Ramiz Məmmədov (general-mayor)

Azərbaycan Respublikası Prezidentinin 20 may 1992-ci il tarixli 767 nömrəli Fərmanı ilə daxili işlər polkovniki Ramiz Xosrov oğlu Məmmədova daxili xidmət general-mayoru rütbəsi verilmişdir^[1].

Azərbaycan Respublikası Prezidentinin 19 avqust 1993-cü il tarixli 720 nömrəli Fərmanı ilə Ramiz Məmmədov Daxili İşlər Nazirliyinin Daxili Qoşunlarının Komandanı vəzifəsinə təyin edilib^[2].

General Ramiz Məmmədov 1993-cü ilin dekabrından başlamış 6 yanvar tarixinə kimi davam edən Horadiz Əməliyyatının təşkilatçılarından biri olmuşdur.

Ona verilən xasiyyətnamədə belə yazılıb: "O, qanunvericiliklə Daxili İşlər orqanlarına, Daxili Qoşunlara həvalə olunmuş vəzifələrin yerinə yetirilməsində, cinayətkarlığa qarşı mübarizənin təşkilində, ictimai qaydaların qorunmasında, ictimai təhlükəsizliyin təmin edilməsində, Daxili İşlər nazirinin müavini və Daxili Qoşunların komandanı kimi, kuratoru olduğu xidməti sahələri fəaliyyətinin çevik və məqsədyönlü idarə edilməsində, düzgün istiqamətləndirilməsində yüksək peşəkarlıq və təşkilatçılıq bacarığı nümayiş etdirib, dövlətin konstitusion quruluşunun mudafiəsində, əmin-amanlığın təmin edilməsində diqqətəlayiq xüsusi rolu olub"^[3].

Azərbaycan Vətən Müharibəsi Veteranlarının ictimai Birliyinin (AVMVİB) generalın yubileyi ilə bağlı təbrikində belə yazılıb:"General-mayor Ramiz Məmmədov mənalı həyatının 44 ilini Daxili İslər orqanlarına, Daxili Qoşunlara və Mərkəzi Komitədə müvafiq vəzifəyə həsr edərək, şərəfli yol keçib. Vətənə və xalqa sədaqətlə xidmət edib. Rəhbər vəzifələrdə işləyərkən səmərəli fəaliyyəti, təşkilatçılıq bacarığı, işgüzarliğı və mənəvi keyfiyyəti ilə, ölkə prezidentinin və Daxili İşlər Nazirliyinin daimi diqqət mərkəzində olmuşdur. General-mayor Ramiz Məmmədovun səmərəli və məqsədyönlü fəaliyyəti həmişə onun bilavasitə rəhbəri tərəfindən yüksək qiymətləndirildiyinə görə, bir sıra medallar, döş nişanları, orden və Fəxri Fərmanla mükafatlandırlıb".

O, 1995-ci il iyunun 20-də Daxili Qoşun Komandanı vəzifəsindən təqaüdə göndərilib^[4].