Renat Maarif oğlu Mirzəliyev (ukr. Мірзалієв Ренат Мааріфович, rus. Мирзалиев Ренат Маарифович; 24 mart 1982, Dnepr) — Ukrayna, Rusiya və Azərbaycanı təmsil etmiş cüdoçu. Avropa çempionu (2001). Ukraynanın beynəlxalq dərəcəli idman ustası.
| Renat Mirzəliyev | |||||||||||||
|---|---|---|---|---|---|---|---|---|---|---|---|---|---|
| Şəxsi məlumatlar | |||||||||||||
| Vətəndaşlığı |
 Ukrayna →  Rusiya →  Azərbaycan |
||||||||||||
| Doğum tarixi | 24 mart 1982 (43 yaş) | ||||||||||||
| Doğum yeri | |||||||||||||
| İdman növü | cüdo[1] | ||||||||||||
| Məşqçisi | Aleksandr Filipovski | ||||||||||||
|
Medallar
|
|||||||||||||
24 mart 1982-ci ildə Ukrayna SSR-in Dnepropetrovsk şəhərində anadan olub.[2][3] Milliyyətcə azərbaycanlıdır.[4][5] Atası əslən Gədəbəydəndir.[4][5]
Renat, 8 yaşından cüdo ilə məşğul olmağa başlayıb. İlk məşqçisi Aleksandr Filipovski olub.[3] 14 yaşında idman ustası, 18 yaşında isə beynəlxalq dərəcəli idman ustası dərəcəsini alıb.[3]
1997-ci ildə Lissabonda təşkil olunmuş Avropa Gənclər Olimpiya Festivalının qalibi olub.[6]
2000-ci ildə Nabul şəhərində keçirilmiş gənclər arasında dünya çempionatında qızıl medal qazanıb.[7]
2001-ci ildə Paris şəhərində baş tutmuş Avropa çempionatında 66 kq çəki dərəcəsində yarışan Mirzəliyev, bütün rəqiblərini üstələyərək, qitə birinciliyinin qalibi olub.[8]
Avropa çempionluğundan bir müddət sonra Rusiyanın Çelyabinsk şəhərinə köçüb və vətəndaşlığını dəyişərək Rusiya bayrağı altında çıxış etməyə başlayıb. Lakin Ukrayna tərəfi bu keçid üçün lazımi icazələri vermədiyindən, 3 il müddətində yalnız daxili turnirlərdə iştirak edə bilib.[3] 2002-ci ildə Rusiya çempionatında bürünc medal qazanıb.[9]
2007-ci ildə Dnepropetrovska dönüb və yenidən Ukraynanı təmsil etməyə başlayıb. 3 il zədələrdən əziyyət çəkən Mirzəliyev, 2010-cu ildə yenidən tatamiyə qayıdıb.[3] Eyni ilin may ayında Ukrayna Kubokunda gümüş,[10] iyun ayında isə Avropa Kubokunda qızıl medal qazanıb.[11] Bu uğurlardan sonra İspaniyada təlim-məşq toplanışı zamanı Azərbaycan millisinin nümayəndələrinin diqqətini özünə cəlb edib.[3][12] Tarixi vətənini təmsil etməyə razılıq verən Mirzəliyev, il yarım müddət ərzində ciddi heç nə ilə yadda qalmayıb və yenidən Ukraynaya qayıdıb.[12]
Renatın adı futbol həvəskarı olan atası tərəfindən futbolçu Rinat Dasayevin şərəfinə qoyulub.[3]
Böyük qardaşı Ruslan da peşəkar cüdoçudur.[3][13]
Ailəlidir, bir qızı var.[12]
- ↑ JudoInside.com (ing.). 2002.
- ↑ "Ренат МІРЗАЛІЄВ". Ukrainejudo.com. İstifadə tarixi: 2025-04-17.
- ↑ 1 2 3 4 5 6 7 8 "Чемпион мира Ренат Мирзалиев: «Уйти из спорта невозможно»". Gorod.dp.ua. İstifadə tarixi: 2025-04-17.
- ↑ 1 2 "Поможет ли Азербайджану звездный дебютант в Токио?". Azerisport.com. İstifadə tarixi: 2025-04-20.
- ↑ 1 2 "Ренат МИРЗАЛИЕВ: Для меня – это новый шанс". Bakupages.com. İstifadə tarixi: 2025-04-20.
- ↑ "EYOD Lisbon - Event". Judoinside.com. İstifadə tarixi: 2025-04-20.
- ↑ "World Junior Championships U20 Nabeul - Event". Judoinside.com. İstifadə tarixi: 2025-04-20.
- ↑ "European Championships Paris - Event". Judoinside.com. İstifadə tarixi: 2025-04-20.
- ↑ "Russian Championships Krasnoyarsk - Event". Judoinside.com. İstifadə tarixi: 2025-04-26.
- ↑ "Ukrainian National Open Cup Sumy - Event". Judoinside.com. İstifadə tarixi: 2025-04-27.
- ↑ "European Cup Celje - Event". Judoinside.com. İstifadə tarixi: 2025-04-27.
- ↑ 1 2 3 "Ренат Мирзалиев: «Спортсмены бывшими не бывают»". Vesti.dp.ua. İstifadə tarixi: 2025-04-29.
- ↑ "Ruslan Mirzaliyev Judoka". Judoinside.com. İstifadə tarixi: 2025-04-29.
