Ramil Hacı (10 Sentyabr 1986 ) — Naxçıvan Muxtar Respublikasının gənclər və idman naziri. Naxçıvan Şəhər İlham Əliyev adına Olimpiya İdman Kompleksinə direktor.
| Ramil Hacı | |
|---|---|
| Ramil Qəşəm oğlu Hacı | |
 | |
| Doğum tarixi | 9 oktyabr 1986 (38 yaş) |
| Doğum yeri | |
| Milliyyəti |
 Azərbaycan |
| İxtisası | Bədən Tərbiyəsi və İdman |
| Təhsili | Naxçıvan Dövlət Universiteti |
| Fəaliyyəti | Gənclər və İdman Nazirliyinin “Azəridmanserviz” Məhdud Məhsuliyyətli Cəmiyyətində İdmanın inkişafının rəhbəri |
10 sentyabr 1986-cı ildə Naxçıvan şəhərində anadan olmuşdur. 1992-ci ildə Naxçıvan şəhər General Cəmşid Naxçıvanski adına 11 saylı tam orta məktəbin 1-ci sinfinə qəbul olub. 2003-cü ildə həmin məktəbin 11-ci sinfini bitirmişdir.[1] 1993-cü ildən Naxçıvan Şəhər Uşaq Gənclər İdman Məktəbində sambo növü üzrə məşqlərə başlamışdır. Naxçıvan Muxtar Respublika və Azərbayacan Respublika birinciliklərində, turnirlərdə cüdo və sambo yarışlarında müəyyən yerlər tutmuş və qazandığı nailiyyətlərə göre I dərəcəli idmançı kimi idman məktəbini bitirmişdir.[2]
20 oktyabr 2005-ci ildə həqiqi hərbi xidmətə çağırılıb. 2007-ci ilin aprel ayında hərbi xidmətdən ehtiyata buraxılıb.
2008-ci ildə Naxçıvan Dövlət Universitetinin Pedoqojika fakültəsinin Bədən Tərbiyəsi və İdman ixtisasına daxil olub, 2012-ci ildə həmin ixtisası bitirmişdir. 2012-ci ildən Naxçıvan Muxtar Respublikasının Gənclər və İdman Nazirliyinin tabeliyində olan Uşaq Gənclər İdman Məktəbində məşqçi müəllim kimi fəliyyətə başlayıb.
2013-cü ildən Naxçıvan Muxtar Respublikasının Fövqəladə Hallar Nazirliyinin Sulardan Xilasetmə taqım komandiri vəzifəsinə təyin edilib. 2014-cü ilin oktyabr ayı xidmət müddəti başa çatdığı üçün ehtiyata buraxılıb.
2015-ci ildən Uşaq Gənclər İdman Məktəbinin təlimatçısı vəzifəsinə daxil olub.
2019-cu ildə Naxçıvan Şəhər İlham Əliyev adına Olimpiya İdman Kompleksinə direktor təyin olunmuşdur. 2021-ci ildə Naxçıvan Muxtar Respublikasının Ali Məclisi sədrinin Fərmanına əsasən Naxçıvan Muxtar Respublikasının gənclər və idman naziri vəzifəsinə təyin olunub.
2023-cü ildə Naxçıvan Muxtar Respublikasının Ali Məclis sədrinin birinci müvaininin sərəncamına əsasən Naxçıvan Muxtar Respublikasının gənclər və idman naziri vəzifəsindən azad edilmişdir.
2023-cü il tarixdən Azərbaycan Respublikasının Gənclər və İdman Nazirliyinin "Azəridmanserviz" Məhdud Məhsuliyyətli Cəmiyyətində İdmanın inkişafının rəhbəri vəzifəsinə təyin olunub.[3]
- ↑ "Naxçıvanda daha bir təyinat". Qafqazinfo (az.). 10 avqust 2021.
- ↑ "Naxçıvanda nazir işdən çıxarıldı". Qafqazinfo (az.). 21 iyul 2023. 2023-07-22 tarixində arxivləşdirilib. İstifadə tarixi: 2024-12-10.
- ↑ "Azərbaycanda yeni nazir təyin edildi". Oxu.az (az.).