Ada cənub-qərbdən şimal-şərqə doğru 200 metr məsafədə uzanır. Adanın maksimal eni 75 metrdir. Adanın sahəsi 1,18 ha-dır. Üzəri tamamən düzəndir. Şimalı istisna olmaq şərti ilə sahilləri sıldırımlıdır. Adanın cənubunda yerləşən burun ən hündür nöqtəsidir. Sahil xətdinin uzunluğu 510 metrdir. Bu sahil xətdinin 70 metri gilli çiməlik və qumlu dildən ibarətdir. Bu hissə adanın şimalında yerləşir. Dil bir başa şimala istiqamətlənir və burada laqun əmələ gətirmir. 440 metr sahil sıldırımlıdır. Adaya ən yaxın materik ərazisi Reçnoy burnudur. Reçnoy adasına ən yaxın yaşayış məntəqəsi isə Devyatıy Valdır.

Adanın səthi bütünlüklə sıx kolluqlardan ibarətdir. Əsasən yovşan və digər ot bitkiləri ilə örtülüdür. Adanın cənub-qərbində sıldırımlara yaxın ərazidə kiçik boylu ağaclar bitir.

Reçnoy adasının ən hündür nöqtəsində kiçik mayak var idi. Hazırda mayakın yerində bir xarabalıq mövcuddur. Mayakın xarabalığına getmək üçün dilin şimalında adaya yan olmaq üçün sal vardır. Buradan adanın daxilinə piyada çığırı gedir. Ada əsasən turistlər və balıqçılar tərəfindən ziyarət edilir. Qışda adaya avtomobillə belə getmək mümkündür.

Reçnoy adası Böyük Pyotr körfəzinin ən şimal adasıdır. O həmçinində Primorski diyarının ucqar şimal adalarından biridir.

Primorski diyarı ərazisində yerləşən digər adalara nisbətdə daha şirin və şəffaf su ilə əhatələnir.

Materikdən kifayət qədər aralıda yerləşməsinə baxmayaraq ada ətrafında və materiklə arasındakı ərazidə dərinlik 2 metri keçmir. Ətrafı çevrəvari formada dayazlıqdan ibarətdir.

Ada açıq dənizdən kifayət qədər aralıda olmasına baxmayaraq adanın iqlimi olduqca kontinentaldır. Qış və yay ayları müşahidə edilən tempertur arasında fərq olduqca çoxdur.

Ada üzərində tez əriyən buzlar uzun zaman qala bilir. Sahil ərazilərinsə buzların qalınlığı daha çox olur.