Ser Ridli Skott (ing. Ridley Scott; 30 noyabr 1937[1][2][…]) — ingilis kinorejissoru. Onun yaradıcılığı elmi fantastika, cinayət və tarixi epik filmləri əhatə edir; əsərləri atmosferik və yüksək dərəcədə konsentrasiyalı vizual üslubla seçilir.[3][4][5] O, ən çox gəlir gətirən rejissorlar arasında yer alır; filmləri dünya üzrə 5 milyard dollardan çox gəlir əldə edib. Rejissor bir çox mükafata layiq görülüb — 2018-ci ildə BAFTA Fellowship (Ömürlük Nailiyyət) mükafatı, iki Primetime Emmy mükafatı və bir Qızıl Qlobus Mükafatı da daxil olmaqla.[6] 2003-cü ildə o, şəxsi rütbəli cəngavər adına layiq görülmüş,[7] 2024-cü ildə isə Kral III Çarlz tərəfindən Böyük Xaç Cəngavəri təyin edilmişdir.[8]
| Ridli Skott | |
|---|---|
| ing. Ridley Scott | |
 | |
| Doğum tarixi | 30 noyabr 1937[1][2][…] (87 yaş) |
| Fəaliyyəti | kinorejissor, film prodüseri, icraçı prodüser[d], televiziya prodüseri[d], rejissor, prodüser |
| Fəaliyyət illəri | 1963-cü ildən |
| Mükafatları |
   |
 Vikianbarda əlaqəli mediafayllar | |
Londonun Kral İncəsənət Kollecinin məzunu olan Skott karyerasına televiziya üçün dizayner və rejissor kimi başlamış, daha sonra reklam sahəsində kommersiya çarxlarının rejissoru kimi fəaliyyət göstərmişdir. O, rejissorluq debütünü The Duellists (1977) filmi ilə etmiş, növbəti filmi Alien (1979) ilə geniş tanınmışdır. Filmlərinin mövzu və dövrləri müxtəlif olsa da, onun yaradıcılığında urbanistik mühitin parlaq vizual təsvirləri mühüm yer tutur — Gladiator (2000) və onun Qladiator II (2024) davamında II əsr Roması, Cənnət Krallığında (2005) XII əsr Qüds, Robin Hud (2010) filmində orta əsrlər İngiltərəsi, Exodus: Gods and Kings (2014) filmində qədim Memfis, Black Hawk Down (2002) filmində müasir Moqadişo, Blade Runner (1982) filmində futuristik Los-Anceles və Alien, Prometey (2012), Marslı (2015) və Alien: Covenant (2017) filmlərində isə müxtəlif ekzoplanet dünyaları təsvir olunub.
Skott üç dəfə “Ən yaxşı rejissor” nominasiyasında Oskara namizəd göstərilmişdir — Thelma & Louise, Qladiator və Black Hawk Down filmlərinə görə.[4] Gladiator həmçinin “Ən yaxşı film” mükafatını qazanmış, The Martian isə həmin kateqoriyada Skotta əlavə nominasiyası gətirmişdir. 1995-ci ildə Skott və qardaşı Toni Skott Britaniya Kino və Televiziya Sənəti Akademiyası tərəfindən Kinematoqrafiyaya görkəmli britaniyalı töhfə mükafatına layiq görülüblər.[9] Skottun Alien, Blade Runner və Thelma & Louise filmləri ABŞ Milli Film Reyestrinə Konqres Kitabxanası tərəfindən “mədəni, tarixi və ya estetik cəhətdən əhəmiyyətli” hesab edilərək daxil edilmişdir. 2004-cü ildə keçirilən BBC sorğusunda o, Böyük Britaniya mədəniyyətinə təsir edən şəxslər arasında 10-cu yerdə qərarlaşmışdır.[10]
Rejissor televiziya sahəsində də fəaldır və 10 dəfə Primetime Emmy mükafatına namizəd göstərilmişdir. O, iki dəfə qalib olmuşdur — The Gathering Storm (2002) filmi ilə “Ən yaxşı televiziya filmi” nominasiyasında və Gettysburg (2011) sənədli filmi ilə “Ən yaxşı sənədli və ya qeyri-bədii xüsusi layihə” nominasiyasında.[11] O, həmçinin RKO 281 (1999), Andromeda Ştammı (2008) və Yer Üstünə Sütunlar (2010) filmlərinə görə Emmy nominasiyaları almışdır.[12]
- ↑ 1 2 Ridley Scott // Internet Speculative Fiction Database (ing.). 1995.
- ↑ 1 2 Ridley Scott // Encyclopædia Britannica (ing.).
- ↑ Sitat səhvi: Yanlış
<ref>teqi;commercialsadlı istinad üçün mətn göstərilməyib - ↑ 1 2 "Ridley Scott". Encyclopædia Britannica. 25 iyun 2023. 24 dekabr 2019 tarixində arxivləşdirilib. İstifadə tarixi: 12 oktyabr 2015.
- ↑ Matthews, Jack. "Regarding Ridley : For 15 years Ridley Scott has dazzled us with expressive imagery. 'Every time you make a film, really you're making a novel,' says the director". Los Angeles Times. 4 oktyabr 1992. 8 may 2016 tarixində arxivləşdirilib. İstifadə tarixi: 19 fevral 2020.
- ↑ "Sir Ridley Scott gets top Bafta honour". BBC News. 31 yanvar 2018. 20 iyul 2019 tarixində arxivləşdirilib. İstifadə tarixi: 18 fevral 2018.
- ↑ "Queen knights Gladiator director". BBC News. 8 iyul 2003. 8 avqust 2017 tarixində arxivləşdirilib. İstifadə tarixi: 6 mart 2010.
- ↑ Gecsoyler, Sammy. "New year honours 2024: awards for Shirley Bassey, Mary Earps and Michael Eavis". The Guardian (ingilis). 29 dekabr 2023. ISSN 0261-3077. 30 dekabr 2023 tarixində arxivləşdirilib. İstifadə tarixi: 30 dekabr 2023.
- ↑ "Outstanding British Contribution To Cinema". BAFTA. 12 October 2015. 8 October 2017 tarixində arxivləşdirilib. İstifadə tarixi: 12 October 2015.
- ↑ "iPod's low-profile creator tops cultural chart". The Independent. 18 mart 2017. 21 avqust 2017 tarixində arxivləşdirilib. İstifadə tarixi: 10 sentyabr 2017.
- ↑ "Why Albert Finney Was the Perfect Winston Churchill: 'An English Bulldog of an Actor'". Variety. 9 fevral 2019. 11 iyun 2023 tarixində arxivləşdirilib. İstifadə tarixi: 11 iyun 2023.
- ↑ "Ridley Scott – Emmy Awards, Nominations, and Wins". www.emmys.com. 11 iyun 2023 tarixində arxivləşdirilib. İstifadə tarixi: 11 iyun 2023.