Rimyonsu (İmyonsu-Pxokpxo) (kor. 리명수폭포, 鯉明水瀑布) — Koreya Xalq Demokratik Respublikasında şəlalə. Şəlalə ölkənin şimal-şərqində, Yanqando regionunun Samciyen rayonunda, Rimyonsu fəhlə qəsəbəsi yaxınlığında yerləşir. Rimyonsu şəlaləsi Mancuriya-Koreya dağları bölgəsində (şimali-şərqdə — Somusan-Mubon yaylası, cənub-qərbdə — Sobeksan-Potxes yaylası) formalaşıb. KXDR-nın simvolu olan Pektusan dağı (vulkan) şəlalənin şimal-şərqindədır[1]. Şəlalədən 700 metr şimal-qərbdə eyni adlı Rimyonsu dəmiryol stansiyası yerləşir. Yeraltı suların yer səthinə çıxması nəticəsində formalaşıb. Şəlalə əslində qayalıqdan səthə çıxan böyük bir bulaqdır.
| Rimyonsu | |
|---|---|
| kor. 리명수폭포 | |
 2011-ci ildə çəkilmiş foto | |
| Ümumi məlumatlar | |
| Hündürlüyü | 15 m |
| Eni | 27 m |
| Çay | Rimyonsu |
| Yerləşməsi | |
| 41°43′ şm. e. 128°15′ ş. u.HGYO | |
| Ölkə |
 Şimali Koreya |
| Region |
|
| Rayon |
|
  Rimyonsu |
|
 Vikianbarda əlaqəli mediafayllar | |
Qrunt suları bazalt qayalar üzərindən bir başa çaya tökülür. Şəlalənin hündürlüyü — 15 metr, eni isə — 27 metrdir. Beş fərqli axımdan ibarət şəlalə həm də onlarca kiçik axımlara ayrılır. Suyun axdığı bazalt qaya iki pilləkənli formadadır. Yuxarı pilləkənin hündürlüyü — 7 m, aşağı pilləkən isə — 8 metr hündürlüyündədir.[2]
Miniatür şəlalələrdən ibarət Rimyonsu uzaqdan çox cəlb edici görsənir. Qara qaya parçası üzərində təmiz , şəffaf su və çay çox gözəl mənzərə yaradır. Şəlaləni əhatə edən sıx meşə örtüyü ayrıca olaraq diqqəti cəlb edir. İlin fəsillərindən asılı olaraq şəlalənin görünüşü dəyişir. Yaz aylarında şəlalənin suyu daha bol və ətraf mənzərə daha gözəl olur. Açıq və günəşli havada tez-tez şəlalə ətrafında göy qurşağı yaranır. Qış aylarında şəlalə qismən donur, donmayan su buz altı ilə axır. Yer altından çıxan nisbətən isti su və soyuq hava ətrafda duman və qrov əmələ gətirir.
Rimyonsu şəlaləsi yeraltı şəlalələr tipinə aiddir. Bu baxımdan şəlalə 1980-cı il yanvar ayında Koreya Xalq Demokratik Respublikasının Milli Təbəti Qoruma Birliyi tərəfindən qeydiyyata alınmış və 345 nömrəli təbiət abidəsi kimi qorunur.[3] Şəlalə üstündə belveder inşa edilmiş. Beldavar şəlalə və ətraf ərazinin müşahidə edilməsinə xidmət edir.
Şəlalə çayın eroziyası nəticəsində meydana gəlmiş. Rimyonsu çayı kembriyə qədərki bazalt süxurlarını, eləcə də kaynozoy erasının dördüncü dövr püskürmə süxurlarını parçalamış və qrunt suları səthə çıxmışdır. Bazalt süxurlarının məsamələri ilə axan qrunt suları sonda çay kənarına çataraq şəlaləni formalaşdırır. Uzaqdan şəlalə böyük bir yelpiyi xatırladır. Hər bir kiçik axımlarda öz-özlüyündə kiçik yelpiklər əmələ gətirir. Əslində şəlalənin suyu çay üzərində yaradılmış süni gölə tökülür. Yaxınlıqda kiçik SES qurulub.
- ↑ Rimyongsu Waterfall - North Korea
- ↑ 리명수폭포(鯉明水瀑布) Arxivləşdirilib 2019-01-19 at the Wayback Machine 북한지역정보넷
- ↑ "리명수폭포 (천연기념물 제 345 호)". 2016-03-05 tarixində orijinalından arxivləşdirilib. İstifadə tarixi: 2017-11-08.
- Ким Чхан Сон. О Корее. В 2 т. Т. 1. Приода Arxivləşdirilib 2016-10-02 at the Wayback Machine / Ким Чхан Сон ; пер. Чо Гён Гук, У Чон Хван : под общ. ред. Ким Чи Хо. — Пхеньян : Изд. лит. на ин. яз., 105 чучхе (2016). — 78 с. — С. 57.
- Пак Тхэ Хо. Водопад Лимёнсу Arxivləşdirilib 2016-04-24 at the Wayback Machine. Пак Тхэ Хо. Корея сегодня. 104 чучхе (2015). ISSN 1727-8996