tashinami deshite) | |
|---|---|
| Janr | musiqi, yetkinləşmə |
| Manqa | |
| Manqaka | Hiroşi Fukuda |
| Nəşriyyat | Hakusensha |
| Jurnal | Young Animal |
| Demoqrafiya | seynen |
| Nəşr tarixi | 28 oktyabr 2022 – hazırda |
| Cildlər | 7 (cild siyahısı) |
| Anime serialı | |
| Rejissor | Şinya Vatada |
| Ssenarist | Şoqo Yasukava |
| Studiya | Bandai Namco Pictures |
| Kanal | JNN (TBS) |
| Yayım tarixi | 3 aprel 2025 – 26 iyun 2025 |
| Seriyalar | 13 (seriya siyahısı) |
"Bandai Namco Pictures" studiyası tərəfindən çəkilən anime serialı adaptasiyası 2025-ci ildə yayımlanmışdır.
Lilisa Suzunomiya prestijli və elit Oşin Qızlar Akademiyasında daxil olan gənc tələbədir. Bu akademiyada Yaponiyanın güclü və nüfuzlu ailələrindən olan qızlar təhsil alırlar. Lakin əslində Lilisa nüfuzlu bir ailədə doğulmaq yerinə anasının yenidən evləndiyi varlı bir kişi tərəfindən övladlığa götürülüb. Bu səbəbdən Lilisa bioloji atasının ona aşıladığı gitara və rok sevgisindən əl çəkərək özünü kübar və mədəni xanım göstərməyə çalışır və akademiyanın ən nüfuzlu mükafatı olan Zadəgan qız titulunu əldə etmək istəyir. Lakin bir gün akademiyada təhsil alan digər tələbə Otoha Kuroqane ilə tanış olur və onun gizlicə rok musiqisi ilə məşğul olduğunu kəşf edir. Otohanın təkidlərindən sonra Lilisa yenidən rok musiqisinə qayıtmağa qərar verir və onlar akademiyada gizlicə rok musiqisi qrupu qururlar.
- Lilisa Suzunomiya (鈴ノ宮 りりさ, Suzunomiya Ririsa?)
- Səsləndirən: Akira Sekine[1]
- Motion capture: Kanami (Band-Maid)[2]
- Oşin Qızlar Akademiyasının birinci sinfində təhsil alan qız. Anasının təkrar evliliyindən sonra prestijli Suzunomiya ailəsinin qızı olmuşdur. Doğma atası rokla məşğul olmuş, ona gitarda ifa etməyi öyrənmişdir, lakin Suzunomiya ailəsinin kübar xanım imicini qorumaq üçün sevdiyi hobbidən imtina etməli olmuşdur. Əsas məqsədi akademiyanın ən elit və kübar xanımı olmaqdır. Lakin Otoha ilə tanış olduqdan sonra rok sevgisi yenidən oyanır və onunla birlikdə gizlicə rok qrupu qurur.
- Otoha Kuroqane (黒鉄 音羽, Kuroqane Otoha?)
- Səsləndirən: Miyuri Şimabukuro[1]
- Motion capture: Akane (Band-Maid)[2]
- Oşin Qızlar Akademiyasının birinci sinfində təhsil alan qız. O, güclü siyasi ailəyə mənsubdur. Akademiyanın ən çox təqdir edilən tələbəsi olsa da, əslində gizlicə təbil çalır. Lilisa ilə tanış olduqdan sonra onun gitara sevgisini yenidən alovlandırır və onunla gizlicə qrup qurur.
- Tina İsemi (院瀬見 ティナ, İsemi Tina?)
- Səsləndirən: Ayaka Fukuhara[1]
- Motion capture: Sayki (Band-Maid)[2]
- Oşin Qızlar Akademiyasının ikinci sinfində təhsil alan qız. O, məktəb şurasının vitse-prezidentidir. Onun ailəsi bir kosmetika brendinin sahibidir və o, həmin brendin siması kimi çıxış edən modeldir. Onun ictimaiyyət arasındakı imici təmtəraqlı olsa da, o əslində mehriban və utancaq şəxsiyyətə malikdir. Lilisanın performansını eşitdikdən sonra rok musiqisinə maraq göstərir və klavişdə ifa etməyi öyrənməyə başlayaraq qrupa qoşulur. O, qrupun kostyum dizayneridir.
- Tamaki Şiraya (白矢 環, Şiraya Tamaki?)
- Səsləndirən: Natsumi Fucivara[1]
- Motion capture: Misa (Band-Maid)[2]
- Oşin Qızlar Akademiyanın qardaş institutu Kuroyuri Qızlar Məktəbinin ikinci sinfində təhsil alan qız. O, Otohanın uşaqlıq dostudur. Bacarıqlı rok musiqiçisi kimi tanınsa da, Otoha ilə yenidən qarşılaşana qədər heç bir rok qrupunun daimi üzvü olmamışdır. Otohanın təkidi ilə o, qrupa basçı kimi qoşulur.
Rejissor Şinya Vatadanın manqa seriyası ilə tanışlığı 2023-cü ildə baş tutmuşdur. O, manqanı dostunun tövsiyəsi ilə oxumuş və hekayəni maraqlı hesab etmişdir. "Bandai Namco Pictures" ona anime serialının rejissorluğunu təklif edəndə Vatada təəccüblənmiş və bunu tale hesab edərək təklifi məmuniyyətlə qəbul etmişdir. Animenin köməkçi rejissoru Ori Yasukava keçmişdə həvəskar qrupda təbilçi kimi ifa etmişdir. Animenin ikinci seriyasındakı təbil səhnələrinin istehsal prosesi zamanı Yasukavanın təbilçalma təcrübələrindən istifadə olunmuşdur.[3]
İstehsalçı heyət musiqi performansı səhnələrində motion capture texnologiyasından istifadə etməyə qərar versə də, motion capture çəkilişlərində iştirak edəcək heyətlə açılış mahnısını ifadə edəcək qrupun eyni olması ideyası daha sonra yaranmışdır. Görüşlərdə hansı qrupun seçilməsi ilə bağlı müzakirələr başlayanda Vatada "Band-Maid" qrupunu təklif etmiş və təklifi dərhal bəyənilmişdir.[3] Prodüser Tatsuya Sunako "Band-Maid" qrupunu izləmək üçün onların canlı konsertinə getmişdir. O, Kanami və Akanenin çıxışlarını izləyəndə onları dərhal Otoha və Lilisa ilə müqayisə etmişdir.[4] İstehsalçı heyət Lilisa və Otohanın keçmişi üçün manqanın müəllifi Fukudadan tövsiyələr almışdırlar.[3]
"Band-Maid" qrupunun dörd üzvü personajların motion capture çəkişilərində iştirak etmişdir: Akane (Otoha), Kanami (Lilisa), Sayki (Tina) və Misa (Tamaki).[2] Akane bir müsahibəsində qeyd etmişdir ki, ifa etdiyi mahnı çox çətin idi və Lilisanın necə performans göstərəcəyini ağlında canlandırmalı idi. Musiqi alətlərində, hətta çubuqların tutacaqlarında belə sensorlar olduğu üçün ehtiyatlı olub sensorlara zərər yetirməməyə çalışırdı, bu isə onun çıxış etməsinə mane olurdu. Lakin istehsalçı heyət sensorlar barəsində narahat olmamasını bildirdikdən sonra performansına tam diqqət ayıra bilmişdir.[4]
Akira Sekine bir müsahibəsində səsyazma studiyasındakı mühiti "sakit və elegant" kimi təsvir etmişdir.[4] Sekine qrip olduğu üçün dinləmələrə qatıla bilmədiyi üçün məyus olmuş, növbəti gün dinləmələrə qoşulmuşdur.[5] Sekine və Miyuri Şimabukuro rola hazırlaşmaq üçün kübar xanımlar haqqında kitablar alıb oxumuşdurlar. Sekinenin sözlərinə görə animenin birinci seriyasındakı Lilisa və Otoha arasındakı qarşılıqlı qışqırıq səhnəsi üçün çox enerji sərf etməli olmuşdular. Fukuda onlarla görüşmüş və personajları daha yaxşı başa düşmələri üçün onlara manqada olmayan hekayələr danışmışdır. Adətən dublaj prosesi musiqi olmadan yerinə yetirilsə də, Sekine musiqiyə qulaq asmağa dəvət olunmuşdur.[4] Şimabukuro Otohanı səsləndirərkən barmaq uclarına diqqət yetirdiyini, qamətini düzəltdiyini və mikrofonun qarşısında sərbət dayandığını qeyd etmiş, personajın zərifliyini öz duruş və davranışları ilə əks etdirməyə çalışdığını bildirmişdir.[6]
Manqa seriyası Hiroşi Fukuda tərəfindən yazılır və illüstrasiya olunur. 28 oktyabr 2022-ci ildən "Hakusensha" nəşriyyatının "Young Animal" jurnalında serializasiya olunur.[7] 28 mart 2025-ci ilə qədər manqa seriyasının 7 tankobon cildi buraxılmışdır. Birinci tankobon cildi 28 aprel 2023-cü ildə buraxılmışdır.[8]
| № | Yaponca nəşr tarixi | Yaponca ISBN | |
|---|---|---|---|
| 1 | 28 aprel 2023[9] | 978-4-592-16476-0 | |
| |||
| 2 | 29 iyun 2023[10] | 978-4-592-16477-7 | |
| |||
| 3 | 27 oktyabr 2023[11] | 978-4-592-16478-4 | |
| |||
| 4 | 29 fevral 2024[12] | 978-4-592-16479-1 | |
| |||
| 5 | 29 iyul 2024[13] | 978-4-592-16480-7 | |
| |||
| 6 | 28 noyabr 2024[14] | 978-4-592-16716-7 | |
| |||
| 7 | 28 mart 2025[15] | 978-4-592-16717-4 | |
| |||
22 iyul 2024-cü ildə manqa seriyasının anime serialı adaptasiyası anons edilmişdir.[16] "Bandai Namco Pictures" studiyası tərəfindən çəkilən anime serialının rejissoru Şinya Vatada, köməkçi rejissoru Ori Yasukava, ssenaristi Şoqo Yasukava, personaj dizayneri Risa Miyadani və vizual rejissoru Yasufumi Soecimadır.[1] Anime serialına ilk baxış 16 mart 2025-ci ildə baş tutmuşdur.[17] Anime serialı 3 apreldən 26 iyun 2025-ci ilə qədər yayımlanmışdır. Açılış mahnısı "Band-Maid" qrupu tərəfindən ifa olunan "Ready to Rock" mahnısı, bağlanış mahnısı "Little Glee Monster" qrupu tərəfindən ifa olunan "Yume Janai nara Nan'na no sa"[c] mahnısıdır.[18]
"Bocchi the Rock!" manqa seriyasının müəllifi Aki Hamaci manqanı bəyənmiş və tövsiyə etmişdir.[19] "Anime News Network" saytının tənqidçisi Stiv Cons animenin ilk 3 seriyasını dəyərləndirmiş və animeni "Kakegurui" ilə müqayisə etmişdir.[20]
- ↑ 1 2 3 4 5 "Rock is a Lady's Modesty Anime Reveals Character Video, Visual for Tina". Anime News Network (ingiliscə). 13 mart 2025. 2025-06-03 tarixində arxivləşdirilib. İstifadə tarixi: 3 iyun 2025.
- ↑ 1 2 3 4 5 "[NEWS] BAND-MAID's new song "Ready to Rock" has been chosen as the opening theme song for the TV anime "Rock Is a Lady's Modesty", set to air starting April 2025! New Share Campaign Updated!!". bandmaid.tokyo (ingiliscə). 11 may 2025. 16 May 2025 tarixində arxivləşdirilib. İstifadə tarixi: 25 may 2025.
- ↑ 1 2 3 Loveridge, Lynzee. "Rock is a Lady's Modesty Director Shinya Watada and the Rise of Girl Bands". Anime News Network (ingiliscə). 23 may 2025. 24 May 2025 tarixində arxivləşdirilib. İstifadə tarixi: 25 may 2025.
- ↑ 1 2 3 4 "「ロックは淑女の嗜みでして」現場はお嬢様モード、関根明良＆島袋美由利は時々息切れ". Comic Natalie (yaponca). 16 mart 2025. 6 April 2025 tarixində arxivləşdirilib. İstifadə tarixi: 25 may 2025.
- ↑ "ロックは淑女の嗜みでして：関根明良×島袋美由利インタビュー 「負けたくない！」と熱く挑んだ演奏シーン". Mantanweb (yaponca). 30 mart 2025. 4 April 2025 tarixində arxivləşdirilib. İstifadə tarixi: 25 may 2025.
- ↑ "「ロックは淑女の嗜みでして」第1話の先行カット、関根明良＆島袋美由利のコメント到着". Comic Natalie (yaponca). 1 aprel 2024. 3 April 2025 tarixində arxivləşdirilib. İstifadə tarixi: 25 may 2025.
- ↑ "「ムシブギョー」福田宏がお嬢様×バンド描く新連載「ロックは淑女の嗜みでして」". Comic Natalie (yaponca). 28 oktyabr 2022. 2022-10-30 tarixində arxivləşdirilib. İstifadə tarixi: 3 iyun 2025.
- ↑ "「ロックは淑女の嗜みでして」1巻、「ぼっち・ざ・ろっく！」はまじあきが激推し". Comic Natalie (yaponca). 28 aprel 2023. İstifadə tarixi: 3 iyun 2025.
- ↑ 【4月28日付】本日発売の単行本リスト. Comic Natalie (yaponca). Natasha, Inc. April 28, 2023. May 5, 2023 tarixində arxivləşdirilib. İstifadə tarixi: 3 iyun 2025.
- ↑ 【6月29日付】本日発売の単行本リスト. Comic Natalie (yaponca). Natasha, Inc. June 29, 2023. July 5, 2023 tarixində arxivləşdirilib. İstifadə tarixi: 3 iyun 2025.
- ↑ 【10月27日付】本日発売の単行本リスト. Comic Natalie (yaponca). Natasha, Inc. 27 oktyabr 2023. 22 noyabr 2023 tarixində arxivləşdirilib. İstifadə tarixi: 3 iyun 2025.
- ↑ 【2月29日付】本日発売の単行本リスト. Comic Natalie (yaponca). Natasha, Inc. February 29, 2024. February 29, 2024 tarixində arxivləşdirilib. İstifadə tarixi: 3 iyun 2025.
- ↑ 【7月29日付】本日発売の単行本リスト. Comic Natalie (yaponca). Natasha, Inc. 29 iyul 2024. July 29, 2024 tarixində arxivləşdirilib. İstifadə tarixi: 3 iyun 2025.
- ↑ 【11月28日付】本日発売の単行本リスト. Comic Natalie (yaponca). Natasha, Inc. November 28, 2024. 28 noyabr 2024 tarixində arxivləşdirilib. İstifadə tarixi: 3 iyun 2025.
- ↑ 【3月28日付】本日発売の単行本リスト. Comic Natalie (yaponca). Natasha, Inc. March 28, 2025. March 28, 2025 tarixində arxivləşdirilib. İstifadə tarixi: 3 iyun 2025.
- ↑ "福田宏「ロックは淑女の嗜みでして」2025年にTVアニメ化、お嬢様×ロックの青春音楽譚". Comic Natalie (yaponca). 22 iyul 2024. 2024-07-23 tarixində arxivləşdirilib. İstifadə tarixi: 3 iyun 2025.
- ↑ "「ロックは淑女の嗜みでして」現場はお嬢様モード、関根明良＆島袋美由利は時々息切れ". Comic Natalie (yaponca). 16 mart 2025. 2025-04-06 tarixində arxivləşdirilib. İstifadə tarixi: 3 iyun 2025.
- ↑ "Rock Is a Lady's Modesty Anime's Main Trailer Reveals More Cast, Theme Songs, April 3 TV Debut". Anime News Network (ingiliscə). 6 mart 2025. 2025-03-06 tarixində arxivləşdirilib. İstifadə tarixi: 3 iyun 2025.
- ↑ "ロックは淑女の嗜みでして：2025年テレビアニメ化 「ぼっち・ざ・ろっく」作者も称賛の"お嬢様×ロック"青春マンガ". Mantan Web (yaponca). 22 iyul 2024. 2024-07-22 tarixində arxivləşdirilib. İstifadə tarixi: 3 iyun 2025.
- ↑ Cons, Stiv. "Rock is a Lady's Modesty Episodes 1-3". Anime News Network (ingiliscə). 19 aprel 2025. 2025-04-20 tarixində arxivləşdirilib. İstifadə tarixi: 3 iyun 2025.
- younganimal.com/series/88091737601a5 — "Young Animal"da manqanın rəsmi saytı (yap.)
- rocklady.rocks — Animenin rəsmi saytı (yap.)