Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Red Faction (videooyun)

  • Məqalə
  • Müzakirə

Red Faction (hərf. "Qırmızı fraksiya") — 2001-ci ildə "Volition" tərəfindən hazırlanmış, THQ tərəfindən yayımlanmış birinci şəxs atıcı janrlı videooyun. Oyun ilkin olaraq, "PlayStation 2" və "Microsoft Windows" platformaları üçün satışa çıxarılmış, 2001-ci və 2002-ci illərdə "Macintosh" sistemləri üçün də uyğunlaşdırılmışdır. Onun "N-Gage" versiyası "Monkeystone Games", mobil versiyası isə "Blue Beck" tərəfindən hazırlanmışdır. 2016-cı ildə oyun "Plaion" tərəfindən "PlayStation 4" platformasına köçürülmüş, "THQ Nordic" tərəfindən həm fiziki, həm də rəqəmsal formatlarda yayımlanmışdır. Oyun müasir elmi-fantastik əsərlərin bir sıra nümunələrindən ilham almışdır.

Red Faction
Loqonun şəkli
"Red Faction" videooyununun konsol üçün rəsmi afişası.
"Red Faction" videooyununun konsol üçün rəsmi afişası.
Hazırlayan Volition[a]
Yayımlayanlar THQ[d]
Seriya Red Faction
Buraxılış tarixi
Siyahı
  • PlayStation 2
    Şimali Amerika 22 may 2001[1]
    Avropa 22 iyun 2001[2]
    Windows Şimali Amerika 18 sentyabr 2001[3]
    Avropa 28 sentyabr 2001
    Mac OS
    Ümumdünya 28 noyabr 2001[4]
    OS X
    Ümumdünya 4 noyabr 2002[5]
    N-Gage
    Şimali Amerika 9 dekabr 2003[6]
    Avropa 12 dekabr 2003[7]
    Mobil
    Ümumdünya 20 oktyabr 2005[8]
Janr birinci şəxs atıcı, elmi-fantastik videooyun[d]
Dizaynerlər Alan Lourens
Ssenaristlər
  • Mayk Bro
  • Ceyson Skott
  • Morin Ten
Proqramçılar Cob Sleygel
Rəssamlar Frenk Kapessutto
Bəstəkar
  • Den Vents[d]
Texniki məlumat
Platformalar
  • PlayStation 2
  • Windows
  • Mac OS
  • OS X
  • N-Gage
  • Mobil telefon
Mühərrik Geo-Mod[d]
Oyun rejimi çoxnəfərli oyun, birnəfərli oyun[9]
İnterfeysin dili ingilis dili[9]
Daşıyıcı rəqəmsal distribusiya, rəqəmsal yükləmə[d]
İdarəetmə kompüter klaviaturası
Rəsmi saytı

Hadisələr XXI əsrin sonlarında Mars planetində cərəyan etmişdir. Oyunçu Parker adlı bir mədənçini idarə edir, "Ultor Corporation" şirkətinə qarşı baş qaldıran üsyana rəhbərlik edənlərdən birinə çevrilmişdir. Oyunun əsas xüsusiyyəti "Geo-Mod" adlandırılan texnologiya olmuşdur. Bu texnologiya dağıla bilən mühitlər yaratmış, oyunçunun səhnənin müəyyən hissələrini məhv etməsinə imkan vermişdir. Məsələn, oyunçu qapını açmaq əvəzinə onun ətrafındakı qayaları partladaraq irəliləyə bilmişdir. 2005-ci ilə qədər oyun 2,000,000-dan çox kopya satmışdır.

29 noyabr 2016-cı il tarixində oyun "PlayStation Network" üzərindən "PlayStation 4" platforması üçün əlçatan edilmişdir. Bu versiyada kubok dəstəyi və geniş ekran ölçüləri kimi əlavə xüsusiyyətlər təqdim olunmuşdur.

Mündəricat

  • 1 Geympley
  • 2 Süjet
  • 3 İstehsal
  • 4 Qəbul
    • 4.1 Tənqidçilərin mövqeyi
    • 4.2 Satışlar
  • 5 Sikvellər
  • 6 Qeydlər
  • 7 İstinadlar
  • 8

Geympley

 
"Geo-Mod" mühərriki vasitəsilə oyunçu körpünü dağıda və beləliklə, zirehli transportyorun uçuruma düşməsinə səbəb ola bilər.

Oyun ətrafdakı relyef və tikililərin partlayıcı maddələr və ya digər vasitələrlə əhəmiyyətli dərəcədə dəyişdirilməsinə imkan verən "Geo-Mod" texnologiyasından istifadə etmişdir. Bu texnologiyadan əvvəlki oyunlarda ətraf mühit yalnız skriptləşdirilmiş məqamlar və ya əvvəlcədən müəyyən edilmiş sahələr vasitəsilə məhdud şəkildə dəyişdirilə bilmişdir. "Red Faction" oyunçulara skriptləşdirilməmiş şəkildə səviyyə dəyişiklikləri etmək imkanı verən ilk videooyun olmuşdur.[10][11]

Ətraf mühitin geniş hissələrinin dağıdılmasına imkan verən bu yenilikçi mexanizm "Geo-Mod" texnikası ilk dəfə məhz bu oyunda tətbiq edilmişdir. İnkişaf prosesi zamanı "Volition" studiyası həmin texnikanın yaratdığı yeni imkanları fəal şəkildə təqdim edirdi. Məsələn, oyunçu bağlı qapının açarı üçün axtarış aparmaq və ya raket qurğusu ilə divarı partladaraq alternativ yol açmaq seçiminə malik idi. Bununla belə, səviyyələrin xeyli dərəcədə xətti quruluşda olması və oyunçunun müəyyən edilmiş marşrut üzrə yönləndirilməsi səbəbindən "Geo-Mod" texnologiyası birnəfərli rejimində geympley üzərində əhəmiyyətli dərəcədə təsir göstərmir.[12][13][14] Çoxnəfərli rejimdə "Geo-Mod" daha çox taktiki məqsədlərlə istifadə olunur. Digər qrafik mühərriklərindən fərqli olaraq, "Geo-Mod" partlayışın nəticələrini hiss və dağıntı təsvirləri ilə yox, əvvəlcədən modelləşdirilmiş boşluq strukturlarının yaradılması ilə əks etdirir. Mühərrik əvvəlcə səhnənin bütöv vəziyyətdə olan geometriyasını render edir, daha sonra partlayış baş verdiyi zaman uyğun şəkildə hazırlanmış meş fraqmentini səhnədən kəsib çıxarır.[15]

Oyunun PC versiyası "Glass House" (hərf. "Şüşə ev") adlı əlavə səviyyəni də əhatə etmişdir. Bu səviyyə oyunçulara geometrik modifikasiya mexanikası ilə sərbəst, sınaq xarakterli mühitdə təcrübə aparmağa şərait yaratmışdır.[16]

"PlayStation 2" versiyasında oflayn bölünmüş ekran rejimi mövcud olmuşdur. Bu rejimdə süni intellekt tərəfindən idarə olunan botlar və eyni vaxtda maksimum 4 oyunçu ilə ölüm matçı rejimini oynamaq mümkün olmuşdur. Oyunun PC versiyası oflayn LAN rejiminə əlavə olaraq rəqəmsal çoxnəfərli imkanlarına malik olmuşdur. Burada 25 xəritə üzrə maksimum 32 oyunçunun iştirakı ilə ölüm matçı, komanda ölüm matçı və bayraq ələ keçirmə rejimləri təqdim edilmişdir. PC versiyası üçün iki əlavə çoxnəfərli səviyyə də hazırlanmış və bunlar oyunu "GameStop" və ya "Electronics Boutique" mağazalarından alan oyunçular üçün eksklüziv məzmun kimi daxil edilmişdir.[17] Daha sonrakı "PlayStation 3" və "PlayStation 4" versiyaları orijinal "PlayStation 2" versiyasının birbaşa portu olmuş və heç bir çoxnəfərli funksionallıq təqdim etməmişdir. Buna baxmayaraq, həmin versiyalarda kubok dəstəyi və geniş ekran ölçüləri kimi əlavə xüsusiyyətlər təqdim olunmuşdur.[18]

Süjet

"Red Faction" oyununda hadisələr təxminən 2075-ci il ətrafında Mars planetində cərəyan etmişdir. Yer planetində faydalı qazıntı ehtiyatları tükənməyə başladığına görə bəşəriyyətin həyatda qalması üçün daha çox resursa ehtiyac yaranmışdır. Marsda aparılan genişmiqyaslı mədən işlərini "Ultor Corporation" şirkəti idarə etmişdir. Mədənçilərin yaşayış şəraiti son dərəcə ağır olmuş, onların insan hüquqları ciddi şəkildə məhdudlaşdırılmışdır. Koloniyada "Vəba" adında məlum müalicəsi olmayan xəstəlik sürətlə yayılmışdır. Xəstəlik əsasən mədən kompleksinin özündə geniş yayılmış, koloniyanın əhalisi üçün böyük təhlükə yaratmışdır. Mədənçi Parker həyatında yeni bir başlanğıc tapmaq ümidilə Marsa gəlmiş, burada "Ultor"un təqdim etdiyi imkan və vədlərlə cəlb edilmişdir, lakin mədənin sıx şəraiti, mədənçilərə təhqiramiz münasibət və qida çatışmazlığı ilə keçən adi iş günlərindən birində Parker növbəsinin sonunda bir mühafizəçinin mədənçiyə qarşı zorakılıq göstərməsi və ona hücum etməyə cəhd etməsi nəticəsində başlayan qarşıdurmanın üsyana çevrildiyinin şahidi olmuşdur. Mədənçi müqavimət göstərərək mühafizəçini öldürmüşdür. Parker silahlanmış və üsyançılara qoşulmuşdur. Ona "Ultor"un üsyankar təhlükəsizlik üzrə texniki mütəxəssisi Hendriks kömək etmiş və kompleks boyunca yönləndirmişdir. Hendriks Parkerin mədənçilərdən bir qrupla birləşməsinə çalışmışdır. Həmin qrup təchizat şatlını ələ keçirib kompleksdən qaçmağa hazırlaşmışdır, lakin Parker gec çatmış və şatl qalxış etdikdən dərhal sonra raketlərlə vurularaq məhv edilmişdir.[19]

Parker "Ultor" kompleksində irəlilədikcə şirkətin bütün müqavimət cəhdlərini zərərsizləşdirmişdir. O, Orion adlı yüksək rütbəli "Red Faction" üzvünün dəstəyi ilə təşkilatın lideri Eos üçün "Ultor"un yüksək vəzifəli administratoru Qrifonu ələ keçirmişdir. Parker Qrifon vasitəsilə öyrənmişdir ki, "Vəba" xəstəliyinin yaradıcısı Kapek olmuşdur. Kapek nanotexnologiya üzərində təcrübələr aparmış və vəba mədənçilərin illik tibbi baxışı zamanı edilən inyeksiyaların yan təsiri kimi meydana çıxmışdır. Hendriks Parkerə Kapekin məxfi yeraltı laboratoriyasına getməyi tapşırmışdır. Parker və Eos həmin laboratoriyada Kapeki zərərsizləşdirmişdilər. Ölüm ayağında Kapek vəba üçün müalicə olduğunu bildirmiş, lakin onun hazırlanma üsulunu açıqlamadan ölmüşdür. Kapekin ölümü laboratoriyanın özünü-məhv mexanizmini işə salmışdır. Eos müalicəyə dair məlumatları tapmaq üçün geridə qalmış, Parker isə rabitə mərkəzinə doğru hərəkət etmişdir. O, Yer Müdafiə Qüvvələrinə fövqəladə çağırış göndərmiş və daha sonra "Ultor"un onu vurmasının qarşısını almaq üçün raket müdafiə sistemini məhv etmiş, Mars orbitindəki "Ultor" kosmik stansiyasına gedəcək şatla minməyə nail olmuşdur. O, bu stansiyada lazer müdafiə sistemini deaktiv etmişdir.

Kosmik stansiyanı məhv etdikdən sonra Parker qaçış kapsulu ilə Marsa qayıtmışdır. "Ultor" şirkəti mədənçilərlə mübarizəni davam etdirmək üçün ehtiyat muzdlu qüvvələrini işə çıxarmışdır. Hendriks Parkerə bildirmişdir ki, muzdlu dəstələr "Ultor"un törətdiyi qanunsuzluqların izlərini silmək məqsədilə mədən kompleksini məhv etmək əmri almışdır. Qısa müddət sonra Hendriks muzdlu qüvvələr tərəfindən öldürülmüşdür. Parker muzdlu qüvvələrin bazasından keçmiş, onların liderləri Masako ilə qarşılaşmış və onu məhv etmişdir. Bu zaman Parker Eosun bir bombanın yanında bağlı vəziyyətdə olduğunu görmüşdür. Bombanı deaktiv etdikdən sonra Yer Müdafiə Qüvvələri vaxtında gəlmiş, Parker və Eosu qırıcı təyyarənin hücumundan xilas etmişdir. Eos Parkerə vəba xəstəliyi üçün dərmanın hazırlanmış olduğunu və xəstələnmiş mədənçilərə verildiyini bildirmişdir. O həmçinin, Marsı tərk edəcəyini, Parkerin isə yeni qazandığı qəhrəman statusundan bəhrələnməsi lazım gəldiyini bildirmişdir.

İstehsal

"Descent 4" oyunu "Descent" seriyasının tərkib hissəsi kimi, ilk "Descent" oyununa prikvel olmaq məqsədilə "Volition" tərəfindən hazırlanmışdır, lakin layihə ləğv edilmiş və onun texnologiyası ilə süjet xəttinin müəyyən elementləri "Red Faction" oyununa inteqrasiya edilmişdir.[20]

"Descent: FreeSpace – The Great War" oyununun 1998-ci ilin martında buraxılmasından sonra "Volition" studiyası cari və gələcək layihələri barədə məlumat vermişdi. "Descent 3" və "Descent: FreeSpace – Silent Threat" inkişaf mərhələsində idi, "FreeSpace 2" isə 1998-ci ilin yayına planlaşdırılırdı. 1998-ci ilin iyununda "Volition" həm "Summoner", həm də "Descent 4" üzərində işləməyə başlamaq qərarına gəlmişdi. "Descent 4" üçün nəzərdə tutulan iddialı inkişaf prosesi layihənin həddindən artıq uzanması və buraxılış tarixinin "Descent 3"dən çox geriyə çəkilməsi riski yaradırdı. İki oyunun buraxılışı arasında fasiləni minimuma endirmək üçün studiya "Descent 4" üzərində mümkün qədər tez işə başlamalı olduğunu müəyyən etmişdi. Bu qərar altı ay sonra, 1998-ci ilin dekabrında verilmiş müsahibədə açıqlanmış və ictimaiyyət tərəfindən vaxtsız hesab edilmişdi, çünki "Descent 3" hələ tamamlanmağa çox uzaq idi.[21] Oyun yalnız 11 iyun 1999-cu il tarixində satışa çıxmışdı.[22]

İnkişaf komandası "Descent 4" üçün mühərriki sıfırdan yaratmağa məcbur idi, çünki "Descent 3" mühərriki kifayət qədər stabil deyildi və oyun mexanikaları da əhəmiyyətli dərəcədə fərqlənirdi.[21] Layihəyə start verildikdən bir il yarım sonra oyun hələ də tamamlanmamışdı. Bu müddətdə studiya "FreeSpace 2", "Summoner" və "Descent 3" kimi bir neçə oyun çıxarmışdı, lakin bu layihələrin gətirdiyi gəlir şirkətin ümumi xərclərini tam qarşılamır və ilk ciddi maliyyə çətinliklərinə səbəb olurdu. Nəticədə "Volition" fəaliyyətini yavaşlatmağa məcbur qalmışdı. 30 avqust 2000-ci ildə "Descent 4"ün inkişafı müvəqqəti olaraq dayandırılmışdır.[23] 31 avqust 2000-ci ildə THQ şirkəti "Volition"u satın almışdı. 11 sentyabr 2000-ci ildə "Descent 4" layihəsinin inkişafı rəsmi şəkildə ləğv edilmişdir.[20]

Layihə sonradan "Red Faction" üçün əsas yaranmışdır. "Geo-Mod" texnologiyası və "Descent 4" üçün nəzərdə tutulmuş digər innovasiyalar burada yenidən istifadə edilmişdir. Əsas personajın adı olan Parker və süjet xəttinin bir sıra elementləri – hadisələrin Marsda cərəyan etməsi, mədənlərdə üsyankar qarşıdurmalar, nanotexnologiya mövzusu və s. olduğu kimi qorunub saxlanılmışdır. Oyunun inkişaf müddəti cəmi səkkiz ay davam etmişdi. "Geo-Mod" texnologiyasının proqramlaşdırılması Con Slegel tərəfindən altı aylıq iş tələb etmişdi.[24]

"Red Faction" ilə 1990-cı ildə buraxılmış "Ümumi xatırlatma" filmi arasında oxşarlıqların mövcud olduğu qeyd edilmişdir. Bunlara Mars mühiti və mühafizəçilərə qarşı üsyan motivi daxildir. Baş dizayner Alan Lourens 2014-cü ildə verdiyi müsahibədə bu paralelləri etiraf etmiş, lakin filmin əsas ilham mənbəyi olmadığını, mövcud oxşarlıqların tamamilə təsadüfi xarakter daşıdığını bildirmişdir.[25]

Oyunun musiqisi Den Vents tərəfindən bəstələnmişdi. Həmin dövrdə "Volition" və "Interplay" öz aparıcı layihələrinin saundtreklərini hazırlamaq üçün ona mütəmadi olaraq müraciət edirdilər. Vents xüsusilə "Descent", "Summoner" və "FreeSpace" seriyası üçün bəstələdiyi musiqilərlə tanınırdı.[26]

"Red Faction" 1998-ci ildə ilkin istehsalat mərhələsinə daxil olmuşdur. İlkin konsepsiyaya görə oyunun hər bir hissəsinin dağıdıla bilməsi nəzərdə tutulmuşdur, lakin texniki çətinliklər və oyunçunun xətti irəliləyişlə yönləndirilməsi zərurəti səbəbindən bu yanaşmanın miqyası azaldılmışdır. Oyun nisbətən məhdud büdcəyə malik kiçik bir komanda tərəfindən hazırlanmış və 2001-ci ildə satışa çıxarılmışdır.[25] Oyunun "N-Gage" versiyası Con Romeroya məxsus "Monkeystone Games" studiyası tərəfindən hazırlanmışdır.[27]

Oyunun buraxılışı ilk növbədə 2001-ci ilin martına planlaşdırılmışdı, lakin onun "PlayStation 2" üçün buraxılışı kommersiya səbəblərinə görə iki ay gecikmişdir.[28] Bunun səbəbi "Sony"nin həmin vaxta qədər kifayət qədər konsol satmaması və buraxılışın gəlirli olmamasının gözlənilməsi olmuşdur. Oyun ABŞ-də 21 may 2001-ci ildə, Avropada isə 22 iyun 2001-ci ildə satışa çıxmışdır. Lokalizasiya problemlərinə səbəbilə Fransa üçün buraxılışı isə daha sonra, 28 sentyabr 2001-ci il tarixinədək təxirə salınmışdır.[29]

Almaniyada oyun "Gənclərin mühafizəsi haqqında" qanunun 14-cü maddəsinə uyğun olaraq müəyyən məzmun ixtisarlarına baxmayaraq, USK tərəfindən gənclər üçün reytinq almamışdır. "GameStar" nəşrinin məlumatına görə, Almaniya versiyasında qan effekti və odsaçan silah oyundan çıxarılmışdır.[12] 21 mart 2003-cü ildə oyun BPjS tərəfindən indeksə salınmış və bununla da onun ictimai nümayişi, reklamı və 18 yaşdan kiçiklərə satışı qadağan edilmişdir. "THQ Nordic" şirkətinin müraciəti ilə bu indeksasiya 2016-cı ilin oktyabrında ləğv edilmiş və nəticədə həmin reklam məhdudiyyətləri aradan qaldırılmışdır.[30]

Qəbul

Tənqidçilərin mövqeyi

Qəbul
Ümumi xallar
QiymətləndirənXal
mobileN-GagePCPS2
GameRankings64%[31]57%[32]78%[33]88%[34]
Metacriticyoxdur55/100[35]78/100[36]88/100[37]
Tənqid xalları
NəşrXal
mobileN-GagePCPS2
AllGameyoxduryoxdur     [38]     [39]
Computer Gaming Worldyoxduryoxdur     [40]yoxdur
Electronic Gaming Monthlyyoxduryoxduryoxdur8.67/10[41]
EP Dailyyoxduryoxdur7/10[42]8.5/10[43]
Eurogameryoxdur5/10[7]7/10[16]9/10[44]
Game Informeryoxdur5.75/10[45]8.75/10[46]9/10[47]
GameRevolutionyoxduryoxdurB[48]B[49]
GameSpotyoxdur3.4/10[50]7.9/10[51]8.8/10[52]
GameSpyyoxdur     [53]89%[54]84%[55]
GameZoneyoxdur6.5/10[56]8/10[57]9/10[58]
IGN6.4/10[8]7.3/10[27]8.8/10[17]9.1/10[59]
Next Generationyoxduryoxdur     [60]     [61]
Official U.S. PlayStation Magazineyoxduryoxduryoxdur     [62]
PC Gamer (US)yoxduryoxdur85%[63]yoxdur
The Cincinnati Enquireryoxdur     [64]yoxduryoxdur
Playboyyoxduryoxduryoxdur90%[65]

Oyunun "PlayStation 2" və PC versiyaları "Metacritic" rəy toplayıcı platformasının göstəricilərinə əsasən "ümumilikdə müsbət rəylər" almışdır. Oyunun "N-Gage" versiyası isə “qarışıq və ya orta” qiymətləndirmələrlə qarşılanmışdır.[35][36][37]

"PlayStation 2" versiyası haqqında IGN oyunu "PlayStation 2 üçün mütləq sahib olunmalı bir məhsul və bu konsolda açıq fərqlə ən yaxşı birnəfərli rejimli birinci şəxs atıcı" kimi xarakterizə etmişdir.[59] "GameSpot" bildirmişdir ki, "Red Faction" özü "ilham aldığı oyunları çox vaxt üstələmir, lakin müəyyən məqamlarda bunu bacarması kifayət qədər təsirli olmuşdur".[52] "PlanetPS2" yazmışdır ki, oyun "xırda qüsurlarına baxmayaraq, qənaətbəxş birnəfərli oyun təcrübəsi və diqqəti dağıdan, lakin nəticə etibarilə dərinlikdən məhrum çoxnəfərli rejim" təqdim etmişdir. Nəşr həmçinin qeyd etmişdir ki, qrafika təsiredici, tətbiq edilən texnologiya isə olduqca diqqətəlayiq olmuşdur, lakin tam potensialından istifadə edilməmişdir.[55] "NextGen" jurnalından Çester Barber 2001-ci ilin iyul sayında qeyd etmişdir ki, oyunun "ən yenilikçi birinci şəxs atıcı olmamağına baxmayaraq, güclü birnəfərli rejimi ilə öz dəyərini sübut etmişdir".[61] "Extended Play" yazarı Ceyson D'April oyuna beş mümkün ulduzdan dördünü vermiş və bildirmişdir ki, oyunu yalnız "PlayStation 2"də "ən yaxşı atıcı adlandırmaq kifayət etməz, çünki o, bütün platformalar üzrə ən yaxşı atıcılardan biri və PlayStation 2 üçün hazırlanmış ən uğurlu oyunlardan biri olmuşdur". D'April oyunun çevik süni intellekti, yenilikçi dizayn elementləri və dinamizmini ön plana çıxarmış, onun janra "təzə nəfəs" gətirdiyini vurğulamışdır.[66] Bununla belə, "Edge" oyuna on mümkün baldan beşini vermişdir.[67] "GamePro" yazarı "Uncle Dust" oyunu "üstün texnologiya, təsirli qrafika və intensiv, uzun və qənaətbəxş süjet xəttinin birləşməsi" kimi qiymətləndirmişdir.[68]

PC versiyasında IGN oyun prosesinin əsas dəyər daşıyıcısı olduğunu, çətinlik səviyyəsi yüksəldildikdə oyunun uzun müddət davam edən və davam etməyə məcbur edən dinamika təqdim etdiyini qeyd etmişdir.[17] "PC Gamer" qrafika barədə bildirmişdir ki, oyun "ən parlaq model deyil, daha çox qonşuluqdakı cazibədar qız kimidir; görünüşü xoşdur, lakin heyrətə gətirəcək səviyyədə deyil".[63] "GameSpot" oyunun orijinallıq baxımından müəyyən çatışmazlıqlarının təcrübəli oyunçular üçün cəlbediciliyi azalda biləcəyini bildirmiş, lakin bununla yanaşı "Red Faction"ın özlüyündə "uğurlu bir atıcı" olduğunu vurğulamışdır.[51] "GameRevolution" oyunu "kifayət qədər hərəkət və intensiv dinamika təqdim edən, lakin müəyyən mənada törəmə xarakterli, qısa və azacıq ilhamsız" bir FPS kimi qiymətləndirmişdir.[48] "NextGen" yazarı Ceff Lundriqan 2001-ci ilin dekabr sayında qeyd etmişdir ki, "fərdi kompüterdə fərqli oyun tərzi və məzmun müxtəlifliyi ilə oynamağa dəyər, lakin PC oyunları arasında xüsusilə seçilən bir nümunə deyil".[60] "Computer Games Magazine" yazarı Stiv Baumann üç ulduzdan ibarət dəyərləndirmə vermiş və "oyunun quruluşu möhkəm olmağına baxmayaraq, mexaniki tətbiqi monoton və xüsusiyyətsizdir" ifadəsini işlətmişdir.[69]

"Maxim" jurnalı PS2 versiyasına beş ulduz vermiş, oyunun axıcı qrafikası və asan idarəetməsinin onu "rahatlıqla davam etdirilən" bir təcrübə etdiyini bildirmişdir.[70] "Playboy" oyunu 90% ilə qiymətləndirmiş və "Red Faction"ın, demək olar ki, bütün elementlərinin yaxşı cilalandığını, idarəetmənin isə konsol atıcıları üçün nadir olan intuitivlik səviyyəsinə sahib olduğunu vurğulamışdır.[65] "The Cincinnati Enquirer" oyunun "N-Gage" versiyasına beş ulduzdan dördünü vermiş və onu "populyar konsol və PC versiyalarının ağıllı uyğunlaşdırması" kimi qiymətləndirmişdir.[64] "GamePro" yazarı “Star Dingo” eyni versiya haqqında qeyd etmişdir ki, səviyyələrin kiçikliyi və quruluşunun sadəliyinə baxmayaraq silah və düşmən yerləşdirməsi balanslıdır, musiqi atmosfer yaradır və səs siqnalları yaxşı işlənmişdir; lakin birinci şəxs atıcılarının portativ qurğular, xüsusilə mobil telefonlar üçün uğurlu seçim olmadığı nəticəsinə gəlmişdir.[71]

Oyunun PC versiyası "The Electric Playground" tərəfindən təqdim edilən 2001 Blister Awards mükafatlarında "Ən bədii PC oyunu” nominasiyasına namizəd olmuş, lakin bu kateqoriyada qalibiyyəti "Myst III: Exile" oyunu əldə etmişdir.[72]

Satışlar

Oyun ABŞ-də buraxıldığı zaman böyük kommersiya uğuru qazanmışdır. İlk dörd gün ərzində 60,000 kopya satılmış və 5 iyun 2001-ci ilə qədər əlavə 15,000 kopya satılmışdır.[73] Satışlar uğurlu olmuş və "PlayStation 2" versiyası Avropada 2002-ci ilin martında "Platinum, ABŞ-də isə 1 aprel 2002-ci ildə "Greatest Hits" etiketi altında yenidən buraxılmışdır.[74]

2002-ci ilə qədər oyun 1,000,000-dan çox kopya satmışdır.[75] 2005-ci ildə THQ şirkəti oyunun 2 milyondan çox kopya satdığını bildirmişdir.[76]

Sikvellər

"Red Faction II" 2002-ci ilin oktyabrında "PlayStation 2" üçün, növbəti il isə "GameCube", "Xbox" və "Microsoft Windows" platformaları üçün buraxılmışdır. Hadisələr Yer planetində cərəyan edir və əsas obraz daxil olmaqla, süni şəkildə gücləndirilmiş superəsgərlər qrupunun hekayəsini nəql edir. Onların fiziki imkanları Marsda Kapek tərəfindən hazırlanmış nanoteknologiya əsasında artırılmışdır.[77][78]

15 iyun 2009-cu ildə "Red Faction: Guerrilla" oyunu "Xbox 360", "PlayStation 3" və "Microsoft Windows" üçün satışa çıxarılmışdır. Bu oyunda hadisələr yenidən Marsda cərəyan edir. Burada Yer Müdafiə Qüvvəsi "Ultor" qədər avtoritar bir quruma çevrilmişdir.[79][80][81]

"Locomotive Games" studiyası tərəfindən "Nintendo Wii" konsolu üçün "Red Faction: B.E.A.S.T." adlı spin-off layihəsi də istehsal edilirdi, lakin studiyanın bağlanması ilə əlaqədar layihə dayandırılmışdır. Buna baxmayaraq, studiyanın fəaliyyətinə xitam verildikdən sonra bir sıra modellər və tammetrajlı treyler ictimaiyyətə təqdim olunmuşdur.[82]

4 iyun 2010-cu ildə "Red Faction: Armageddon" oyununun treyleri yayımlanmaqla seriyanın növbəti hissəsi rəsmi şəkildə elan edilmişdir.[83][84] Hekayə "Red Faction: Guerrilla" hadisələrindən təxminən 50 il sonra baş verir. Oyunçu bu dəfə seriyanın əvvəlki hissəsinin qəhrəmanları Alek və Samanyanın nəvəsi olan Darius Meyson rolunda çıxış edir. Oyunun süjetinə görə, Marsın terraformasiyasına cavabdeh maşının məhv edilməsindən sonra planetin sakinləri yeraltında yaşamağa başlamışdılar. Bir neçə il sonra, birinci oyunda rast gəlinən məxluqlar yenidən azadlığa buraxılır.[85] "Red Faction: Armageddon" 7 iyun 2011-ci ildə satışa çıxarılmışdır.[86]

Qeydlər

  1. ↑ Oyunun "N-Gage" versiyası "Monkeystone Games", mobil versiyası isə "Blue Beck" tərəfindən istehsal edilmişdir.

İstinadlar

  1. ↑ GameSpot staff. "Red Faction ships". GameSpot. Fandom. 22 may 2001. 7 dekabr 2001 tarixində arxivləşdirilib. İstifadə tarixi: 9 fevral 2024.
  2. ↑ "UK Release Dates (2001 Releases)". Eurogamer. Gamer Network. 4 iyun 2001 tarixində arxivləşdirilib. İstifadə tarixi: 7 may 2023.
  3. ↑ Walker, Trey. "Red Faction on track". GameSpot. Fandom. 30 avqust 2001. 18 dekabr 2001 tarixində arxivləşdirilib. İstifadə tarixi: 9 fevral 2024.
  4. ↑ Largent, Andy. "Red Faction Shipping Today". Inside Mac Games. 28 noyabr 2001. 13 avqust 2014 tarixində arxivləşdirilib. İstifadə tarixi: 7 may 2023.
  5. ↑ Deniz, Tuncer. "Red Faction 1.2 Released". Inside Mac Games. 4 yanvar 2002. 13 avqust 2014 tarixində arxivləşdirilib. İstifadə tarixi: 7 may 2023.
  6. ↑ "Red Faction (N-Gage)". GameSpy. GameSpy Industries. 13 dekabr 2003 tarixində arxivləşdirilib. İstifadə tarixi: 7 may 2023.
  7. ↑ 1 2 Taylor, Martin. "Red Faction (N-Gage)". Eurogamer. Gamer Network. 12 dekabr 2003. 11 may 2023 tarixində arxivləşdirilib. İstifadə tarixi: 9 fevral 2024.
  8. ↑ 1 2 Buchanan, Levi. "Red Faction (Cell)". IGN. Ziff Davis. 27 oktyabr 2005. 28 aprel 2022 tarixində arxivləşdirilib. İstifadə tarixi: 9 fevral 2024.
  9. ↑ 1 2 Steam. 2003.
  10. ↑ "How Red Faction's Geomods Work". John Slagel. 9 yanvar 2010 tarixində arxivləşdirilib.
  11. ↑ Fahey, Mike. "Red Faction Started Blowing The Hell Out Of Everything 15 Years Ago Today". Kotaku. G/O Media. 21 may 2016. 12 noyabr 2023 tarixində arxivləşdirilib. İstifadə tarixi: 9 fevral 2024.
  12. ↑ 1 2 "Red Faction". GameStar (alman). 1 oktyabr 2001.
  13. ↑ Nguyen, Khoa. PC Games (alman). 24 yanvar 2012 https://www.pcgames.de/Panorama-Thema-233992/Specials/Von-Space-Invaders-bis-Battlefield-3-Zerstoerung-pur-Die-besten-Destruction-Games-mit-Kaputt-mach-Feature-811927/4/ (#bare_url_missing_title).
  14. ↑ Klaß, Christian. "Spieletest: Red Faction – 3D-Shooter für Randalierer". Golem.de (alman). 11 iyul 2001.
  15. ↑ Slagel, John. "How Red Faction's Geomods Work". john.slagel.com. Volition. 9 yanvar 2010 tarixində arxivləşdirilib.
  16. ↑ 1 2 Bramwell, Tom. "Red Faction (PC)". Eurogamer. Gamer Network. 4 oktyabr 2001. 11 noyabr 2001 tarixində arxivləşdirilib. İstifadə tarixi: 9 fevral 2024.
  17. ↑ 1 2 3 Sulic, Ivan. "Red Faction (PC)". IGN. Ziff Davis. 18 sentyabr 2001. 12 noyabr 2023 tarixində arxivləşdirilib. İstifadə tarixi: 9 fevral 2024.
  18. ↑ Dunning, Jason. "Red Faction, Samurai Shodown VI Are the Latest PS2 Games on PS4". PlayStation LifeStyle. CraveOnline. 22 noyabr 2016. 17 noyabr 2023 tarixində arxivləşdirilib. İstifadə tarixi: 9 fevral 2024.
  19. ↑ "Red Faction". Absolute Games. 19 oktyabr 2022 tarixində arxivləşdirilib. İstifadə tarixi: 4 may 2023.
  20. ↑ 1 2 Asrale. "Planet Descent Volition Interview". PlanetDescent. IGN Entertainment. 11 sentyabr 2000. 22 fevral 2007 tarixində arxivləşdirilib. İstifadə tarixi: 9 may 2007.
  21. ↑ 1 2 "Volition Descent 4 Interview". 18 décembre 1998.
  22. ↑ "The Secret History of Volition". Game Informer. GameStop. 30 mart 2011. (#first_missing_last)
  23. ↑ Toschlog, Matt. "Interview de Matt Toschlog". www.planetdescent.com. 30 avqust 2000. 12 oktyabr 2007 tarixində arxivləşdirilib. (#redundant_parameters)
  24. ↑ Slagel, John. "Geo-Mod/Physics". redfaction.volitionwatch.com.
  25. ↑ 1 2 Mason, Graeme. "The making of Red Faction". Eurogamer. Gamer Network. 9 mart 2014. 12 noyabr 2023 tarixində arxivləşdirilib. İstifadə tarixi: 9 fevral 2024.
  26. ↑ Hoying, Nathan. "Interview de Dan Wentz". www.volitionwatch.com. may 2001.
  27. ↑ 1 2 Chambers, Chad. "Red Faction Review (NNG)". IGN. Ziff Davis. 18 dekabr 2003. 12 noyabr 2023 tarixində arxivləşdirilib. İstifadə tarixi: 9 fevral 2024.
  28. ↑ "Red Faction slips to May". computerandvideogames.com. 15 avqust 2001.
  29. ↑ "Red Faction reporté". Jeuxvideo.com (fransız). 29 mart 2001.
  30. ↑ Kümmeler, Luis. "Red Faction: Erster Teil nach 13 jahren vom Index gestrichen". PC Games (alman). 20 oktyabr 2016.
  31. ↑ "Red Faction for Mobile". GameRankings. CBS Interactive. 26 mart 2019 tarixində arxivləşdirilib. İstifadə tarixi: 24 oktyabr 2021.
  32. ↑ "Red Faction for N-Gage". GameRankings. CBS Interactive. 3 aprel 2019 tarixində arxivləşdirilib. İstifadə tarixi: 24 oktyabr 2021.
  33. ↑ "Red Faction for PC". GameRankings. CBS Interactive. 18 may 2019 tarixində arxivləşdirilib. İstifadə tarixi: 24 oktyabr 2021.
  34. ↑ "Red Faction for PlayStation 2". GameRankings. CBS Interactive. 6 may 2019 tarixində arxivləşdirilib. İstifadə tarixi: 24 oktyabr 2021.
  35. ↑ 1 2 "Red Faction (ngage: 2003): Reviews". Metacritic. CNET. 13 sentyabr 2008 tarixində arxivləşdirilib. İstifadə tarixi: 8 mart 2017.
  36. ↑ 1 2 "Red Faction critic reviews (PC)". Metacritic. Fandom. 29 avqust 2022 tarixində arxivləşdirilib. İstifadə tarixi: 9 fevral 2024.
  37. ↑ 1 2 "Red Faction critic reviews (PS2)". Metacritic. Fandom. 30 mart 2023 tarixində arxivləşdirilib. İstifadə tarixi: 9 fevral 2024.
  38. ↑ Allen, Christopher. "Red Faction (PC) - Review". AllGame. All Media Network. 15 noyabr 2014 tarixində arxivləşdirilib. İstifadə tarixi: 8 mart 2017.
  39. ↑ Barnes, J.C. "Red Faction (PS2) - Review". AllGame. All Media Network. 15 noyabr 2014 tarixində arxivləşdirilib. İstifadə tarixi: 8 mart 2017.
  40. ↑ Babler, Jason. "Red Faction" (PDF). Computer Gaming World. No. 209. Ziff Davis. dekabr 2001. 130–31. 18 sentyabr 2023 tarixində arxivləşdirilib (PDF). İstifadə tarixi: 9 fevral 2024.
  41. ↑ MacDonald, Mark; Kujawa, Kraig; Chou, Che. "Red Faction (PS2)" (PDF). Electronic Gaming Monthly. No. 144. Ziff Davis. iyul 2001. səh. 110. 19 yanvar 2023 tarixində arxivləşdirilib (PDF). İstifadə tarixi: 9 fevral 2024.
  42. ↑ Tilley, Steve. "Red Faction (PC)". The Electric Playground. Greedy Productions Ltd. 5 oktyabr 2001. 17 avqust 2002 tarixində arxivləşdirilib. İstifadə tarixi: 10 fevral 2024.
  43. ↑ Steinberg, Scott. "Red Faction (PS2)". The Electric Playground. Greedy Productions Ltd. 12 iyun 2001. 17 avqust 2002 tarixində arxivləşdirilib. İstifadə tarixi: 10 fevral 2024.
  44. ↑ Bramwell, Tom. "Red Faction (PlayStation 2)". Eurogamer. Gamer Network. 13 iyul 2001. 1 noyabr 2001 tarixində arxivləşdirilib. İstifadə tarixi: 9 fevral 2024.
  45. ↑ "Red Faction (N-Gage)". Game Informer. No. 130. GameStop. fevral 2004. səh. 114.
  46. ↑ "Red Faction (PC)". Game Informer. No. 103. FuncoLand. noyabr 2001. səh. 129.
  47. ↑ Fitzloff, Jay. "Red Faction (PS2)". Game Informer. No. 98. FuncoLand. iyun 2001. 30 yanvar 2008 tarixində orijinalından arxivləşdirilib. İstifadə tarixi: 8 mart 2017.
  48. ↑ 1 2 Joe. "Red Faction Review (PC)". GameRevolution. CraveOnline. oktyabr 2001. 12 sentyabr 2015 tarixində arxivləşdirilib. İstifadə tarixi: 9 fevral 2024.
  49. ↑ Sanders, Shawn. "Red Faction - Playstation 2 Review". GameRevolution. CraveOnline. iyun 2001. 16 fevral 2004 tarixində arxivləşdirilib. İstifadə tarixi: 24 oktyabr 2021.
  50. ↑ Tracy, Tim. "Red Faction Review (N-Gage)". GameSpot. Fandom. 5 yanvar 2004. 29 avqust 2015 tarixində arxivləşdirilib. İstifadə tarixi: 9 fevral 2024.
  51. ↑ 1 2 Kasavin, Greg. "Red Faction Review (PC)". GameSpot. Fandom. 18 sentyabr 2001. 9 noyabr 2015 tarixində arxivləşdirilib. İstifadə tarixi: 9 fevral 2024.
  52. ↑ 1 2 Fielder, Joe. "Red Faction Review (PS2)". GameSpot. Fandom. 22 may 2001. 7 iyun 2016 tarixində arxivləşdirilib. İstifadə tarixi: 9 fevral 2024.
  53. ↑ Leeper, Justin. "GameSpy: Red Faction (NNG)". GameSpy. IGN Entertainment. 26 noyabr 2003. 12 dekabr 2006 tarixində arxivləşdirilib. İstifadə tarixi: 8 mart 2017.
  54. ↑ D'Aprile, Jason. "Red Faction (PC)". GameSpy. IGN Entertainment. 30 sentyabr 2001. 17 fevral 2005 tarixində arxivləşdirilib. İstifadə tarixi: 8 mart 2017.
  55. ↑ 1 2 Alupului, Andrei. "Red Faction". PlanetPS2. IGN Entertainment. 1 iyun 2001. 20 iyun 2007 tarixində arxivləşdirilib.
  56. ↑ Bedigian, Louis. "Red Faction - NG - Review". GameZone. 27 dekabr 2003. 5 noyabr 2007 tarixində arxivləşdirilib. İstifadə tarixi: 9 mart 2017.
  57. ↑ Gerbino, Robert. "Red Faction - PC - Review". GameZone. 30 oktyabr 2001. 12 oktyabr 2007 tarixində arxivləşdirilib. İstifadə tarixi: 9 mart 2017.
  58. ↑ Snackdawg. "Red Faction - PS2 - Review". GameZone. 13 iyun 2001. 24 avqust 2007 tarixində arxivləşdirilib. İstifadə tarixi: 9 mart 2017.
  59. ↑ 1 2 Perry, Douglass C. "Red Faction (PS2)". IGN. Ziff Davis. 25 may 2001. 12 noyabr 2023 tarixində arxivləşdirilib. İstifadə tarixi: 9 fevral 2024.
  60. ↑ 1 2 Lundrigan, Jeff. "Red Faction (PC)". NextGen. No. 84. Imagine Media. dekabr 2001. səh. 115. İstifadə tarixi: 24 oktyabr 2021.
  61. ↑ 1 2 Barber, Chester. "Red Faction (PS2)". NextGen. No. 79. Imagine Media. iyul 2001. səh. 82. İstifadə tarixi: 24 oktyabr 2021.
  62. ↑ Rybicki, Joe. "Red Faction". Official U.S. PlayStation Magazine. No. 46. Ziff Davis. iyul 2001. səh. 102. İstifadə tarixi: 10 fevral 2024.
  63. ↑ 1 2 Payne, Max. "Red Faction". PC Gamer. 8 cild no. 12. Imagine Media. dekabr 2001. 4 iyun 2002 tarixində arxivləşdirilib.
  64. ↑ 1 2 Saltzman, Marc. "PC, console titles now designed for mobile play". The Cincinnati Enquirer. Gannett Company. 9 yanvar 2004. 6 noyabr 2007 tarixində arxivləşdirilib. İstifadə tarixi: 8 mart 2017.
  65. ↑ 1 2 Ryan, Michael E. "Red Faction (PS2)". Playboy. Playboy Enterprises. 18 iyun 2001. 6 yanvar 2002 tarixində arxivləşdirilib. İstifadə tarixi: 8 mart 2017.
  66. ↑ D'Aprile, Jason. "Red Faction (PS2) Review". Extended Play. TechTV. 22 iyun 2001. 31 oktyabr 2001 tarixində arxivləşdirilib. İstifadə tarixi: 9 mart 2017.
  67. ↑ Edge staff. "Red Faction (PS2)" (PDF). Edge. No. 99. Future Publishing. iyul 2001. səh. 95. 11 aprel 2023 tarixində arxivləşdirilib (PDF). İstifadə tarixi: 9 fevral 2024.
  68. ↑ Uncle Dust. "Red Faction (PS2)" (PDF). GamePro. No. 154. IDG. iyul 2001. səh. 84. 4 fevral 2005 tarixində arxivləşdirilib. İstifadə tarixi: 9 fevral 2024.
  69. ↑ Bauman, Steve. "Red Faction". Computer Games Magazine. theGlobe.com. 19 noyabr 2001. 5 dekabr 2001 tarixində arxivləşdirilib. İstifadə tarixi: 24 oktyabr 2021.
  70. ↑ Alt, Eric. "Red Faction (PS2)". Maxim. MaximNet, Inc. 22 may 2001. 2 dekabr 2001 tarixində arxivləşdirilib. İstifadə tarixi: 8 mart 2017.
  71. ↑ Star Dingo. "Red Faction (N-Gage)" (PDF). GamePro. No. 185. IDG. fevral 2004. səh. 93. 15 fevral 2005 tarixində arxivləşdirilib. İstifadə tarixi: 9 fevral 2024.
  72. ↑ EP staff. "Blister Awards 2001 (PC Games)". The Electric Playground. Greedy Productions Ltd. 2002. 13 iyul 2003 tarixində arxivləşdirilib. İstifadə tarixi: 10 fevral 2024.
  73. ↑ IGN Staff. "Red Faction Breaks Through". IGN. 5 iyun 2001.
  74. ↑ IGN Staff. "Red Faction Becomes Greatest Hit". IGN. 5 mart 2002.
  75. ↑ Oxford, Troy. "THQ sequels improve upon popular originals". The Palm Beach Post. Gannett Company. 3 noyabr 2002. səh. 119. 12 noyabr 2023 tarixində arxivləşdirilib. İstifadə tarixi: 9 fevral 2024 – Newspapers.com vasitəsilə.
  76. ↑ "Red Faction". Volition. 2005.
  77. ↑ EGM staff. "Red Faction II (PS2)". Electronic Gaming Monthly. No. 161. 2002-12. səh. 216. 2004-04-01 tarixində orijinalından arxivləşdirilib. İstifadə tarixi: 2017-03-10.
  78. ↑ "Red Faction Armageddon". Play Generation (64). Edizioni Master: 12–14. mart 2011. ISSN 1827-6105.
  79. ↑ Михаил Шкредов (Thunder). "Red Faction: Guerrilla - ломай, круши!". GameTech. 19 iyun 2009. 8 aprel 2012 tarixində arxivləşdirilib. İstifadə tarixi: 26 sentyabr 2009.
  80. ↑ Nomad. "Рецензия на Red Faction: Guerrilla". Absolute Games. 26 sentyabr 2009. İstifadə tarixi: 26 sentyabr 2009.
  81. ↑ "I + attesi". Play Generation (66). Edizioni Master: 84. may 2011. ISSN 1827-6105.
  82. ↑ Fletcher, JC. "First, and last, look at Red Faction: B.E.A.S.T." Engadget (Joystiq). Yahoo! Inc. 16 yanvar 2009. 9 mart 2017 tarixində arxivləşdirilib. İstifadə tarixi: 9 fevral 2024.
  83. ↑ "Первый трейлер Red Faction: Armageddon" (ingilis). GameTech. 5 iyun 2010. İstifadə tarixi: 7 iyun 2010.
  84. ↑ Brendan Sinclair. "THQ planning Red Faction 4, Darksiders 2 Publisher tentatively lists follow-ups to upcoming games to arrive alongside Warhammer 40K MMO game during its fiscal 2012; mystery racer also in the works" (ingilis). GameSpot. 1 aprel 2009. 28 fevral 2010 tarixində arxivləşdirilib. İstifadə tarixi: 12 mart 2010.
  85. ↑ Антон Костюкевич. "Рецензия Red Faction: Armageddon". Игры@mail.ru. 17 iyun 2011. İstifadə tarixi: 27 iyul 2011.
  86. ↑ "Red Faction Armageddon". Play Generation (67). Edizioni Master: 40–42. iyun 2011. ISSN 1827-6105.

  • Red Faction — MobyGames saytında
  • Red Faction (N-Gage) — MobyGames saytında
  • Red Faction (Mobile) — MobyGames saytında
  • Official website (archived)
Mənbə — "https://az.wikipedia.org/w/index.php?title=Red_Faction_(videooyun)&oldid=8398729"
Informasiya Melumat Axtar