Rafiq Yaqub oğlu Zeynalov (16 mart 1938, Bakı – 5 sentyabr 2014, Bakı) — Azərbaycan jurnalisti və ictimai-siyasi xadimi, fəlsəfə üzrə fəlsəfə doktoru, Azərbaycan Kommunist Partiyası Mərkəzi Komitəsinin ideoloji məsələlər üzrə katibi (1988–1990), Azərbaycan SSR Nazirlər Soveti yanında Dövlət İnformasiya Agentliyinin ("Azərinform"un) direktoru (1986–1988), Bakı Sosial İdarəçilik və Politologiya İnstitutunun rektoru (1990–1995), Azərbaycan Ali Sovetinin XI çağırış və XII çağırış deputatı.
| Rafiq Zeynalov | |
|---|---|
 | |
| 31 may 1988 – 9 iyun 1990 | |
| Birinci katib |
Əbdürrəhman Vəzirov Ayaz Mütəllibov |
| Əvvəlki | Ramiz Mehdiyev |
| Sonrakı | Fazil Muradəliyev |
| 26 dekabr 1986 – 18 iyun 1988 | |
| Əvvəlki | Yefim Qurviç |
| Sonrakı | Azad Şərifov |
| Şəxsi məlumatlar | |
| Doğum tarixi | 16 mart 1938 |
| Doğum yeri | |
| Vəfat tarixi | 5 sentyabr 2014 (76 yaşında) |
| Vəfat yeri | |
| Təhsili |
|
| Fəaliyyəti | jurnalist |
| Elmi fəaliyyəti | |
| Elmi dərəcəsi |
|
|
|
|
| Təltifləri |
|
.svg){kind=small}
Həyatı
Rafiq Yaqub oğlu Zeynalov 1938-ci il martın 16-da Bakı şəhərində qulluqçu ailəsində anadan olmuşdur. 1956-cı ildə Bakı şəhəri 132 saylı orta məktəbi bitirdikdən sonra Neft hasilati üzrə Azərbaycan Elmi-Tədqiqat İnstitutuna operator vəzifəsinə qəbul olunmuşdur. 1957–1962-ci illərdə Azərbaycan Dövlət Universitetinin Jurnalistika fakültəsində, 1974–1976-cı illərdə isə Sov.İKP MK yanında İctimai Elmlər Akademiyasının aspiranturasında SSRİ tarixi ixtisası üzrə təhsil almışdır. Fəlsəfə üzrə dissertasiya müdafiə etmiş, elmlər namizədi elmi dərəcəsini almışdır.
1969-cu ildə rəhbər partiya vəzifəsinə irəli çəkilmiş, 1974-cü ilədək Azərbaycan KP MK-nın Təbliğat və təşviqat şöbəsində təlimatçi vəzifəsində çalışmışdır. 1976–1986-cı illərdə Azərbaycan KP MK-nin Təbliğat-təşviqat şöbəsi müdirinin müavini, 1986–1988-ci illərdə Azərbaycan SSR Nazirlər Soveti yanında Dövlət İnformasiya Agentliyinin ("Azərinform", hazırkı "AzərTac") direktoru, 1987–1988-ci illərdə Azərbaycan Jurnalistlər İttifaqının sədri olmuşdur. 1988–1990-cı illərdə Mərkəzi Komitənin və Mərkəzi Komitə bürosunun üzvü olmaqla Azərbaycan KP MK-nın ideoloji məsələlər üzrə katibi vəzifəsində işləmişdir. 1990–1995-ci illərdə Bakı Ali Partiya Məktəbinin (müstəqillik dövründə Bakı Sosial İdarəetmə və Politologiya İnstitutunun) rektoru olmuşdur.
Rafiq Zeynalov 1987–1995-ci illərdə XI və XII çağırış Azərbaycan Ali Sovetinin, habelə 1988–1990-cı illərdə Bakı Şəhər Xalq Deputatları Sovetinin deputatı seçilmişdir.Azərbaycan SSR Ali Soveti Rəyasət Heyətinin fəxri fərmanları (1966, 1988), "Şərəf nişanı" ordeni (1981) ilə təltif edilmişdir.
Rafiq Zeynalov 1995–1999-cu illərdə Bakı Sosial İdarəetmə və Politologiya İnstitutunda və 1999–2009-cu illərdə hazırkı Bakı Avrasiya Universitetində professor işləmiş, 2009-cu ildən Azərbaycan Əmək və Sosial Münasibətlər Akademiyasında tam ştatlı müəllim olmuşdur.
Rafiq Zeynalov 5 sentyabr 2014-cü ildə vəfat etmişdir.
İstinadlar
- ↑ Ədalət Tahirzadə. Meydan: 4 il 4 ay. Bakı: Qanun. 2020. səh. 1231.
- . LENT.AZ (az.). news.lent.az. 05.09.2014 / 14:51. 2014-09-08 tarixində arxivləşdirilib. İstifadə tarixi: 2014-09-11.
- . "Bu gün" (az.). bugun.az. 05 September 2014 13:26:00. İstifadə tarixi: 2014-09-11. [ölü keçid]
Xarici keçidlər
- . "Üç nöqtə" (az.). ucnoqta.az. 14:48, 05.09.2014. İstifadə tarixi: 2014-09-11.