Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRidhima Pandey (ing. Ridhima Pandey; 2008[1] və ya oktyabr 2007[2]) — iqlim dəyişikliyinə qarşı fəaliyyətin tərəfdarı olan Hindistandan olan ətraf mühit fəalı[3]. O, doqquz yaşında olanda, iqlim dəyişikliyi ilə mübarizə üçün kifayət qədər tədbir görmədiyi üçün Hindistan hökumətinə qarşı iddia qaldırır[4]. Bir neçə digər gənc iqlim dəyişikliyi fəalları ilə yanaşı, o, həm də bir neçə ölkənin iqlim böhranına qarşı tədbir görməməsi ilə bağlı Birləşmiş Millətlər Təşkilatına şikayət edən iddiaçılardan biri olur[5].
| Ridhima Pandey | |
|---|---|
| hind. रिधिमा पाण्डेय ing. Ridhima Pandey | |
 | |
| Doğum tarixi | 2008[1] (16–17 yaş) və ya oktyabr 2007[2] (17–18 yaş) |
| Fəaliyyəti | ətraf mühit fəalı[d], aktivist |
 Vikianbarda əlaqəli mediafayllar | |
Pandey Hindistanın şimalındakı Uttarakhand əyalətində yaşayır. Onun atası Dineş Pandey də 16 il Uttarhandda işləyən bir iqlim dəyişikliyi fəalıdır[6].
Uttarakhand son on il ərzində kəskin hava şəraitindən əziyyət çəkib. 2013-cü ildə daşqınlar və torpaq sürüşmələri 1000-dən çox insanın həyatına son qoyub. 100.000-ə yaxın insan bölgədən təxliyə edilməli olub[7]. Dünya Bankının məlumatına görə, iqlim dəyişikliyi Hindistanın su təchizatına təzyiqi artıra bilər.
Pandey doqquz yaşındaykən Hindistan hökumətinin Paris razılaşmasında razılaşdıqları iqlim dəyişikliyinə qarşı əhəmiyyətli addımlar atmadığını əsas gətirərək ona qarşı iddia qaldırır. Bu məhkəmə işi 2010-cu ildə qurulmuş və yalnız ekoloji işlərlə məşğul olan Milli Ətraf Mühit Tribunalına təqdim edilmişdir. Pandey həmçinin hökumətdən karbon emissiyalarını azaltmaq üçün plan və Hindistanın qalıq yanacaq istifadəsini azaltmaq da daxil olmaqla iqlim dəyişikliyinin təsirini cilovlamaq üçün ümummilli plan hazırlamağı xahiş edir.
Nilli Ətraf Mühit Tribunalı onun müraciətini rədd edərək, onun “ətraf mühit paktının qiymətləndirilməsinə aid olduğunu” bildirib[8].
Osloya getmək üçün Norveç vizasından ötrü müraciət edərkən o, gənc iqlim fəallarının təşkilatı haqqında eşidir. O, təşkilata müraciət və 2019-cu il BMT-nin iqlim dəyişikliyi sammiti üçün Nyu-Yorka səyahət etmək üçün seçilir. 23 sentyabr 2019-cu il sammiti zamanı Pandey, Qreta Tunberq, Ayaha Melitafa və Aleksandriya Villasenor da daxil olmaqla digər 15 uşaqla birlikdə Argentina, Braziliya, Almaniya, Fransa və Türkiyəni iqlim böhranı ilə mübarizə üçün adekvat tədbirlər görmədən Uşaq Hüquqları Konvensiyasını pozmaqla günahlandıraraq BMT-nin Uşaq Hüquqları Komitəsinə şikayət edir[9].
Pandey plastikin davamlı istehsalının istehlakçı tələbinin nəticəsi olduğunu iddia edərək, ona tamamilə qadağa qoymağa çağırır. O, həmçinin Hindistan hökumətini və yerli hakimiyyət orqanlarını Qanq çayının təmizlənməsi üçün daha çox iş görməyə səsləyir. Onun sözlərinə görə, hökumət çayda təmizlik işləri apardığını iddia etsə də, çayın vəziyyəti çox dəyişməyib.
“Uşaqlar İqlim Dəyişikliyinə Qarşı” adlı tərcümeyi-halında Pandey məqsədini belə ifadə edir:
“Mən gələcəyimizi xilas etmək istəyirəm. Mən bütün uşaqların və gələcək nəsillərin bütün insanlarının gələcəyini xilas etmək istəyirəm.й»[9].
Pandey 23 noyabr 2020-ci ildə elan edilən BBC Qadın 100 siyahısına daxil olur[10].
- ↑ 1 2 https://thecsrjournal.in/young-activists-youth-icons-india/.
- ↑ 1 2 https://www.globalindian.com/fr/youth/story/global-indian-exclusive/all-for-mother-earth-environmental-activist-ridhima-pandey-is-making-all-the-right-noises/.
- ↑ "WHO IS RIDHIMA PANDEY". Business Standard India. 2 may 2021 tarixində arxivləşdirilib. İstifadə tarixi: 9 may 2021.
- ↑ "Meet the nine-year-old girl who is suing the Indian Government over climate change". The Independent (ingilis). 1 aprel 2017. 9 may 2021 tarixində arxivləşdirilib. İstifadə tarixi: 9 may 2021.
- ↑ "Greta and 15 Kids Just Claimed Their Climate Rights at the UN". Earthjustice (ingilis). 23 sentyabr 2019. 6 may 2021 tarixində arxivləşdirilib. İstifadə tarixi: 9 may 2021.
- ↑ Associated Press in Joshinmath. "India's death toll in aftermath of floods reaches 1,000". the Guardian (ingilis). 24 iyun 2013. 5 may 2021 tarixində arxivləşdirilib. İstifadə tarixi: 9 may 2021.
- ↑ "India floods: Thousands still stranded in Uttarakhand". BBC News. 28 iyun 2013. 1 oktyabr 2021 tarixində arxivləşdirilib. İstifadə tarixi: 9 may 2021.
- ↑ "India: Climate Change Impacts". World Bank (ingilis). 16 aprel 2021 tarixində arxivləşdirilib. İstifadə tarixi: 9 may 2021.
- ↑ 1 2 "#ChildrenVsClimateCrisis". childrenvsclimatecrisis.org. 26 fevral 2021 tarixində arxivləşdirilib. İstifadə tarixi: 9 may 2021.
- ↑ "BBC 100 Women 2020: Who is on the list this year?". BBC News. 23 noyabr 2020. 12 mart 2021 tarixində arxivləşdirilib. İstifadə tarixi: 9 may 2021.