Reyçel Çinouriri (ing. Rachel Chinouriri; 1 noyabr 1998[1]) — İngiltərə müğənnisi, mahnı yazarı. "SoundCloud" platformasında çoxsaylı mahnılar paylaşdıqdan sonra 2018-ci ildə əsas musiqi yayım platformalarında öz əsərlərini təqdim etməyə başlamışdır. 2019-cu ildə tənqidçilər tərəfindən yüksək qiymətləndirilən ilk minialbomunu - "Mama's Boy"u işıq üzünə çıxarmışdır. Minialbomda yer alan "So My Darling" mahnısı "TikTok" platformasında geniş istifadə olunan populyar audioya çevrilərək diqqət mərkəzində olmuşdur.
| Reyçel Çinouriri | |
|---|---|
_(53838112030)_(cropped).jpg) | |
| Ümumi məlumatlar | |
| Doğum tarixi | 1 noyabr 1998[1] (26 yaş) |
| Musiqiçi məlumatları | |
| Fəaliyyəti | müğənni, musiqiçi, müğənni-bəstəkar |
| Fəaliyyət illəri | 2018-ci ildən |
| Janrlar | pop musiqisi[2], indi-rok |
| rachelchinouriri.com | |
 Vikianbarda əlaqəli mediafayllar | |
Çinouriri "Parlophone" şirkəti ilə müqavilə imzalamış və 2021-ci ildə həmin şirkətlə özünün ilk minialbomunu - "Four° In Winter"i təqdim etmişdir. Albomun "Give Me A Reason" adlı sinqlı "Ən yaxşı müasir mahnı" nominasiyası üzrə "Ayvor Novello" mükafatına namizəd göstərilmişdir.[3] Musiqiçi 2022-ci ildə özünün ikinci minialbomu olan "Better Off Without"u yayımlamışdır. Çinouriri 2024-cü ilin may ayında özünün ilk studiya albomunu - "What a Devastating Turn of Events"i təqdim etmiş, 2025-ci ilin aprel ayında isə "Little House" minialbomunu buraxmışdır.[4]
Çinouriri 1998-ci il noyabrın 1-də Kinqston xəstəxanasında anadan olmuşdur. Ailəsi sonradan Kroydonun Forestdeyl ərazisinə köçmüş və o, üç yaşından etibarən burada tərbiyə almışdır.[5] Valideyinləri onun doğumundan qısa müddət əvvəl Zimbabvedən Birləşmiş Krallığa mühacirət etmişdilər və o, "ənənəvi Afrika tərbiyəsi" almışdır.[6] Aldığı tərbiyə onda Britaniya mədəniyyətinə, xüsusilə musiqisinə qarşı maraq oyatmış və yeniyetməlik dövründə "Daughter" (musiqi qrupu) və Lili Allenin diskoqrafiyalarının təsirinə qapılmışdır. Çinouriri on yeddi yaşında mahnılar bəstələməyə başlamış və iyirmi funt-sterlinqlik mikrofon vasitəsilə yazıya almışdır. Həmin əsərləri anasının noutbuku vasitəsilə "SoundCloud" musiqi paylaşma platformasında yerləşdirmişdir.
2024-cü ilin mart ayında Çinouriri Ostin şəhərində (Texas ştatı) keçirilən "South by Southwest" musiqi festivalını boykot edən incəsənət xadimlərindən biri olmuşdur. Boykotun səbəbi tədbirin ABŞ Ordusu və əsas müdafiə podratçıları ilə sponsorluq müqaviləsi, həmçinin Qəzza müharibəsinə etiraz idi.[7][8] Çinouriri sosial media platformasında verdiyi bəyanatda öz qərarını izah edərək bildirmişdir ki, müharibə mövzusu onun üçün "son dərəcə həssas" məsələdir, belə ki, valideynlərinin hər ikisi Böyük Britaniyaya mühacirət etməzdən əvvəl Zimbabvedə uşaq əsgər kimi xidmət göstərmişlər. O, həmçinin pərəstişkarlarını "müharibə qurbanlarını mümkün olan hər vasitə ilə dəstəkləməyə" çağırmışdır.
Studiya albomları
- What a Devastating Turn of Events (2024)
- ↑ 1 2 Moghadam M. Rachel Chinouriri // Genius (ing.). 2009.
- ↑ Deutsche Nationalbibliothek Record #1330597524 // Ümumi tənzimləmə nəzarəti (GND) (alm.). 2012—2016.
- ↑ Taylor, Mark. "Nominations announced for The Ivors with Apple Music 2021". The Ivors Academy (ingilis). 10 August 2021. İstifadə tarixi: 29 May 2024.
- ↑ Rigotti, Alex. "Rachel Chinouriri has finally come home". NME. 15 January 2024. 16 January 2024 tarixində arxivləşdirilib. İstifadə tarixi: 16 January 2024.
- ↑ "Rachel Chinouriri - Give Me A Reason [Video]". DSTNGR. 22 September 2020. 11 November 2020 tarixində arxivləşdirilib. İstifadə tarixi: 17 March 2022.
- ↑ "Rachel Chinouriri". Marathon Artists. 18 March 2022 tarixində arxivləşdirilib. İstifadə tarixi: 17 March 2022.
- ↑ Aubrey, Elizabeth. "NewDad, Cardinals, Enola Gay and Rachel Chinouriri issue statements on SXSW 2024 boycott: "Support victims of war"". NME. 12 March 2024. İstifadə tarixi: 4 June 2024.
- ↑ Collins, Riyah. "Rachel Chinouriri latest artist to quit SXSW festival". BBC Newsbeat. BBC. 12 March 2024. İstifadə tarixi: 4 June 2024.